Banner											Sepedi



Na ke sehlophathuto sefe seo se ka tšweletšago sefoka se se phalago tšohle?



Instructions:

Folio strap: Dihlophathuto

Byline: Jane McPherson, molaodi wa Lenaneotlhabollo la Grain SA

Insert: Phadišano ya Setšhaba ya Sefoka sa Dihlophathuto!



Morero wo mongwe wo bohlokwa wa Lenaneo la rena la Tlhabollo ya Balemi ke go hloma le go thušana le dihlophathuto. 



Mongwe le mongwe wa balomaganyi ba tlhabollo ba diprofense o swanetše go hloma le go thušana le dihlophathuto tše 25 tikologong yeo a šomago go yona: 

Tonie Loots, karolong ya Leboa-bodikela ya Profense ya Leboa-Bodikela

Amos Njoro, dikarolong tša gare tša Leboa-Bodikela le Leboa la Freistata

Johan Kriel, karolong ye e šalago ya Freistata

Jerry Mthombothi, Profenseng ya Mpumalanga, le 

Philip Olivier, Profenseng ya Kapa-Bohlabela. 



Nepo ya dihlophathuto ke: Go hlohleletša balemi bao ba hlabologago, bao ba dumeletšwego go diriša nagatemo go ya ka molao, go hloma dihlophathuto tšeo di kopanago ka tekanelo go tsenela dithuto le tshedimošo yeo e amanago le intasteri ya lehea. 



Lenyaga ke la mathomo ge Johan Kriel a thomile phadišano gare ga dihlophathuto go hwetša sehlopha seo se tšweletšago sefoka se se phalago tšohle. Difoka tše di dirišwa bjalo ka seka sa boitšhupo le go hlohleletša moya wa kamano dikopanong tša dihlophathuto le matšatšing a balemi. Diswantšho tše di tšweletšwago mo di bontšha boleng bja difoka tše.  



Ka ge phadišano ye e bile gona kua Freistata fela, taodišwana ye e nyaka go tsebiša dilete tše dingwe kgopolo ye.   



Re kganyoga go amogela diswantšho tša difoka go tšwa go balomaganyi ba diprofense – a sefoka se sekaone e be seo se “thopago sefoka”! 

