Tractor (Maize) 							Sesotho sa Leboa



Lenanetekolo la trekere ya gago – karolo ya 2



Instructions: 

Folio strap: Tlhokomelo

Byline: Tsebišo ye e tšwa mo go Thuto ya Bokgoni bja Tirišo 

Use photos as supplied in article 4-9



Mo go Pula ya Mei 2010 re hlophile dintlha tše mmalwa tšeo di swanetšego go elwa hloko pele ga ge o diriša trekere ya gago. Trekere e bohlokwa kudu polaseng mme ge o sa e hlokomele gabotse o ka tla wa itshola o šoro. Karolo ya 2 ya taodišwana ye e latela mo tlase: 

 

Lekola mamapolo a a bofago a a bitšwago 3 point hitch pins

Kgonthiša gore o na le mamapolo (pens and pins) ohle a bogolo bjo bo lebanego.



Lekola sekgokaganyi sa ka godimo 

Kgonthiša gore sekgokaganyi sa ka godimo (top link) se tloditšwe krisi le gore go dirišitšwe mamapolo (pins) a bogolo bjo bo lebanego. 



Lekola sehaki (bohakamegoma)

Kgonthiša gore dipoutu tšohle tša sehaki di tiišitšwe le gona diriša lemapolo le le lebanego la sehaki (correct drawbar pin).



Tshepetšo ye e latelago mabapi le go dumiša trekere e swanetše go elwa hloko pele ga ge o dumiša 



Dula bodulong ka mehla pele ga ge o dumiša trekere. Ela melawana ya boitšhireletšo ya trekere ye nngwe le ye nngwe hloko. Ditrekere tše dingwe di nyaka gore o dule o gatelela klatšhe mola o lokolotše dikere (gear lever in neutral) pele ga ge o di dumiša. 



Trekere a e eme metsotso e se mekae e duma o lekole dielo (gauges) le mabonetemošo (warning lights) paneleng ya dišupetši (instrument panel). Ge go na le seo se sa šomego ka tshwanelo se lokiše pele ga ge o tšwela pele. Le gatee o se ke wa dumišetša trekere godimo (rev) ntle le lebaka. Sepediša trekere kereng ye e nepagetšego ka mehla mme o se ke wa gogiša entšene boima le gatee. 



Trekere a e eme metsotso e se mekae e duma gore seoketšamaatla (turbo) se fole pele ga ge entšene e tingwa. Tlatša tanka ya tisele mafelelong a mošomo wa letšatši go šitiša phokafalo le popego ya marotholodi a meetse ka tankeng. 















