﻿
Kgopelo ya phemiti ya go epa diepša
Tlhalošo
Tsela e latelwago
Molao o šomišwago
Nako ya tšweletšo ya mošomo
Tefelo
Diforomo tšeo di tlatšwago
Mafelo le diatrese

Tlhalošo

Phemiti ya go epa diepša ke dokumente ye e fiwago ke Kgoro ya Dimenerale le Enetši gomme yona dotukemte ye e go dumelela go thomiša ka mošomo wa go epa diepša. Ga go na motho yo a dumeletšwego go thomiša ka mošomo wo ge a se a fiwa phemiti yeo.

Phemiti ya go epa diepša e ka se fiwe motho yo mongwe yo a sego a dire kgopelo. Maikemišetšo a yona ke go laola go be le taolo ye botse ya tša maphelo le polokego, tikologo le gore mošomo wa go epa dimenerale o dirwe ka tsela ya go bontšha maikarabelo.

Phemiti ya go epa diepša e šoma mo lebakeng leo le bontšhitšwego mo godimo ga yona, empa nako ya yona e ka se fete mengwaga ye mebedi. Le ge go le bjalo nako yeo e ka mpshafatšwa makga a mararo gomme lebaka le lengwe le le lengwe le ka se fete ngwaga o tee.

Phemiti ya go epa diepša e ka fiwa ge fela e le gore:

dimenerale tše di amegago di ka epša gabotse mo lebakeng la mengwaga ye mebedi
lefelo la mmaene ga le fete 1.5m² ka bogolo
ga go na le motho yo mongwe yo a nago le tokelo goba phemiti ya go epa dimenerale gona moo lefelong leo le amegago.

Godimo

Tsela e latelwago

Dira kgopelo ofising ya Molaodi wa Selete wa Kgoro ya Dimenerale le Enetši mo seleteng seo lefase leo le amegago le lego gona
Tlatša Foromo ya F: Apply for mining permit  ye e hwetšagalago ofising ya Molaodi wa Selete. O ka no hwetša foromo ye mo atreseng ya inthanete.
Romela foromo mmogo le tšhelete ye e beilwego gomme yona tšhelete ye e ka se bušetšwe go mong.
Molaodi wa Selete o tlo dumelela kgopelo ya gago ge e le gore e kgotsofatša dinyakwa ka moka.
Morago ga gore kgopelo ya gago e dumelelwe, Molaodi wa selete o tlo go laela gore o fane ka lenaneo la gago la taolo ya tikologo, le gore o ikopanye le mong wa naga yeo e amegago le bao ba dulago nageng yeo ka semolao mmogo le ba bangwe bao ba ka bego ba tlo amegaga.
Romela bohlatse bja go ngwalwa go hlatsela gore o ikopantše le bao ba amegago ka moka go Molaodi wa Selete mo matšatšing a 30.
Tona o tlo fana ka phemiti ge e le gore kgopelo ya gago e kgotsofaditše dinyakwa ka moka.

Godimo

Molao o šomišwago



Mineral and Petroleum Resources Development Act, 2002  

Regulations to the Mineral and Petroleum Resources Development Act, 2002  

Broad based socio economic empowerment charter for the South African mining industry 


Godimo

Nako ya tšweletšo ya mošomo

Molaodi wa Selete o tlo go tsebiša mo matšatšing a 14 ge e le gore kgopelo ya gago e filwe tumelele, se se bolela gore o kgotsofaditše dinyakwa ka moka.
Ge e le gore kgopelo ya gago ga ya fiwa tumelele, Molaodi wa Selete o tlo bušetša kgopelo yeo go wena mo matšatšing a 14.

Godimo

Tefelo

Tefelo e tlo bewa ke kgoro gomme o ka se e bušetšwe.
Tefelo e fapana go ya ka mohuta wa menerale woo o tlogo epša.

Godimo

Diforomo tšeo di tlatšwago



Form F: Apply for mining permit 



Godimo

Mafelo le diatrese


