﻿

Kgopelo ya setifikeiti sa maphodisa sa dikgatišo tša menwana

Tlhalošo
Tsela e latelwago
Molao o šomišwago
Nako ya tšweletšo ya mošomo
Tefelo
Diforomo tšeo di tlatšwago
Mafelo le diatrese

Tlhalošo

Tirelo ye e fiwa batho bao ba nyakago bohlatse mabapi le maemo a bona a melato  nakong ya ge ba nyaka go ya dinageng tša ka ntle goba ba nyaka go yo šoma dinageng tša ntle lebaka le letelele.

Setifikeiti se tlo bolela gore naa go na le melato ye motho yoo a kilego a e dira goba aowa.

Le ge e le gore dikgatišo tša menwana di dirwa diteišeneng tša maphodisa, tshekatsheki ya tšona le go fiwa ga setifikeiti go dirwa ke SAPS Criminal Record Centre kua Pretoria fela.

Godimo

Tsela e latelwago

Efa SAPS Criminal Record Centre sete ka moka ya dikgatišo tša menwana ya gago, tšeo di tšerwego seteišeneng sa kgauswi sa maphodisa. Kgonthiša gore maina a gago ka botlalo, sefane, letšatši la matswalo, lefelo la matswalo le nomoro ya ID  di ngwalwa mo foromong ya dikgatišo tša menwana.

Eya le ID ya gago seteišeneng sa maphodisa ka ge e le gore e tlo nyakega.


Hlokomela gore diteišene tše dingwe di tlo amogela dikgopelo tše ka nako ya mošomo fela .

Maafrika Borwa ao a dulago ka ntle ga mellwane ya Afrika Borwa ba ka dira kgopelo seteišeneng sa maphodisa nageng yeo ba dulago go yona goba Ntlong ya Afrika Borwa ya Botseta. Dikgatišo tša menwana di ka dirwa mo foromong tša yona naga yeo. Foromo ya dikgatišo tša menwana e swanetše go saenwa ke motho yoo a dirago dikgatišo tša menwana. Sete ye e feletšego ya dikgatišo tša menwana le khopi ya pukwana ya boitsebišo goba pasporoto ya mokgopedi di swanetše go ba gona ge kgopelo dirwa.

Seteišene sa maphodisa se tlo romela foromo ya kgopelo go Criminal Record Centre. Mo mabakeng a tšhoganetšo, mokgopedi a ka romela foromo ya kgopelo go:

The Head of the South African Criminal Record Centre

Private Bag X308
Pretoria
Gauteng
South Africa
0001

Kgopelo e ka romelwa le go:
The Head of the South African Criminal Record Centre

Sanlam Plaza West
CRC Client Service Centre
1st Floor
271 Schoeman Street
Pretoria
Tefelo ya tirelo ye e ka dirwa ka tšheke ye e kgonthišeditšwego ke panka goba ka kheše ka leina la National Commissioner of the South African Police Service.
Setifikeiti sa maphodisa  se tlo fiwa gape ntle le tefo ge e le gore se nyakwa mo dikgweding tše tshela morago ga kgopelo ya peleng. Ka ge e le gore ditifikeiti di bewa ka direkotong lebaka la dikgwei tše senyane fela, kgopelo ye mpsha e swanetše go dirwa ka morago ga ge dikgwedi tše senyane di fetile.

Godimo

Molao o šomišwago



South African Police Service Act, 1995  

Godimo

Nako ya tšweletšo ya mošomo

Setifikeiti se ka fiwa mo matšatšing a 28 a mošomo. Setifikeiti se tlo romelwa go mokgopedi ka poso ya mehleng, ntle le ge go dirilwe dithulaganyo tša go tlo tšea setifikeiti se ka bonama goba ka tirelo ya khoria  go Criminal Record Centre.

Godimo

Tefelo

R59

Go fiwa gape mo dikgwedi tše tshela morago ga kgopelo ya peleng ga go lefelwe.

Godimo

Diforomo tšeo di tlatšwago

Diforomo tša maleba tša dikgatišo tša menwana di tlo tlatšwa ke mohlankedi wa maphodisa.

Godimo

Mafelo le diatrese


