﻿
Kgopelo ya go dira boipelaetšo mabapi le maitshwaro a mabe goba melato ye e dirilwego ke maloko a Tirelo ya Maphodisa a Afrika Borwa  goba Ditirelo tša Maphodisa a Mmasepala     



Tlhalošo 

Maikemišetšo a tirelo ye ke go kgontšha maloko a setšhaba go ipelaetša go Independent Complaints Directorate . Ge o dira boipelaetšo go ofisi ya bosetšhaba ya ICD, boipelaetšo bja gag obo tlo romelwa go ofisi ya ICD profenseng ya geno  gore e nyakišišwe.

Mehuta ya dipelaelo tše di ka romelwago go ICD:

Class II complaint: boipelaetšo bja gore SAPS ga se ya latela molao wa Domestic Violence Act, 1998 , ka mantšu a mangwe ge leloko la SAPS goba MPS le ka palelwa go latela mabaka ao a beilwego ke molao wo wa Tlhorišo ya ka Malapeng .
Class III complaint: boipelatešo bja gore lephodisa/maphodisa le dirile molato woo o feleditšego o dirile gore motho a gobale kudu a be a fiwe kalafo ya bookelong. Molato wa mohuta wo o swanetše go ba o diregile ge motho a be a le ka lifelong la go lota bagolegwa la maphodisa. Go latela lenaneo la dipelaelo tša legoro la III :
Go šomiša maatla ka bošaedi moo e lego gore go ba le ditlamorago tše mpe le go gobala, palomoka ya batho bao ba amegago, tšhelete ye e nyakegago; goba nako ye tiragalo yeo e e tšerego.
Melato ya go amana le go tšhuma ka mollo
Go hloriša ka maikemišetšo a go hlola kgobalo, goba go leka go bolaya
Go thopa
Go tshela molao ka mokgwa wa go šomiša maaka
Go amogela ditokomane tša bofora o tseba gore ke tša boleng bja tšhelete ya R50 000 goba go feta.
Bofora
Tlhorišo
Go bolela maaka ka tlase ga boikano
Merusu ya phatlalatša
Go tšhošetša
Go thopa bana/batho
Go senya thoto ka boomo
Go kgatha tema dihlopheng tša mahodu
Go ba le thoto ya go utswiwa
Go kata
Go amogela thoto ye e utswitšwego
Go utswa/tšeela ka kgang
Thobalano ya banna ba babedi
Bohodu
Go tlhoriša ka mokgwa wa go kweša mmele bohloko
Go nyaka tšhelete ka botšhošetši
Moferefere goba maitekelo a go dira wo mongwe wa melato ye ya ka godimo

Class IV complaint: pelaelo ye e hlalošago gore leloko la SAPS goba MPS le obile molato wa go fapana le ye e filwego ka godimo goba maitshwaro a lona a mabe ga se a feleletša ka lehu goba dikgobalo mmele wa motho.
Class V complaint: pelaelo ye e lego gore ga e wele ka fase ga pholisi ya ICD.

Dipelaelo tše ICD e ka se di rarollego:

Dipelaelo tša mabapi le melato ye e bilego gona pele ICD e ka hlongwa, ke gore, melato ka moka ye e bilego gona pele ga kgwedi ya Moranang  1997. Gape le melato ye e bilego gona ngwaga pele o ka begwa go ICD, ntle le ge e le gore go na le mabaka a a gapeletšago gore molato woo o šalwe morago.
Boipelaetšo kgahlanong le bašomomedi ba ditirelo tša tshokologo , bahlankedi ba kgorotsheko le maloko a Lebotho la Setšhaba la Afrika Borwa.

Ge o nyaka tshedimošo ka botlalo e ya go ba lefapha la dipelaelo. 

Tsela ye e latelwago 

Dira boipelaetšo ka bowena, mogala, lengwalo goba e-meile ofising ya kgauswi le wena ya ICD. Dipelaelo ka moka di swanetše go dirwa ka dinako tša mošomo, gare ga 8h00 le 16h30.

Tlatša foromo ya go dira boipelaetšo Complaint Reporting Form  gomme o e romele ka fekse ofising ya kgauswi le wena ya ICD 
ICD e ka go kgopela gore o ba fe tshedimošo ya tlaleletšo pele pelaelo e ka nyakišišwa. 
Ge o eya ofising ka bowena, o tlo thušwa ke mohlankedi wa melato goba moahlaahli.

Molao 

South African Police Service Act, 1995  



Nako

Go šomana le dipelaelo:

Kamogelo ya ketelo ya moipelaetši e ka tšea metsotso ye mehlano.
Go emela go botšišwa ke mošomedi wa melato go ka tšea metsotso ye 30.
Lengwalo la go tsebiša go amogelwa ga boipelaetšo le ka tšea matšatši a 30.
Pego ya malebana le kgatelopele e ka tšea matšatši a 30.
Pego ya mafelelo e ka tšea matšatši a 90.

Tefelo

Tirelo ye ga e lefelwe.

Diforomo tšeo di tlatšwago

Foromo ya go Dira Boipelaetšo: ICD FORM 1
FOROMO ya DVA 



Diforomo tše di gwetšagala kantorong ya gauswi ya ICD

Mafelo a diatrese


