﻿
Kgopelo ya go dira boipelaetšo malebana le go palelwa ga Tirelo ya Maphodisa a Afrika Borwa go  go thuša goba go šireletša batšwasehlabelo ba tlhorišo ya ka malapeng    



Tlhalošo 

O ka dira boipelaetšo go Kgorwana ye e Ikemetšego ya Dipelaelo  ge e le gore o dumela gore yo leloko/maloko a Tirelo ya Maphodisa a Afrika Borwa  o paletšwe ke go dira mošomo wa gagwe go ya ka molao wa Domestic Violence Act, 1998. Mang le mang yo a nago le kgahlego, batšwasehlabelo ba dikgaruru tša ka malapeng goba mekgahlo ye e sego ya mmušo e ka dira boipelaetšo. Go gongwe ga go palelwa moo go ka akaretša:

Ditlamorago tša ge o golega motho yo a lekago go ikarabela;
Thuša moipelaetši go bega molato, go hwetša bodulo bjo bo bolokegilego, go hwetša kalafo, go felegetša moipelaetši go yo tšea dihtoto tša gagwe le go amoga mohloriši wa gagwe sebetša sa kotsi;
Eleteša moipelaetši ka ditsela tše di lego gona, bjalo ka go mo eletša gore a bege molato goba go dira kgopelo ya taelo ya tšhireletšo , goba bobedi; le go
Fa mmelaelwa taelo ya go tšwelela pele ga kgorotsheko.

Dikgaruru tša ka malapeng di ka tlholega ge motho yo phelago le yena mo lenyalong goba le ratana a dira tše di latelago:

A go hloriša ka mokgwa wa go go hlokofatša mmeleng goba ka thobalano, mohlala, go betha goba go kata.
A go hloriša ka mantšu, moyeng goba monaganong, mohlala, go go roga, go go leka goba go boulela.
A go tlaiša, mohlala, a dula a go leletša mogala go go befediša, a go romela mangwalo goba dilowana, a bile a šetše mesepelo ya gago morago.
A tsena ga gago ntle le tumelelo.
A go hloriša ka tšhelete, molato, ge molekani a tšea dipheto ka moka ka tšhomišo ya tšhelete goba a gana go lefela dijo, tšhelete ya bana ya sekolo, bjalobjalo.
A go tšhošetša, mohlala, a tšhošetša ka go go bolaya ge o nyaka go ya maphodiseng.
A senya dithoto tša gago, mohlala, a tšhuma diaparo tša gago, a thuba fenišara goba a sega dithaere tša koloi  ya gago.
A sa hlomphe taelo ya tšhireletšo ye e šetšego e le gona .
A na le maitshwaro a mangwe a tšhošetšago polokego le bophelo bja gago.

Ge o nyaka tshedimošo ka botlalo, eya go Kgorwana ye e Ikemetšego ya Dipelaelo. 

Tsela ye e latelwago 

Dira boipelaetšo ka nama, mogala, lengwalo goba ka e-meile go ofisi efe goba efe ya ICD.
Moipelaetši o swanetše go tlatša foromo ya go ingwadiša ya DVA. ,
Efa Kgorwana ye e Ikemetšego ya Dipelaelo tshedimošo ye e latelago:
Pego ka ga seo se diregilego
Leina le diatrese tša motšwasehlabelo/moipelaetši.
Leina le maemo a mošomo a lephodisa/maphodisa a a belaelwago.
Leina la seteišene sa maphodisa
Nomoro ya maphodisa ya molato, ge e le gona.
Letšatšikgwedi, nako le ka fao Molao wa Tlhorišo ya ka Malapeng  o tshetšwego.
Tshedimošo ka ga hlatse, ge e le gona


Molao 

Domestic Violence Act, 1998 , Section 18 
Ditaelo tša bosetšhaba malebana le Tlhorišo ya ka Malapeng: 7/1999

Nako

Nako ye e tšewago ge o emetše go botšišwa dipotšišo  – metsotso ye 30
Lengwalo la go tsebiša moipelaetši gore pelaelo ya gagwe amogetšwe – mo matšatšing 30
Pego ya kgatelopele – mo matšatšing a 30
Pego ya mafelelo – mo matšatšing a 90

Tefelo

Tirelo ye ga e lefelwe

Diforomo tšeo di tlatšwago

Foromo ya boingwadišo ya Molao wa Tlhorišo ya ka Malapeng 


Mafelo le Diatrese    

