Boom (Maize)										Sepedi



Segašetši sa mohuta wa “boom”: tšohle tše o swanetšego go di tseba 



Instructions:

Folio strap: Tirišometšhene

Byline: Tshedimošo ye e beakantšwe ke Jane McPherson go tšwa go Thuto ya Grain SA ya 

 		    Tšwetšopele ya Bokgoni bja Theknikhale 

Photos: 	Boom 1 (Look at original article to see where to put photo)

Boom 2 (Look at original article to see where to put photo)

Boom 3 (Look at original article to see where to put photo)

Boom 4 (Look at original article to see where to put photo, replace the text)

Boom 5 (Look at original article to see where to put photo)

Boom 6 (Look at original article to see where to put photo)



Kgatelelo ya fase 

Marotholodi a magolo

Kgatelelo ya godimo

Marotholodi a manyane

Sebopego sa kgašetšo (Types of sprayer patterns)

Kgašetšo ka sebopego sa khouni ya sekoti (Hollow cone spray)

Kgašetšo ka sebopego sa khouni ya sethata (Solid cone spray)

Kgašetšo ka sebopego sa sefokišamoya se sephaphati (Flat fan spray)

Kgašetšo ye e lekanetšego (Even spray)

Kgašetšofula (Flooding spray)

Freime 

Boom

Tanka

Tšheka leemo la oli 

			Kelokgatelelo

			Dibelefe tše di laolago (Control valves)

			Belefe ye e laolago kgatelelo 

			Belefekgaotšo (Cut off valve)

	DINTLHAKGAŠETŠO TŠE MPSHA 

Di phatlalatša seela ka go swana ge di hlatlagantšhwa ka nepagalo (properly 

overlapped).

DINTLHAKGAŠETŠO TŠE DI ONETŠEGO 

Di tšweletša seela se se fetišago mme go ba le kgašetšo ye e fetišago ntlheng ye nngwe

 le ye nngwe.

DINTLHAKGAŠETŠO TŠE DI SENYEGILEGO 

Go tšwelela ga seela go a fetogafetoga – tlhatlagano le tlhaelo (overlapping and 

underapplying).

Seswantšho sa 1: Kgašetšo ka sebopego sa sefokišamoya se sephaphati (Flat fan spray 

pattern)

Seswantšho sa 2: Tlhatlamano ye e katološitšwego ya kgašetšo ka sebopego sa

sefokišamoya se sephaphati (Extended range flat fan spray pattern)

Seswantšho sa 3: Kgašetšo ka sebopego sa sefokišamoya se sephaphati sa sekhutlo se 

sephara (Wide angle flat fan spray pattern)

Seswantšho sa 4: Kgašetšo ye e lekanetšego (Even spray pattern)

	

Malebana le tšweletšo ya dibjalo kgašetšo ka tlwaelo e dirišwa go bolaya mengwang le dikhunkhwane goba go tšhela monontšha wa matlakala (monontšha wo o monwago ke matlakala). Taodišwaneng ye re lebelediša dikarolo tša segašetši sa mohuta wa boom le ka moo se šomago ka gona. 



Mengwang e ka gašetšwa pele ga ge e mela (pre-emergence spraying) goba mola e šetše e tšweletše mmung (post-emergence). Mokgwa wo o ka dirišwa gape go bolaya dikhunkhwane goba diboko – ka nako ye nngwe o gašetša mmu mola o feditše go bjala go bolaya dikhunkhwane goba diboko tše di lego mmung; goba o ka gašetša dikhunkhwane thwii (mokgwa wo o bitšwa kgašetšokamano (contact spray) mme o bolaya dikhunkhwane thwii), goba o ka gašetša dibjalo mme dikhunkhwane tša hwa mola di jele sebjalo seo se tšhetšwego mpholo (mokgwa wo o bitšwa mokgwa wa lenaneo (systemic) – dikhunkhwane di bolawa ke go ja sebjalo se se tšhetšwego mpholo, ga di bolawe ke marotholodi a kgašetšo. 



Go bohlokwa go kwešiša gore go swanetše go gašetšwa bokaakang bjo bo itšego bja mpholo godimo ga hektare gore o šome ka tshwanelo. Go se ke gwa dirišwa mpholo wo monyane godimo ga hektare gobane sephetho e ka se be seo se nyakegago, le gona go se ke gwa gašetšwa woo o fetago tekanyo ka ge mpholo o tura kudu ebile go ka hlolega kotsi. 



Marotholodi a kgašetšo e ka ba a magolo (coarse) goba a manyane (fine). Kgašetšo ya marotholodi a magolo ga e huetšwe kudu ke phefo, eupša marotholodi a tloga matlakaleng ka pela ka go rothela fase. Marotholodi a manyane ga a tšhabe matlakaleng ka go rothela fase, eupša a ka tšewa ke phefo ka nako ya kgašetšo. 



Seela seo se gašetšwago ka marotholodi a magolo se feta seo se gašetšwago ka marotholodi a manyane. Ka tlwaelo kgašetšo ya marotholodi a manyane e akaretša lefelo leo le gašetšwago ka nepagalo mola marotholodi a magolo a ka tlogela dikgobana gare ga ona, ebile mafelo a mangwe a ka tshelwa. 



Go bohlokwa kudu gore o gašetše mengwang kgatong ya maleba bophelong bja yona; dikhunkhwane tšona di swanetše go gašetšwa mola di hlasetše tšhemo ka bontši. Go bohlokwa gape gore o latele ditšhupetšo mabapi le nako ya letšatši yeo e lebanego kgašetšo, gammogo le dintlha tše dingwe tša go swana le tlaišego ya dibjalo ka baka la komelelo. Ga go thuše selo go gašetša mengwang mola e šetše e entše peu gobane e tla be e kgonthišitše go mela ga yona sehleng se se tlago; le gona ga go na mohola go gašetša mengwang ge e šetše e thomile go phadišana le dibjalo go hwetša monola le phepo; go feta fao o senya tšhelete ge o gašetša dibjalo go bolaya khukhwane ye e itšego ge go bonala dikhunkhwane di se kae fela. Le ge go le bjalo ga go thuše selo le gona go ema go fihla ge dikhunkhwane di nyakilo fetša dibjalo pele ga ge o di gašetša ka mpholo. 



Na digašetši di šoma bjang?

Melongwana (nozzles)

Melongwana ye e fapanago e bopilwe go gaša ka mekgwa goba ka dibopego tše di fapanago (different spray pattern). Go na le melongwana ya go fapafapana yeo gape e fapanago ka bogolo. Kgašetšo ka sebopego sa sefokišamoya goba fene ka kakaretšo e dirišwa go gašetša mmu, mola kgašetšo ka sebopego sa khouni e le kaone ge go gašetšwa dibjalo. 



Dipompo

Mošomo wa pompo ke go gapela seela seo se lego ka tankeng ya segašetši ka ntle. E gapa seela ka go diriša kgatelelo gore melongwana e kgone go se gašetša mmung goba dibjalong ka moo go nyakegago. 



Mehuta ya digašetši

Digašetši tše di šomišwago ka diatla 

Segašetši sa diatla (Manual sprayer)

Segašetši sa tankakgatelelo (Pressure tank sprayer)

Segašetšikanapa (Knapsack sprayer)

Digašetši tše di gapšago semotšhene 

Segašetšikanapa seo se gapšago ke entšene

Segašetši sa “boom” seo se hlomelwago trekereng 

Digašetši tše di šomago ka moya 

Segašetši sa “boom” seo se šomago ka moya

Segašetši sa serapa sa dikenywa (Orchard sprayer)

Digašetši tše di itšego (Specialised sprayers)

Segašetši sa mohuta wa disc atomizer seo se swarwago ka diatla

Segašetši sa mohuta wa disc atomizer seo se hlomelwago trekereng 



Dikarolo tša digašetši tša mohuta wa boom

Freime le diphaephe (booms) 

Go na le mehutahuta ya difreime tšeo diphaephe (booms) di hlomelwago go tšona. Diphaephe (booms) di ka phuthwa ge di rwalwa ka senamelwa mme tša phuthollwa gape – se se ka phethwa ka diatla goba ka mokgwa wa haedroliki. Freimeng go na le fao go ka beakanywago gore diphaephe (booms) di kukwe goba di theošwe. Dipeakanyo tše di fapana go tšwa go segašetši go ya go se sengwe mme tše dingwe di laolwa sehaedroliki mola digašetšing tše dingwe go na le lenaneo la dipoutu tše di ka beakanywago. 



Tanka ya segašetši

Ditanka di swanetše go bopša ka materiale yeo e šitišago ruse, go swana le setala se se sa tšhilafalego (stainless steel), setala se se khupeditšwego ka senke (galvanized steel) goba galasetlhale (fibreglass). Ka tlwaelo materiale ye e dirišwago ga e tsenelelwe, ka fao ga go be le mašaledi a mpholo ka tankeng ge e dirišitšwe. Go bohlokwa gore ditanka tše di senyegilego di lokišwe, kudu tshenyego yeo e ka hlolago ruse gobane se se ka dira gore tanka e dutle. 



Pompo

Pompo e swanetše go šoma gabotse gammogo le dikarolo tšohle tša yona. Ditiišo tša pompo (pump seals), diring tša “o” (o-rings) goba diwašere tša letlalo goba tša materiale ya sinthetiki di ka omelela ge segašetši se ka dula lebaka le letelele se sa šomišwe goba ge se sa bolokwe ka moo go nyakegago. Setološi seo se dirišwago dibolayasenying tše dingwe se ka senya ditiišo tša pompo, seo se ka dirago gore pompo e dutle goba e se pompe ka tshwanelo. 



Dipompo tše dintši di itlotša oli mme go bohlokwa gore seemo sa oli se lekolwe ka mehla go kgonthiša gore e lekane. 



Mathopo

Tsenya mathopo (hoses) a mafsa legatong la ao a palegilego goba a dutlago. Elelwa gore mathopo ao a dirišwago go gašetša dibolayasenyi ga a kgone go upša (decontaminated) ka botlalo -- go tlo šala mašaledi a sebolayasenyi go ona ka mehla. Mathopo ao a tlošwago a swanetše go lahlwa ka tlhokomelo mme a se ke a dirišwa gape kae goba kae. 



Mehlotlo

Diriša mehlotlo (filters) ka mehla ge segašetši se šoma. Yona e hlaola ditšhila le dilwana di šele tšeo di ka thibago melongwana ya segašetši le go se šitiša go šoma ka tshwanelo. 



Dikelokgatelelo le dilaolakgatelelo (Pressure gauges and controls)

Kgatelelo ya seela ka gare ga segašetši e elwa ka kelokgatelelo. Kelokgatelelo e ela kgatelelo yeo seela (kgašetšo) se gapelwago ntle ka yona ka melongwanagašetši. Kgatelelo e elwa magareng a selaolakgatelelo (pressure regulator) le melongwanagašetši. Ka lebaka le segašetši se ka se šome ka tshwanelo ge kgatelelo e fetoga. Kgonthiša gore dikelokgatelelo di šoma ka tshwanelo le gore di beakantšwe gabotse (properly calibrated). 



Go na le belefe ye e fokotšago kgatelelo yeo e ka dirišwago go beakanya kgatelelo segašetšing. Belefe ye e ka bulwa go dumelela bokaakang bjo bo nyakegago bja seela go fihla melongwaneng mme seela se se šalago se bušetšwa tankeng; goba belefe e ka bulwa ka botlalo go dikološa seela segašetšing. Ye ke ntlha ye bohlokwa yeo e šitišago ditswaki tše di šomago (active ingredients) go theogela botlaseng bja tanka ge seela se sa gapelwe ntle. Ka tlwaelo go na le dipompi (taps) tše dingwe tšeo di ka romelago seela dikarolong tše di itšego tša segašetši gore se gašetše lefelo le lenyane goba le legolo. 



Ditlhomeletšo le dipatiši 

Gantši ditlhomeletšo (fittings) tše di palegilego goba di bofologilego di hlola go dutla. Kgonthiša gore ditlhomeletšo le dipatiši (clamps) di tiile pele ga ge o tsoša kgatelelo segašetšing ka go pompa seela. Mola kgatelelo e tsošitšwe, lekola ge eba ga go na fao go dutlago. 



Dintlhamelongwana le mehlotlo 

Lekola melongwanagašetši ka mehla go kgonthiša gore ga e a thibana. Melongwana ye e onetšego e gašetša khemikhale ya go feta tekanyo mme gantši se se hlola kgašetšo ye e sa lekalekanego (irregular spray pattern) le diphetho tše di fapanago. Mašobana a melongwanagašetši le ona a ka fetoga, kudu ge go dirišwa dikhemikhale tše di gohlago ka mehla, bjalo ka dipuere tše di ka kolobišwago (wettable powders). Ge seela se se tšwelelago melongwaneng e le se senyane go seo se nyakegago, o swanetše go hlwekiša melongwana yeo wa e leka gape. Tsenya melongwana ye mefsa ge ye e onetšego e gašetša seela se se fetago seo se tšweletšwago ke melongwana ye mefsa ka 5 -10%. 





