﻿
Kgopelo ya laesense ya go ithutela bootledi
Tlhalošo
Tsela e latelwago
Molao o šomišwago
Nako ya tšweletšo ya mošomo
Tefelo
Diforomo tšeo di tlatšwago
Mafelo le diatrese

Tlhalošo

Laesense ya go ithutela bootledi ke laesense yeo e hlatselago gore o na le tsebo ya motheo ka go otlela senamelwa. Dikhoutu tša laesense ya go ithutela bootledi di arotšwe ka magoro a mararo gore le lengwe le le lengwe le na le taetšo ya mengwaga yeo e sepelelenago le lona.

Khoutu 1: Sethuthuthu sefe goba sefe

Sethuthuthu sa go fihla ka 125cc – mengwaga ye 16.
Sethuthuthu sa ka godimo ga 125cc – mengwaga ye 18.

Khoutu 2: Mmotoro wo bofefo

Mmotoro wo bofefo – mengwaga ye 17.

Khoutu 3: Mmotoro ofe goba ofe goba kopanyo ya mebotoro – mengwaga ye 18.

Bakgopedi ba ka se lekwe ka letšatši la peano gomme nako ya go letela teko e fapana go ya ka mebasepala.

Laesense ya go ithutela bootledi e ba molaong dikgwedi tše 18 gomme nako ya yona e ka se oketšwe.

Godimo

Tsela e latelwago

Go dira kgopelo ya laesense ya go ithutela bootledi o hloka gore o tlatše foromo  senthareng ya kgauswi le wena ya teko.
Tšweletša boitšhupo bjo bo dumelelegago le dikhopi tša bjona go ya ka moo go hlalošitšwego ke  National Road Traffic Act, 1996 , ID ya motšwaoswere, pasporoto ya Afrika Borwa).
Fana ka diswantšho tše pedi tša ID tšeo di gatišitšwego ka boso le bošweu.
O tla hlokega gore o dire teko ya mahlo senthareng ya teko.
Lefela tefelo yeo e laeditšwego.

Godimo

Molao o šomišwago



National Road Traffic Act, 1996  

Godimo

Nako ya tšweletšo ya mošomo

Laesense ya bootledi e tla beakanywa go tlo tšewa mo dibekeng tše nne go ya go tše tshela.

Godimo

Tefelo

