﻿
Kgopelo ya go fiwa ngwana     







Tlhalošo

Kgopelo ya ngwana e ra go dumela bohlokomedi bja semolao go ya ka tshepetšo ya semmušo le semolao bja ngwana wa batswadi ba bangwe ba madi.

Ke mang yo a ka kgopelago taelo ya phiwo ya ngwana?

Balekane ka bobedi

Mohlolo le mohlogadi
Motho yo a sa nyalwago goba a hladilego
Motho yo a nyetšwego yo molekane wa gagwe e lego motswadi wa ngwana yoo
Tata'go ngwana wa tlhago yo a belegwego ka ntle ga lenyalo

Taelo ya phiwo ya ngwana e swanetše go ntšhwa ke kgorotsheko ya bana ya selete seo ngwana a dulago ka go sona.

Kgorotsheko ya bana e tla ntsha taelo fela ka morago ga ge e etše hloko pego yeo e beilwego go tšwa go modirelaleago wa maleba.

Ge o nyaka tshedimošo ka botlalo, e ya go Kgoro ya Toka le Tšweletšo ya Molaotheo

Tsela ye e latelwago

Dira kgopelo ya taelo ya phiwo ya ngwana ka go kgorotsheko ya bana ya selete seo ngwana yo a tlilego go fiwa a dulago ka go sona. Bjalo ka ge dikgorotsheko ka moka tša dimagaseterata di šoma bjalo ka dikgorotsheko tša bana, o ka dira kgopelo ka go tlelereke ya kgorotsheko ya bana.
Tlatša Foromo ya 11, Kgopelo ya phiwo ya ngwana, mme o e iše go mothuši ka go kgorotsheko ya bana.
Mothuši wa kgorotsheko o tla, ge seo se sa tšwa se dirwa, kgopela modirelaleago go nyakišiša kgopelo.
Mafelelong a nyakišišo modirelaleago o tla fana ka pego go kgorotsheko ya bana yeo ka go yona kgopelo e dirilwego. Ntle le ge go nyakwa ke kgorotsheko, pego e ka se utolle mo batswadi bao ba kgopelago ngana ba lego – gobangwana, ge e le gore o šetše a filwe batswadi bao – ntle le tumelelo ya bona yeo e ngwetšwego.
Ge e le gore kgorotsheko e kgotsofatšwa ke pego goba tshedimošo e fe goba e fe ye nngwe ka ga phiwo yangwana, kgorotsheko e ka , ka sephetho sa yona, ela hloko kgopelo mme ya ntšha taelo ya tumelelo ya tšewo ya ngwana ntle le go theeletša motho yo mongwe. E fela e ka dira seo ge fela kgopelo ya phiwo ya ngwana e se na yo a lego kgahlanong le yona.
Ge e le gorekgopelo ga se ya phethagatšwa goba e ka se phethagatšwe, letšatsi la theeletšo ya semmušo ya kgopelo ke kgorotsheko ya bana le tla bewa. Tlelereke ya kgorotsheko ya bana e tla ntšha tsebišo ka go foromo ya 1A, Tsebišo go batswadi bao ba tlang go fiwa ngwana, go tsebiša motswadi bao ba fiwago ngwana ka ga theeletšo yeo.
Batswadi ba tlhago ba ngwaba ba ka se be gona ka go tshepetšo ya kgorotsheko ya go tšea ngwana wa gagwe, ntle le ge kgorotsheko ka sephetho sa yona, ya dumela gore ba be gona goba ge e le gore kgorotsheko e akanya gore goba gona ga bona go tla thuša dikgahlego tša ngwana.
Kgorotsheko e ka kgopela batswadi goba mohlokomedi wa ngwana go ngwala tumelo ya bona ya phiwo ya ngwana. E ka kgopela se le go ngwana yo a tlilego go fiwa ge a le ka godimo ga mengwaga ye 10 le ge kgorotsheko e kgotsofetše gore ngwana o kwešiša mohuta le bohlokwa bja tumelo.
Ge, mo maemong a tshepetšo, kgorotsheko e nagana gore go na le motheo wo o kgotsofatšago wa go se kgopele batswadi ba tlhago tumelelo. kgorotsheko e tla kgopela tlelereke ya kgorotsheko ya bana go ntšha tsebišo goba foromo ya 22, Tsebišo ya batswadiNotice go tliša mabaka go ya ka molawana wa 21 , go motswadi yo a amegago. Tsebiso ye e tla kgopela motswadi go iponagatša ka go kgorotsheko yeo ya bana ge e le gore o nyaka go fa mabaka a go hlaloša gore ke ka lebaka la eng tumelelo ya gagwe e sa swanelwa go phaelwa thoko.
Ge motswadi a se gona ka go kgorotsheko ya bana ka letšatši leo, mme kgoro e kgotsofala gore:
o tsebišo ya maleba e filwe motswadi mme ga go na lebaka leo le bonagalago la thetelelo ya motswadi go ka iponagatša, kgorotsheko e ka tšwela pele ka theeletšo mme ya fa kahlolo.
o Tsebišo ya maleba ga se ya fiwa goba e be e ka se fiwe batswadi, kgorotsheko e ka, ka sephetho sa yona, fa tsebišo go motswadi gape bjalo ka ge e ka bona go swanetše, goba ya tšwela pele ka theeletšo mme ya fa kahlolo

o Ge kgorotsheko ya bana e amogela kgopelo ya phiwo ya ngwana, hlagišo fela ya pego yeo e ngwetšwego ke modirelaleago wa maleba goba motho o fe goba o fe yo a nago le maatla ba tla tšewa bjalo  bohlatse bja dintlha tšeo di ngwetšwego ka go pego.

Lehlakore leo le angwago ke pego le ka kgopel;a gore diteng tša yona di utollwe. Seo se tla dirwa ka go theeletšo ya semmušo.

Ge lehlakore leo le amegago le nyaka go dira seo, o tla fiwa sekgoba sa go botšološoša mongwadi wa pego ntlha e fe goba e fe yeo e lego ka go pego, le go ganetša setatamente de fe goba se fe seo se lego ka go yona.

Mokomošenare yo a amegago o tla hlalošetša lehlakore leo le amegago ka kwešišagalo ditlamorago tša go retelelwa ke go ganetša ditatamente tšeo di lego ka gare ga pego.

Ka go theeletšo ya kgopelo, mokgopedi le motswadi yo a filwego tsebišo ba tla ba le ditokelo tša go swana le maatla bjalo ka motho yo a lego ka go molato wa sibili ka go kgorotsheko ya magaseterata mabapi le go hlahloba dihlatse, ka go fa bohlatse le go bolela le kgorotsheko.

Mo taelo ya phiwo ya ngwana e sego ya dumelelwa, goba tumelelo ya go fiwa ngwana e gogetšwego morago goba e sego ya tšwa e fiwa, motswadi wa ngwana goba mohlokomedi a ka kgopela kgorotsheko go swara ngwana ka tlase ga thlokomelo ya gagwe. Kgopelo ye e ka dirwa ka modirelaleago wa maleba goba motho yo a filwego maatla ke kgorotsheko ya bana le ka go šomiša Foromo ya 21C, Tsebišo go motswadi yo a tlilego go fiwa ngwana go lokolla ngwana ka diatleng tša motswadi goba mohlokomedi. E fela, seo se tla dirwa fela ge e le gore ke ka kgahlego ya ngwana.

Taelo ya phiwo ya ngwana e tla dirwa ka go Foromo ya 14.

Molao

Child Care Act, 1983  
Natural Fathers of Children Born out of Wedlock Act, 1996  

Nako

Legoranako la go sepetša kgopelo le ya ka bothata bja kgopelo.
Tsebišo go ya go motswadi wa ngwana yo a tlilego go fiwa e tla fana ka dintlha tšeo di lekanego goba mabaka a go se kgopele tumelelo ya go fana ka ngwana. Tsebišo e tla fiwa mo matšatšing a 21 pele ga letšatši la tsheko.
Ge mma'go ngwana a gana ka tumelelo, go tla dirwa kgopelo go kgorotsheko ya bana mo matšatšing a 14.
Tata'go ngwana yo a belegwego ka ntle ga lenyalo o tla, mo lebakeng la matšatši a šupa a go fana ka taelo, a dira kgopelo ya go fetiola dintlha tša gagwe ka go tokomane ya ngwadišo ya matswalo a ngwana.
Morago ga go tliša kgopelo go fetolwa, tata'go ngwana wa tlhago yo a belegwego ka ntle ga lenyalo o tla tsebiša tlelereke ya kgorotsheko ya bana yeo ka go yona kgopelo ya phiwo ya ngwana e dirilwego. O swanetše go dira bjalo ka go ngwala, le go bontšha gore kgopelo ya gagwe ya phetolo e dirilwe neng kae.

Tefelo

Tirelo gae lefelwe

Diforomo tšeo di tlatšwago

Form 1A: Notice to prospective adoptive parents 



Form 14: Order of adoption 



Form 21C: Notice to prospective adoptive parent for release of child to custody of parent or guardian 



Form 22: Notice to parent to advance reasons 





Mafelo le Diatrese

Maina adikgorotsheko tša magaseterata


