Chemicals (Maize)								Sesotho sa Leboa



Gopola pele ga ge o diriša dikhemikhale



Instructions: 

Folio strap: Taolo ya sekhemikhale

Byline: Corné Louw, raekonomi wa temo: Tšweletšo/Dinyakwapšalo, Grain SA 

Photos:	

	Photo 1: Se o se bonago mo ke seo se diragalago ge o gašetša lehea ka sebolayangwang pele ga ge le loketše go gašetšwa.

	Photo 2: Kgonthiša gore o ela ditšhupetšo tša motheo hloko ge o diriša dibolayangwang.



Dikhemikhale tša temo di ka fediša dibjalo tša gago bakeng sa go di šireletša ge di sa dirišwe go ya ka ditšhupetšo tše di fiwago le gona ka tlhokomelo ye e nyakegago. Ka go ela ditaelo tša motheo hloko ge a reka le go diriša dikhemikhale, motšweletši a ka šitiša tshenyo ye kgolo dibjalong tša gagwe. 



Ge o diriša dikhemikhale ela tše di latelago hloko:

Na khemikhale ya temo e ngwadišitšwe go dirišwa dibjalong tše di itšego (mono Afrika-Borwa) le gona go fediša ngwang, fankase goba tlhaselo (tšhilafatšo) ye e itšego? 

Na go dirišwa bokaakang bjo bo šupeditšwego ka moo go laetšwego?

Na maemo a boso ka nako ya go diriša khemikhale le morago ga fao a sepelelana le maemo ao a šupetšwago?

Na nako ya tirišo ke yeo e šupetšwago, mohlala, ka mahube goba ka meriti? 

Na maemo a tšhemo fao dibjalo di tšweletšwago a sepelelana le dinyakwa, mohlala, monola mmung le mohuta wa mmu? 

Na dikgato tša go laola tšhilafatšo di tšerwe kgatong ya go gola ga dibjalo ye e šupetšwago ke ditaelo tša tirišo? 

Khuetšo ya ka morago – na khemikhale ya temo e ka ba kotsi mabapi le lenaneo la phetošopšalo, ka mantšu a mangwe mabapi le dibjalo tše di tlogo latela? 

Na khemikhale ya temo e ka hlakanywa le dikhemikhale tše dingwe – mohlala, sebolayangwang se se itšego se ka hlakanywa le dibolayangwang tše dingwe le/goba dibolayakhunkhwane le dibolayafankase tše dingwe? 



Go fokotša dikgonagalokotsi tše di sepelelanago le tirišo ya dikhemikhale go ya pele, Grain SA e hlohleletša batšweletši go kgonthiša gore ba ela tše di latelago hloko ge ba reka dikhemikhale:



Morekiši (agent) wa khemikhale o swanetše go tiiša gore khamphani ye a e emelago ke leloko la CropLife SA;

Khamphani ye e phatlalatšago khemikhale e swanetše go ba leloko la ACDASA;

Morekiši wa khemikhale o swanetše go bontšha gore o rutegile (ke go re o phasitše tlhahlobo ya AVCASA ka katlego); le

Dikeletšo di swanetše go ngwalwa le go saenwa ke morekiši. 



Go feta fao batšweletši ba swanetše go ela hloko gore dikhemikhale, kudu tše di gašetšwago, di ka tšewa ke phefo mme ba swanetše go leka go fokotša kgonagalo ye. Go ka hlolega tshenyo ye kgolo ge dikhemikhale tše di fokwago ke phefo di ka gapelwa mašemong a a bapanego a dibjalo tše di huetšwago gabonolo.



Polokego ya dijo e bohlokwa kudu. Ka go diriša dikhemikhale ka nepagalo le go ngwala direkoto tša tirišo ye, batšweletši ba tlo ba ba šetše ba fedišitše mathata a magolo ao a amanago le polokego ya dijo. 

