﻿
Kgopelo ya go tsenela lenaneotlhahlo  ge motho a sa šome    





Tlhalošo



Lenaneotlhahlo ke lenaneo la thuto leo mafelelong a lona motho a fiwago lengwalo la thuto malebana le mošomo wo a bego a o dira. Mananeotlhahlo a akaretša go ithuta motho a le ka phapošing lefelong la tlhahlo goba kholetšheng le go hlahla motho a le mošomong. Gore o kgone go tsenela lenaneotlhahlo, go swanetše go ba le mongmošomo yo a nago le kgahlego le bokgoni bja go go tšea gore o tsenele lenaneotlhahlo leo.

Ke mang yo a ka dirago kgopelo?

Mang le mang yo a feditšego sekolong, kholetšheng goba yunibesithing gomme a sa šome. Batho ba ba sa šomego ba swanetše go ingwadiša mo dathabeiseng ya Kgoro ya Bašomi bjalo ka bao ba nyakago mošomong.

Ga go na tšhelete ye motho a e lefelago gore a tsenele lenaneotlhahlo. Mang le mang yo a hlaotšwego go tsenela lenaneo le o swanetše go fiwa tšhelete ye e rilego  ke mongmošomo.

Botelele bja lenaneotlhahlo bo fapana go ya ka mohuta wa indasteri empa bo ka se be ka fase ga ngwaga o tee.




Ge o nyaka tshedimošo ka botlalo, eya go Kgoro ya Bašomi.

Tsela ye e latelwago

Gopodišiša ka mohuta wa tlhahlo le mošomo wo o o nyakago. Ka mantšu a mangwe, ge e le gore o motho wa go rata go šomela ka ntle, o se dire kgopelo ya mošomo wa go šomela ka ofising.

Dira CV ye e fago tshedimošo ye bjalo ka ye e latelago:


o Maina a gago le letšatši la matswalo

o Mangwalo a dithuto le dikolo tše o di tsenego

o Maitemogelo a mošomo, maina a batho bao o ba šometšego peleng le gore o be o dira eng

o Mabokgoni a mangwe a bjalo ka a khomphutharas; le gore naa o na le laesense ya go otlela, bjalobjalo.

o Referees 

Ingwadišele senthara ya kgauswi le wena ya bašomi bjalo ka motho yo a nyakago mošomo. Se se tlo kgontšha bengmošomo go hwetša leina la gago ge e le gore ba nyaka go thoma lenaneotlhahlo.

Ikopanye le di-SETA go bona gore ke bengmešomo bafe bao ba nago le mananeotlhahlo. Eya go: http://www.labour.gov.za/contact/contact_display.jsp?deptDetail=6598&category=6780

Kgopela bagwera le ba leloko gore ba go nyakiše mošomo le gore ba fele ba bala dikwalakwatšo mo dikuranteng.

Dula o ikopanya le senthara ya geno ya bašomi gore o fele o ba lemoša ka diphetogo tše di bago gona ka ga wena.




Molao

Skill Development Act, 1998  

Basic Conditions of Employment Act, 1997 , Sectoral Determination No. 5 




Nako

Botelele bja lenaneo le bo a fapana empa bo ka se be ka fase ga ngwaga o tee.



Tefelo



Tirelo ye ga e lefelwe.



Diforomo tšeo di tlatšwago

Dira kgopelo go Kgoro ya Bašomi goba senthara ya merero ya bašomi ya kgauswi le wena.


Mafelo le Diatrese    

