﻿
Kgopelo ya ngwadišo ya tokelo ya kakanyotlhamo



Tlhalošo

Tokelo ya kakanyotlhamo ke tokelo yeo e fiwago kakanyotlhamo. Kakanyotlhamo yeo e swanetše go na setšweletšwa goba tselatshepetšo ye mpsha ya go diragatša sengwe, goba yeo e fago tharollo ye mpsha ya seteginiki mo bothateng bjo itšeng.

Tokelo ya kakanyotlhamo e fana ka tšhireletšo ya tlhamo go mong wa kakanyo. Tšhireletšo e fiwa mo nakong ye e beilwego, ka kakaretšo e ba mengwaga ye 20. tšhireletšo ya tokelo ya kakanyotlhamo e hlaloša gore tlhamo e ka se ke ya direlwa thekišo, ya šomišwa, ya abelanwa goba ya rekišwa ntle le tumelelo ya mong.

Ge o nyaka tshedimoso ka botlalo, e ya go Companies and Intellectual Property Registration Office.

Tsela e latelwago

Ikopanye le Companies and Intellectual Property Registration Office.
Hwetša diforomo tšeo di swanetšego tša kgopelo  go tšwa go kantoro ya Mongwadiši wa Tokelo ya Kakanyotlhamo.
Tlatša diforomo  mme o di iše go kantoro ya Ngwadišo ya Dikhamphani le Botsebi.
Iša kgatišo yeo e netefaditšwego ya tokomane ya gago ya boitsebišo.
Tsenya kgopelo ya nakwana ka go foromo ya maleba – se se ka dirwa ke mokgopedi yo a nago goba a se nago thušo ya moemedi wa molao.
Tsenya kgopelo yeo e feletšego – se se swanetše go dirwa ka go šomiša Moemedi wa Tokelo ya Kakanyotlhamo.
Tsenya kgopelo ya Kwano ya Tšhomammogo ya Tokelo ya Kakanyotlhamo  .

Molao o šomiswago

South African Patents Act, 1978  

Nako ya tšweletšo ya mošomo

Tokelo ya Kakanyotlhamo ya motšwaoswere e tšea dikgwedi tše tharo go e ngwadiša. Kgopelo ya tokelo ya kakanyotlhamo yeo e feletšego e tšea tekano ya dikgwedi tše tshela go e phethagatša.

Tefelo

R60 ya tokelo ya kakanyotlhamo ya motšwaoswere
R266 ya tokelo ya kakanyotlhamo yeo e feletšego

Diforomo tšeo di tlatšwago

P1:  Application for a Patent and Acknowledgement of Receipt  and submitted in duplicate 
P2:  Register of Patents , submitted in duplicate 
P3:  Declaration of Power of Attorney , 1 only submitted 
P6:  Provisional Specification , 1 only submitted 
Mafelo le diatrese

