﻿
Go kgopela CCMA go fa tumelelo ya go tsenela tiragao ya boipelaetšo nakong ya setraeke    



Tlhalošo

Molao wa Merero ya bašomi  o fa batho tokelo ya go tsenela ditiragalo tša ditšhupetšo. Mokgahlo wa bašomi wo o ingwadišitšego o ka dumelela maloko le bathekgi ba wona go tsenela tiragalo ya ditšhupetšo ye e hlokago dintwa ka gare.

Ditšhupetšo di ka dirwa lefelong lefe goba lefe leo setšhaba se kgonago go le fihlelela, empa ka ntle ga mabala a mongmošomo goba, ka tumelelo ya mongmošomo, ka gare ga mabala a mongmošomo.

Mokgahlo wa bašomi wo o ingwadišitšego goba mongmošomo a ka kgopela komišene ya Commission for Conciliation, Mediation and Arbitration  go dira tumelelano gare ga mahlakore ao a amegago dikgohlanong malebana le melao yeo e tlogo latelwa nakong ya ge go dirwa ditšhupetšo. Ge e le gore ga go na tumelelano ye e fihlelelwago, CCMA e swanetše go dira melao ye e tlogo latelwa ge go dirwa ditšhupetšo, gomme melao e tlo dirwa ka go fa šedi mabaka a mošomo goba mafelo a mangwe ao go tlogo dira ditšhupetšo gona le melao ya maitshwarong nakong ya ditšhupetšo.

Melao yeo e ka dumelela bašomi go dira ditšhupetšo mabaleng a mongmošomo ge e le gore CCMA e bona gore mongmošomo o be a se na le mabaka a go kwagala go ganetša bašomi go dira ditšhupetšo mo mabaleng a mošomo.




Ge o nyaka  ka botlalo, e ya go Kgoro ya Merero ya Mešomo

Tsela ye e latelwago

Mokgahlo wa bašomi wo o ingwadišitšego goba mongmošomo a ka tlatša foromo ya LRA 4.1 go kgopela CCMA go dira tumelelano malebana le melao ya go dira ditšhupetšo.
Efa khopi ya foromo ye go phathi ye nngwe ye e amegago.
Efa bohlatse bja gore khopi ya foromo ye e filwe phathi ye nngwe ka go fana ka
khopi ya rasiti ya Posong;
khopi ya go bontšha gore foromo e amogetšwe ge e le gore foromo yeo e išitšwe ka seatla;
setatamente se se saennwego ke motho yo a išitšego foromo yeo; goba
khopi ya bohlatse bja fekse goba bohlatse bjo bongwe bja go kgotsofatša bjo bo ka bago gona.

Romela diforomo tše di tladitšwego go Registrar: Provincial Kantoro of the CCMA.
Ge e le gore go na le diphathi tša go feta e tee tše di amegago dikgohlanong, ngwala maina a diphathi tšeo mo pampering ye nngwe gomme o e gomaretše mo foromong.



Molao

Labour Relations Act, 1995 , Section 69 



Nako

Go tlo ya ka gore go tšea nako ye kae go rarolla dikgohlano.

Diforomo tšeo di tlatšwago

, Form LRA 4.1 



Mafelo le Diatrese


