﻿
Kgopelo ya tumelelo ya go reka dithoto goba dinamelwa tšeo di šomišitšwego go tšwa ntle


Tlhalošo

Ge o nyaka go reka dithoto goba dinamelwa tšeo di šomišitšwego go tšwa ntle, o nyaka tumelelo yeo e ikgethang go tšwa go Letona la Kgwebišano le Intaseteri goba makalatiro a yona. Kantoro ya Letona e tla tšea sephetho ge e le gore ke ka kgahlego ya ka sehlogong ya setšhaba gore go ka rekwa dithoto goba dinamelwa tšeo di šomišitšwego go tšwa ntle.

O swanetše go iša foromo yeo e beilwego go kgopela tumelelo ya go reka ka ntle ga naga. Tumelelo ya thekontle e a nyakega go dithoto ka moka tšeo di welago ka tlase ga magato a taolo ya thekontle.

Tumelelo ya thekontle e nyakega go netefatša gore dithoto tšeo di šomišitšwego go tšwa ntle ga di šitele intaseteri ya Kopano ya Metšhelo ya Thomelo ya Afrika Borwa . Tirelo ye e thuša taolo ya tšhireletšo le mabaka a kobamelo ya boleng.

Ge o nyaka tshedimošo ka botlalo, eya go International Trade Administration Commission.


Tsela e latelwago

Tlatša foromo ya kgopelo: IE 462.
Iša kgatišo ya pukwana ya gago ya boitsebišo yeo e netefaditšwego go Kgoro.
Iša kgatišo ya setlankana seo se netefaditšwego sa ngwadišo ya senamelwa go Kgoro.
Iša foromo go Bolaodi: Taolo ya Thekontle le Thekišetšontle ya Khomišene ya Taolo ya Kgwebišano ya Boditšhabatšhaba .

Molao o šomišwago

International Trade Administration Act  

Nako ya tšweletšo ya mošomo

Go ka tšea matšatši a mararo go sepetša kgopelo ya gago.

Tefelo

Tirelo ye ga e lefelwe.

Diforomo tšeo di tlatšwago


Application for Importation of second hand or used vehicle 

Mafelo le diatrese


