dira boipelaetšo malebana le go palelwa ga Tirelo ya Maphodisa
Re hlokomela Re karolo ya Re direla
Ditirelo tša batho
Ditirelo tša mekgahlo
Ditirelo tša badudi ba dinaga tša ka ntle
Kgetha dipolelo
Go dira boipelaeto kgahlanong le kgethologanyo
Dikgetho
Gatiša letlakala le
Romela letlakala le ka e-meile
E iše go tše o di ratago kudu
E dire bjalo ka letlakala la matseno la websaete
Ka ga websaete ye
Ikopanye le rena
Mathomong
Ditirelo tša batho
Go šomana le molao
Dingongorego dira boipelaeto malebana le go palelwa ga Tirelo y
Kgopelo ya go dira boipelaetšo malebana le go palelwa ga Tirelo ya Maphodisa a Afrika Borwa go (SAPS) go thuša goba go šireletša batšwasehlabelo ba tlhorišo ya ka malapeng
Tlhalošo
O ka dira boipelaetšo go Kgorwana ye e Ikemetšego ya Dipelaelo (Independent Complaints Directorate) ge e le gore o dumela gore yo leloko/maloko a Tirelo ya Maphodisa a Afrika Borwa (SAPS) o paletšwe ke go dira mošomo wa gagwe go ya ka molao wa Domestic Violence Act, 1998. Mang le mang yo a nago le kgahlego, batšwasehlabelo ba dikgaruru tša ka malapeng goba mekgahlo ye e sego ya mmušo e ka dira boipelaetšo. Go gongwe ga go palelwa moo go ka akaretša:
Ditlamorago tša ge o golega motho yo a lekago go ikarabela;
Thuša moipelaetši go bega molato, go hwetša bodulo bjo bo bolokegilego, go hwetša kalafo, go felegetša moipelaetši go yo tšea dihtoto tša gagwe le go amoga mohloriši wa gagwe sebetša sa kotsi;
Eleteša moipelaetši ka ditsela tše di lego gona, bjalo ka go mo eletša gore a bege molato goba go dira kgopelo ya taelo ya tšhireletšo (protection order), goba bobedi; le go
Fa mmelaelwa taelo ya go tšwelela pele ga kgorotsheko.
Dikgaruru tša ka malapeng di ka tlholega ge motho yo phelago le yena mo lenyalong goba le ratana a dira tše di latelago:
A go hloriša ka mokgwa wa go go hlokofatša mmeleng goba ka thobalano, mohlala, go betha goba go kata.
A go hloriša ka mantšu, moyeng goba monaganong, mohlala, go go roga, go go leka goba go boulela.
A go tlaiša, mohlala, a dula a go leletša mogala go go befediša, a go romela mangwalo goba dilowana, a bile a šetše mesepelo ya gago morago.
A tsena ga gago ntle le tumelelo.
A go hloriša ka tšhelete, molato, ge molekani a tšea dipheto ka moka ka tšhomišo ya tšhelete goba a gana go lefela dijo, tšhelete ya bana ya sekolo, bjalobjalo.
A go tšhošetša, mohlala, a tšhošetša ka go go bolaya ge o nyaka go ya maphodiseng.
A senya dithoto tša gago, mohlala, a tšhuma diaparo tša gago, a thuba fenišara goba a sega dithaere tša koloi (sefatanaga) ya gago.
A sa hlomphe taelo ya tšhireletšo ye e šetšego e le gona (protection order).
A na le maitshwaro a mangwe a tšhošetšago polokego le bophelo bja gago.
Ge o nyaka tshedimošo ka botlalo, eya go Kgorwana ye e Ikemetšego ya Dipelaelo.
Tsela ye e latelwago
Dira boipelaetšo ka nama, mogala, lengwalo goba ka e-meile go ofisi efe goba efe ya ICD.
Moipelaetši o swanetše go tlatša foromo ya go ingwadiša ya DVA. ,
Efa Kgorwana ye e Ikemetšego ya Dipelaelo tshedimošo ye e latelago:
Pego ka ga seo se diregilego
Leina le diatrese tša motšwasehlabelo/moipelaetši.
Leina le maemo a mošomo a lephodisa/maphodisa a a belaelwago.
Leina la seteišene sa maphodisa
Nomoro ya maphodisa ya molato, ge e le gona.
Letšatšikgwedi, nako le ka fao Molao wa Tlhorišo ya ka Malapeng (Domestic Violence Act, 1998) o tshetšwego.
Tshedimošo ka ga hlatse, ge e le gona
Molao
Ditaelo tša bosetšhaba malebana le Tlhorišo ya ka Malapeng: 7/1999
Nako
Nako ye e tšewago ge o emetše go botšišwa dipotšišo (interview) - metsotso ye 30
Lengwalo la go tsebiša moipelaetši gore pelaelo ya gagwe amogetšwe - mo matšatšing 30
Pego ya kgatelopele - mo matšatšing a 30
Pego ya mafelelo - mo matšatšing a 90
Tefelo
Tirelo ye ga e lefelwe
Diforomo tšeo di tlatšwago
Mafelo le Diatrese
O kgopelwa go kgetha profense
Gauteng
Kapa Bodikela
Kapa Bodikela
Kapa Leboa
Leboa Bodikela
E lekotšwe la mafelelo ka:
Ka ga websaete ye
Ikopanye le rena
Mabaka a tšhomišo
