﻿

Kgopelo ya go ingwadiša bjalo ka radisaene tša tlhago wa seprofešenale

Tlhalošo
Tsela e latelwago
šwago
Nako ya tšweletšo ya mošomo
Tefelo
Diforomo tšeo di tlatšwago
Mafelo le diatrese

Tlhalošo

Batho bao ba ratago go šoma bjalo ka borasaense ba swanetše go ingwadiša le Khansele ya Afrika Borwa ya Borasaense ba tša Tlhago ba Seprofešenale . Maikemišetšo a Khansele ke

hlohleletša mošomo wa borasaense ba seprofešenale mo Afrika Borwa;
fa taolo malebana le maemo a maitshwaro a seprofešenale a Borasaense ba tša Tlhago ba Seprofešenale, Baithutela Disaentšhe tša Tlhago le/goba Borasaense bao ba nago le Ditifikeiti;
hlokomelana le maemo a thuto le tlhahlo malebana le borasaense ba tša tlhago, le
dumelela mangwalo a thuto le tlhahlo ao a nyakegago gore batho ba ingwadiše go ya ka molao wa Molao wa Mokgahlo wa Saense wa Afrika Borwat, 2001 .

Batho ba ba sego ba ingwadiša ba ka se dumelelwe go phetha mošomo wo o swanetšego go phethwa ke batho bao ba ingwadišitšego.

Ke ka lebaka la eng o swanetše go ingwadiša?

Gore o kgone go dira mošomo wa seprofešenale
Gore o šomiše leina le thaetlele ye 'rasaense wa tša tlhago' goba o kgone go ngwala khutsofatšo ye ka morago ga leina la gago 
Gore o kgone go šoma bjalo ka konsaltente
Gore o kgone go fiwa maemo a seprofešenale le go kgona go amogela diputseletšo tše di fiwago ke diinstitšušene tša matlotlo
Go hwetša thekgo ya Khansele le karantii ya bokgoni bja gago
Go šireletša le go maatlafatša Khansele

Dinyakwa tša boingwadišo ke dife?

Go ingwadiša bjalo ka rasaense wa tša tlhago wa seprofešenale – dikrii/diploma ya mengwaga ye mene mmogo le maitemogelo a mošomo a mengwaga ye meraro
Go ingwadiša bjalo ka moithutela disaense tša tlhago wa seprofešenale: – dikrii/diploma ya mengwaga ye mene ntle le maitemogelo a mošomo
Go ingwadiša bjalo ka motho yo a nago le setifikeiti sa disaense tša tlhago – dikrii/diploma ya mengwaga ye meraro mmogo le maitemogelo a mošomo a ngwaga o tee

Mafapha a boingwadišo ke a a latelago:

Rasaense wa tša Tlhago wa Seprofešenale 
Moithutela Disaense tša Tlhago wa Seprofešenale 
Motho yo a nago le Setifikeiti sa Disaense tša Tlhago 



Godimo

Tsela e latelwago

Tlatša foromo ya kgopelo yeo e hwetšagalago go Khansele
Romela kgopelo ya gago mmogo le tšhelete ya tefelo ye e beilwego.

Khansele e tlo go ngwadiša ya ba ya go romela setifikeiti sa boingwadišo ge e kgotsofetše gore o na le mangwalo a maleba a dithuto le maitemogelo ao a nyakwago ke yona Khansele.

Go tlo beakanyetšwa 'interview' gare ga gago le batho ba babedi bao ba kgethilwego ke Komiti ya Dikeletšo tša Seprofešenale  ya SACNASP.
Dikgopelo ka moka di swanetše go lekolwa ke PAC, yeo e kgethilwego ke Komiti ya Boingwadišo ya SACNASP gomme ya thekgwa ke Khansele ka moka ga yona.
Sephetho se ka se tsebišwe go fihlela Khansele e swere kopano ya yona.
Khansele e ka gana go ngwadiša mokgopedi ka tlase ga mabaka a a latelago:

Ge, e ka re ka morago ga go tsenywa tirišong ga Molaotheo wa Afrika Borwa, 1996, ya be e le gore mokgopedi o kile a bonwa molato ke kgorotsheko, e ka ba mo Afrika Borwa goba nageng ye nngwe, gomme a romelwa kgolegong lebaka la go feta dikgwedi tše tharo goba a fiwa kotlo go ena le go romelwa kgolegong.
Ge e le gore Kgorotsheko ya Godimo e goeleditše gore mokgopedi ga a felela monaganong, goba ge e le gore o golegilwe go ya ka Molao wa Maphelo a Monagano, 1973 .
Ge e le gore boingwadišo bja mokgopedi bo fegilwe ka lebaka la ge a filwe kotlo go ya ka Molao wo.
Ge e le gore mokgopedi o kile a lahlegelwa ke mošomo ka lebaka la maitshwaro a mabe.
Ge e le gore mokgopedi ke motho yo a sa kgonego go sokollwa yoo bothata bja gagwe bo hlotšwego ke go se hlokomele ga gagwe goba go hloka bokgoni bja go phetha mošomo wo o nyalelanago le kgopelo ya gagwe ya boingwadišo.

Khansele e tlo go ngwalela lengwalo go go tsebiša ge e le gore kgopelo ya gago ga ya dumelelwa.
O ka dira boipelaetšo malebana le sephetho sa Khansele mo matšatšing a 30 morago ga go amogela sephetho seo.

O swanetše go dira kgopelo ya go mpshafatša boingwadišo bja gago go Khansele dikgwedi tše tharo pele ga ge nako ya boingwadišo bja gago e fihla mafelelong.

Godimo

Molao o šomi šwago

Mangwalo a fanwa ka tsela ya PDF, go bula mongwalo o swanela go ba le Adobe Acrobat Reader 4, goba godingwana e tsentšhitšwego go khumpyutareng ya gago

Academy of Science of South Africa Act, 2001  
Natural Scientific Professions Act, 2003 

Godimo

Nako ya tšwelet šo ya mošomo

Boingwadišo bo ka tšea dibeke tše tshela go ya go tše seswai.

Godimo

Tefelo

Tefelo ye e beilwego go tloga ka 1 Aprele 2007 go fihla ka 31 Matšhe 2008 ke ye e latelago:




Rasaense wa tša Tlhago wa Seprofešenale: 620 ka lefapha le tee
Moithutela Disaense tša Tlhago wa Seprofešenale: 340 ka lefapha le tee
Motho yo a nago le Setifikeiti sa Disaense tša Tlhago: 400 ka lefapha le tee
Tšhelete ya boingwadišo: Go fetoša boingwadišo bja "Cand.Sci.Nat" go ya go "Pr.Sci.Nat": 620 ka lefapha le tee

Ge o rata go deposita tšhelete: O kgopelwa go šomiša ditlhaka tša mathomo tša maina le sefane sa gago mo foromong ya go deposita gore re kgone go bona gore tšhelete yeo ke ya mang gomme o feksetše selipi sa depositi mmogo le letlakala la MATHOMO la foromo ya gago ya kgopelo go  841 1057.

Tshedimošo ya panka:

Mongakhaonto: SA COUNCIL FOR NATURAL SCIENTIFIC PROFESSIONS goba SACNASP
NEDBANK, Silverton; Khouto ya Lekala: 164445: Nomoro ya Akhaonto: 1644292289 

Godimo

Diforomo tšeo di tlatšwago

Mangwalo a fiwa ka tsela ya PDF, go bula mangwalo a PDF o swanetše o be le Adobe Acrobat Reader 4 go ba godingwana e tsentšhitšwego khompyuthareng ya gago.

Application for registration 

Godimo

Mafelo le diatrese


