﻿

Kgopelo ya go ngwadiša tlhamo



Tlhalošo

Ga botsebotse "tlhamo" e hlaloša sebopego le ditho tšeo di gokago mahlo. Ditlhamo tše dingwe di diragatšwa ka lebaka la mošomo wa tšona mme tše dingwe ke dikganyogwa.

Tlhamo ka gona e akaretša sebopego, tlhamego, tebelelego, mokgwatlhamo, dikgabišo le kakanyopopo ya setšweletšwa goba setlabelo. Mohlala, tlhamo ya palamonwana  ka kakaretšo di laolwa ke tlhamoditho tša kganyogego.

Go na le mehuta ye mebedi ya ditlhamo tšeo di ka ngwadišwago, ge e le gore di fihlelela dinyakwa tšeo di hlalošwago ka fase:

Tlhamo ya kganyogego

e swanetše go ba ye mpsha ya mathomothomo;
e be e botse ka sebopego, mokgwatlhamo goba dikgabišo; mme
e swanetše gore di kgone go tšweletšwa ka mokgwa wa intaseteri.

Tlhamo ka lebaka la mošomo

e swanetše go ba ye mpsha mme e se yeo e tlwaelegilego;
e be e botse ka sebopego, mokgwatlhamo wo o nyakwago ke mošomo; mme
e swanetše gore di kgone go tšweletšwa ka mokgwa wa intaseteri.

Tšhireletšo ya ditlhamo tša kganyogego e fiwa lebakeng la mengwaga ye 15, mme ditlhamo tša mošomo ke mengwaga ye 10.

Le ge e le gore ga go a gapeletšega go fetlekolla mathomo a tlhamo goba go netefatša gore tlhamo yeo e swanago ga se ya ka ya ngwadišwa peleng, go bohlokwa go dira bjalo pele ga go kgopela ngwadišo. Dinyakišišo di ka dirwa Kantorong ya Ngwadišo ya Ditlhamo kua Tshwane. Motho o swanetše go itirela yona goba e ka dirwa ka lekalatiro, bjalo ka moemedi tšhireletšo ya kekišo.

Ge fela tlhamo e dumetšwe bjalo ka ye mpsha mme e ngwadišitšwe, o tla fiwa lengwalo la tlhamoDitlhamo di mpshafatšwa ka morago ga mengwaga ye mengwe le ye mengwe ye meraro.

Ge o nyaka tshedimoso ka botlalo, e ya go Companies and Intellectual Property Registration Office.

Tsela e latelwago

Ikopanye le Companies and Intellectual Property Registration Office.
Tlatša foromo ya kgopelo ya tlhamo yeo e hwetšwago go Kgoro ya Kgwebišano le Intaseteri.
Iša kgatišo yeo e netefaditšwego ya tokomane ya boitsebišo.

Molao o šomišwago

The Designs Act, 1993  

Nako ya tšweletšo ya mošomo

Tshepetšo ya tshenko ya semmušo e dirwa mo dikgweding tše tshela mme ngwadišo ya tlhamo ga ntši e fiwa mo kgweding ya bošupa.

Tefelo

R231

Diforomo tšeo di tlatšwago

Form D1 Application and Acknowledgement 
Form D2 Register of Designs 
Form D3 Power of Attorney 
Form D6 Definitive Statement and Explanatory Statement 
Form D8 Publication Particulars 
Mafelo le diatrese


