﻿

Kgopelo ya go ingwadiša bjalo ka rasaense wa tša tlhago wa seprofešenale mo lefapheng la Saense ya Forensiki

Tlhalo šo
Tsela e latelwago
Molao o šomi šwago
Nako ya tšwelet šo ya mošomo
Tefelo
Diforomo tšeo di tlatšwago
Mafelo le diatrese

Tlhalošo

Batho bao ba ratago go šoma bjalo ka borasaense ba swanetše go ingwadiša le Khansele ya Afrika Borwa ya Borasaense ba tša Tlhago ba Seprofešenale . Maikemišetšo a Khansele ye ke go:

hlohleletša mošomo wa borasaense ba seprofešenale mo Afrika Borwa
fa taolo malebana le maemo a maitshwaro a seprofešenale a Borasaense ba tša Tlhago ba Seprofešenale, Baithutela Disaentšhe tša Tlhago le/goba Borasaense bao ba nago le Ditifikeiti
hlokomelana le maemo a thuto le tlhahlo malebana le borasaense ba tša tlhago, le
dumelela mangwalo a thuto le tlhahlo ao a nyakegago gore batho ba ingwadiše go ya ka molao wa Molao wa Mokgahlo wa Saense wa Afrika Borwat, 2001.

Batho ba ba sego ba ingwadiša ba ka se dumelelwe go phetha mošomo wo o swanetšego go phethwa ke batho bao ba ingwadišitšego.

Ke ka lebaka la eng o swanetše go ingwadiša?

gore o kgone go dira mošomo wa seprofešenale
gore o šomiše leina le thaetlele ye 'rasaense wa tša tlhago' goba o kgone go ngwala khutsofatšo ye ka morago ga leina la gago 
gore o kgone go šoma bjalo ka konsaltente
gore o kgone go fiwa maemo a seprofešenale le go kgona go amogela diputseletšo tše di fiwago ke diinstitšušene tša matlotlo
go hwetša thekgo ya Khansele le karantii ya bokgoni bja gago
go šireletša le go maatlafatša Khansele

Gore motho a kgone go ingwadiša go šoma mo lefapheng la Saense ya Forensiki, o swanetše go kgotsofatša dinyakwa tše di latelago:

Mang le mang yo a nyakago go ingwadiša bjalo ka Rasaense wa tša Tlhago wa Seprofešenale o swanetše go ba le dikrii ya mengwaga ye mene ya B.Sc, B.Sc. Honase goba B.Tech. mo lefapheng la disaense tša tlhago.
Dikrii yeo e swanetše go ba le thuto e tee go tšwa mafapheng ao a ngwadilwego mo go Šetulo I  ya Molao  e:

swanetše go tšewa mo mengwageng ye mene
swanetše go thewa godimo ga a mabedi a maemo a kgonthe a go bitšwa level-I a dithutotheo tša disaense tša tlhago tša fisika, khemistri, mmetse le/goba paelotši, gomme

Tekano ya 50% ya dithuto tša dikrii yeo e swanetše go ba tše di tšewago bjalo ka dithuto tše di lebanego le disaense tša tlhago 

Tlhahlo ya tlaleletšo:

O swanetše go kgona go fa bohlatse bja tlhahlo ye o e hweditšego ya Saense ya Forensiki goba ya Dinyakišišo, mohlala ditokumente tša tshekatsheko, nyakišišo ya botšhotšhisi, mekgwana ya molao le dikgorotsheko, dihlatse tša bokgoni, goba dithuto tše dingwe tše di dumeletšwego.
O swanetše go ba le rekoto ye botse ya mošomo le dinyakišišo tša saense ya forensiki. Diarea tša tsebo tše di lego bohlokwa mo go motho yo a šomago bjalo ka rasaense wa forensiki di akaretša mananeothuto a forensiki: Go bohlokwa gore moithutela saense ya forensiki o ba le tsebo ye botse ya mafapha ao a nyalelanago le Saense ya Forensiki le gore a be le mabokgoni le maitemogelo a tšhomišo ya dikgopolotheo tše di latelago tša seforensiki:

tsebo ya tharollo ya mathata
bohlatse bja kgorotsheko
matsentšhagae a molao
kgonthišo ya khwalithi
maitshwaro
mošomo wa seprofešenale
temogo ya bohlatse, go kgoboketša le go šomiša tshedimošo
mabokgoni a tharollo ya mathata a saense le a laborathori
tšhomišo ya saense mo mererong ya molao
dithekniki tša nyakišišo ya seforensiki
nyakišišo ya lefelo la bosenyi
dikgopolo tša bohlatse bja go bonwa
khemistri ya bosekaseki le mekgwa ya go dira tshekatsheko
tshekatsheko ya diokobatši, kotsi ya dikhemikhale, maekroskopi, le dimaterial
paelotši ya forensiki
maitemogelo a mošomong.


Dithunya:


tshekatsheko le tlhopho ya dithunya
nyalanya sethunya le bosenyi, go ya mafelong a bosenyi le go sekaseka bohlatse bja forensiki

Nyakišišo ya kotsi:

thekgo ya setegniki nakong ya nyakišišo ya dikotsi tša ditseleng, go kgoboketša bohlatse bja ditiragalo tšeo di hlotšego kotsi, tshekatsheko ye e tletšego ya dikarolwana tša koloi, tsebo ye e itšego ya theknolotši ya difatanaga. 
nyakišišo ya mollo
go bala ditokumente tša dipotšišo – go lemoga mongwalo wa seatla
go lemoga lefelo le go hwetša bohlatse
go kaonafatša boleng bja bohlatse
mongwalo wa saense
nyakišišo ya go sepelelana le forensiki
maitemogelo a go šoma ka laborathoring
mošomo wa go nyalelana le paelotši le khemistri
go ya mafelong a bosenyi ka maikemišetšo a go fa dikeletšo
maikarabelo a boetapele ka laborathoring nakong ya ge go sekasekwa dimateriale tše di amanago le bosenyi
ditshekatsheko – paelotši, khemistri, diokobatši le toxikholotši
bohlatse bja saese bja go se tšee lehlakore ka kgorongtsheko go thekga botšhotšhisi goba baemedi ba semolao nakong ya dinyakišišo tša bosenyi
mošomo wa go tšea diswantšho tša ditšithale.


Mafapha a boingwadišo ke a a latelago:

Rasaense wa tša Tlhago wa Seprofešenale 
Moithutela Disaense tša Tlhago wa Seprofešenale 
Motho yo a nago le Setifikeiti sa Disaense tša Tlhago 

Godimo

Tsela e latelwago

Tlatša foromo ya kgopelo yeo e hwetšagalago go Khansele ya Afrika Borwa ya Borasaense ba tša Tlhago ba Seprofešenale .
Romela kgopelo ya gago mmogo le tšhelete ya tefelo ye e beilwego.
Khansele e tlo go ngwadiša ya ba ya go romela setifikeiti sa boingwadišo ge e kgotsofetše gore o na le mangwalo a maleba a dithuto le maitemogelo ao a nyakwago ke yona Khansele.
Go tlo beakanyetšwa interview gare ga gago le batho ba babedi bao ba kgethilwego ke Komiti ya Dikeletšo tša Seprofešenale  ya SACNASP.
Dikgopelo ka moka di swanetše go lekolwa ke PAC, yeo e kgethilwego ke Komiti ya Boingwadišo ya SACNASP gomme ya thekgwa ke Khansele ka moka ga yona.
Sephetho se ka se tsebišwe go fihlela Khansele e swere kopano ya yona.
Khansele e ka gana go ngwadiša mokgopedi ka tlase ga mabaka a a latelago:

ge, e ka re ka morago ga go tsenywa tirišong ga Molaotheo wa Afrika Borwa, 1996 , ya be e le gore mokgopedi o kile a bonwa molato ke kgorotsheko, e ka ba mo Afrika Borwa goba nageng ye nngwe, gomme a romelwa kgolegong lebaka la go feta dikgwedi tše tharo goba a fiwa kotlo go ena le go romelwa kgolegong
ge e le gore Kgorotsheko ya Godimo e goeleditše gore mokgopedi ga a felela monaganong, goba ge e le gore o golegilwe go ya ka Molao wa Maphelo a Monagano, 2002 
ge e le gore boingwadišo bja mokgopedi bo fegilwe ka lebaka la ge a filwe kotlo go ya ka Molao wo
ge e le gore mokgopedi o kile a lahlegelwa ke mošomo ka lebaka la maitshwaro a mabe
ge e le gore mokgopedi ke motho yo a sa kgonego go sokollwa yoo bothata bja gagwe bo hlotšwego ke go se hlokomele ga gagwe goba go hloka bokgoni bja go phetha mošomo wo o nyalelanago le kgopelo ya gagwe ya boingwadišo.

Khansele e tlo go ngwalela lengwalo go go tsebiša ge e le gore kgopelo ya gago ga ya dumelelwa.
O ka dira boipelaetšo malebana le sephetho sa Khansele mo matšatšing a 30 morago ga go amogela sephetho seo.
O swanetše go dira kgopelo ya go mpshafatša boingwadišo bja gago go Khansele dikgwedi tše tharo pele ga ge nako ya boingwadišo bja gago e fihla mafelelong.

Godimo

Molao o šomi šwago

Mangwalo a fanwa ka tsela ya PDF, go bula mongwalo o swanela go ba le Adobe Acrobat Reader 4, goba godingwana e tsentšhitšwego go khumpyutareng ya gago

Academy of Science of South Africa Act, 2001 
Natural Scientific Professions Act, 2003 
Constitution of the Republic of South Africa, 1996 
Mental Health Care Act, 2002 

Godimo

Nako ya tšwelet šo ya mošomo

Boingwadišo bo ka tšea dibeke tše tshela go ya go tše seswai.

Godimo

Tefelo

Registration fees including Vat:

Professional Natural Scientist: R665 per field of practice
Candidate Natural Scientist: R365 per field of practice
Certificate Natural Scientist: R430 per field of practice
Upgrading of registration status: R665 per field of practice

Annual fees including Vat:

Professional Natural Scientist: R600 per field of practice
Candidate Natural Scientist: R240 per field of practice
Certificate Natural Scientist: R385 per field of practice
Pensioner : R130



Ge o rata go deposita tšhelete: O kgopelwa go šomiša ditlhaka tša mathomo tša maina le sefane sa gago mo foromong ya go deposita gore re kgone go bona gore tšhelete yeo ke ya mang gomme o feksetše selipi sa depositi mmogo le letlakala la mathomo a foromo ya gago ya kgopelo go  841 1057.

Tshedimošo ya panka:
Mongakhaonto: SACNASP
Bank: Nedbank
Lekala: Silverton
Khouto ya Lekala: 164445
Nomoro ya akhaonto: 1644292289

Godimo

Diforomo tšeo di tlatšwago

Mangwalo a fiwa ka tsela ya PDF, go bula mangwalo a PDF o swanetše o be le Adobe Acrobat Reader 4 go ba godingwana e tsentšhitšwego khompyuthareng ya gago.

Application for Professional Registration 

Godimo

Mafelo le diatrese


