﻿

Kgopelo ya go ngwadiša khamphani ya ka ntle



Tlhalošo

Mokgatlo wa ka ntle ga Afrika Borwa wo o kganyogago go dira kgwebo ka mono Afrika Borwa o ka dira kgopelo ya tumelelo bjalo ka khamphani ya ka ntle ga naga. Khamphani ya ka ntle ke khamphani yeo e ngwadišitšwego ka nageng ye šele mme e nyaka go hlama khamphani ka mono Afrika Borwa.

Ka lebaka la bontši ditselatshepetšo tšeo di amegago bjalo ka karolo ya tsela ya kakaretšo ya ngwadišo, go kaone go ka šomiša ditirelo tša baemedi ba molao ba ka mono Afrika Borwa.

O swanetše go ikopanya le mohlankedi wa molao ka mono Afrika Borwa, ka ge dinyakwa tše dingwe tša Molao wa Dikhamphani  di šongwa fela ka maloko a porofešene yeo.

Lemoga hle gore ditokomane ka moka di swanetše go tlatšwa ka enke ye ntshontsho yeo e swarelelago go ya go ile.

Ge o nyaka tshedimoso ka botlalo, e ya go Companies and Intellectual Property Registration Office.

Tsela e latelwago

Ikopanye le Companies and Intellectual Property Registration Office.
Tlatša foromo ya kgopelo bjalo ka ge go ngwetšwe ka tlase ga hlogo ya "Diforomo tšeo di tlatšwago" ka tlase.
Iša dikgatišo tšeo di netefaditšwego tša ditokomane tša boitsebišo goba mangwalo a mosepelo ao a amogelegago a batho ka moka bao amegago ka go khamphani yeo e tlang go ngwadišwa.
Ditokomane ka moka di swanetše go sepetšwa le Memorantamo le Dithoto tša Mokgatlo, tšeo di swanetšego go ba ka sebopego sa puku mme e swanetše go ba le dihlalošo tšeo di netefaditšwego ke Mohlaloši wa Setšhaba wa naga ya botšo letlakaleng le lengwe le le lengwe.

Molao o šomišwago

Companies Act, 1973  
Business Names Act, 1960  

Nako ya tšweletšo ya mošomo

Ngwadišo e ka tšea matšatši a mahlano.

Tefelo

R350

Diforomo tšeo di tlatšwago



CM22 - Notice of registered office and postal address of company
CM29 - Contents of register of directors, auditors and officers
CM 31- Notice of consent to appointment, change of name by auditor or removal of auditor
CM 375 -Notice of person authorized to accept service on behalf of external company
CM 49 - Certificate of registration of memorandum of association of external company



Mafelo le diatrese


