﻿
Kgopelo ya go ngwadiša/retšisetara sekepe sa go rea dihlapi
Tlhalošo
Tsela e latelwago
Molao o šomišwago
Nako ya tšweletšo ya mošomo
Tefelo
Diforomo tšeo di tlatšwago
Mafelo le diatrese

Tlhalošo

Sekepe sa go rea dihlapi ke seketswana goba sekepe seo se šomišwago, goba se tlabetšwego go laola, go ikhweletša le go ikhola/iphediša ka methopo ya diphedi tša lewatle, goba go thekga mediro ye e amanago le se. Se se akaretša sekepe sefe le sefe se se imollago goba se thušago dikepe se tee goba go feta go phethagatša modiro ofe goba ofe wo o dumeletšwego wa go amana le go rea dihlapi go akaretša – eupša go sa beelwe mellwane – go beakanya, go abela, go boloka, go tšidifatša, go sepetša, goba go tlabela. Taolo ya Polokego ya Lewatle ya Afrika Borwa   le Kgoro ya Merero ya tša Tikologo le Boeti   di swanetše go fa tumelelo sekepe sa go rea dihlapi.

Ga go sekepe sa go rea dihlapi seo se tla go retšisetarwa/ngwadišwa ka ntle ga go ba le tokelo ya go rea dihlapi le tumelelo ya go kgatha tema mererong wa go rea dihlapi.

Godimo

Tsela e latelwago

Beakanyetša gore sekepe se tsenele tshepedišo ya go lekolwa ge e ba se loketšwe go sepela ka meetseng ya SAMSA morago ga moo SAMSA e ka ntšha Setifikeiti sa Polokego. Setifikeiti se se swanetše go sepela mmogo le kgopelo ya gago ya ngwadišo.
Hwetša foromo ya kgopelo go tšwa go Kgoro ya Merero ya tša Tikologo le Boeti  goba tanelouta tshedimošo go tšwa go http://www.mcm-deat.gov.za.
Tlatša foromo ka mongwalo wa go balega o šomiša ditlhakakgolo fela le mabaka a go ngwalwa moo go kgonegago.
Tšweletša tshedimošo ye e latelago:


leina la sekepe

leina le tshedimošo ya mong wa sekepe .

botelele bja sekepe

maatla le bogolo bja sekepe

folaga goba Naa yeo sekepe se ngwadišitšwego ka fase ga yona gabjale 

Setifikeiti sa polokego sa Taolo ya Polokego ya Lewatle ya Afrika Borwa .


Tliša kgopelo ya gago le tokelo ya go rea dihlapi goba kontraka ye e tsenetšwego le mong wa sekepe go šomiša sekepe se go bolelwago ka sona ge e le gore ga se wena moswara-tokelo ya go rea dihlapi.

Laetša lebaka/nako le tikologo yeo o tlilego go rea dihlapi go yona yeo sekepe se tlilego go šomela gona.


Godimo

Molao o šomišwago



The Marine Living Resources Act, 1998  

The National Environmental Management Act, 1998  
The National Biodiversity Act, 2004  

The National Marine Protected Areas Act, 2003  

The Sea Fishery Act, 1988  
The International Convention for the Prevention of Pollution from Ships Act, 1986  

Godimo

Nako ya tšweletšo ya mošomo

Kgopelo e ka tšea matšatši a mararo  goba go feta a mošomo, go lebeletšwe gore o dirile kgopelo ka tsela ya maleba.

Godimo

Tefelo

Tshenyegelo e fapana go ya ka botelele bja sekepe.

