﻿

Kgopelo ya phemiti ya go romela ntle dihlapi ka mabaka a tša kgwebo

Tlhalošo
Tsela e latelwago
Molao o šomišwago
Nako ya tšweletšo ya mošomo
Tefelo
Diforomo tšeo di tlatšwago
Mafelo le diatrese

Tlhalošo

Go rea dihlapi ka mabaka a tša kgwebo ke go phethagatša modiro wa go sepelelana le go rea dihlapi bjalo ka go romela ntle dihlapi tša lewatle ka nepo ya go gweba ka tšona. Gore o be le maswanedi a go romela dihlapi dinageng tša ka ntle goba ka ntle ga mellwane ya Rephabliki ya Afrika Borwa, o swanetše go dira kgopelo ya phemiti ya thomelontle yeo e abjago ke Tona ya Merero ya tša Tikologo le Boeti goba lekala le le filwego maatla. Nakong ya ge phemiti ya thomelontle e felelwa ke nako morago ga dikgwedi tše tharo, o swanetše go dira kgopelo ya phemiti e nngwe. Go palelwa ke go obamela mabaka a a phemiti go ka dira gore e fegwe goba e khanselwe.

E LA HLOKO: Phemiti ye ya thomelontle ga e akaretše dihlapi tše di hwetšagalago meetseng a a hlwekilego yeo e laolwago ke Kgoro ya tša Temo . Dikgopelo tša diphemiti tša thomelontle tša dihlapi tše di hwetšagalago meetseng a borutho goba dihlapi tša molatšatši di swanetše go dirwa go Kgoro ya tša Temo.

Mehuta ye e tšwelelago lenaneong la Convention of International Trade in Endangered Species  ga se ya swanelwa ke go šomišwa mererong ya gwebišano.(Go hwetša tshedimošo ka botlalo mabapi le CITES etela http://www.cites.org.

Phemiti ya Thomelontle yeo e abelwago mehuta ya dihlapi tša abalone e swanetše go felegetšwa ke setifikeiti sa CITES go thomelo ye nngwe le ye nngwe.

Diphemiti tša thomelontle tše di abelwago bigeye tuna, southern bluefin tuna, swordfish, Antarctic toothfish, le Patagonian toothfish di swanetše go felegetšwa ke tokomane ya dipalopalo tša dihlapi tše di swerwego go thomelo ye nngwe le ye nngwe. Ditokomane tša dipalopalo tša dihlapi tše di swerwego di hwetšagala go tšwa go Kgoro ya Merero ya tša Tikologo le Boeti , Lekala: Taolo ya Mawatle le Maboto, Bolaodi: Taolo ya Maruahlapi a Mabopong le Mawatle a Magolo.

Godimo

Tsela e latelwago

Dira kgopelo ya phemiti ya thomelontle.

Hwetša foromo ya kgopelo ya thomelontle le foromo ya kgopelo ya CITES go tšwa go Ofisi ya Taolo ya Mawatle le Maboto  goba ofisi ya lekala la Kgoro ya Merero ya tša Tikologo le Boeti goba tanelouta go tšwa go http://www.mcm-deat.gov.za.

Bala foromo ya kgopelo ka tlhokomelo le go netefatša gore go fihlelela dinyakwa tša kgopelo le mabaka:

Tšweletša tshedimošo ye e latelago:


diaterese tša bodulo tša batho bao ba gwebago ba naga yeo di išwago go yona

maina a setlwaedi le a saense a mehuta yeo e romelwago

bontši/dipalopalo bja mehuta yeo e swanetšego go romelwa

mo e lego gore morekišetši o a amega, tumelelano magareng ga makala a mabedi e swanetše go kgomaretšwa gammogo le dikhopi tša dipukwana tša boitsebišo tša bao ba saenetšego tumelelano

dikhopi tša ditokomane tša dipalopalo tša dihapi tšeo di swerwego di swanetše go tšweletšwa go bigeye tuna, southern bluefin tuna, swordfish, Antarctic toothfish, le Patagonian toothfish ka moka tšeo di romelwago ka fase ga phemiti ya thomelontle.


Ge e le gore mokgopedi wa phemiti ya thomelontle ga se moswara-ditokelo tša go rea dihlapi, tšweletša ditokomane tše di latelago:


bohlatse bja gore o rometše le diaterese tša bodulo tša baromedi ba dihlapi tša lewatle tšeo di swanetšego go romelwa

maina a setlwaedi le a saense a mehuta yeo e romelwago

bontši/dipalopalo bja mehuta yeo e swanetšego go romelwa.


Tliša dikhopi tše di netefaditšwego tša ditokomane tše di latelago:


pukwana ya gago ya boitsebišo  le ditokomane tša ngwadišo ya khamphani ya gago, kgwebo-tlhakanelwa goba trasete

diphemiti tša thomelontle tša makgonthe go tšwa go Kgoro ya Dikgwebo le Intasteri goba ditsebišo tša diphemiti

setifikeiti sa Tefelo ya Motšhelo seo se dumeletšwego le go abelwa ke Lefapha la Tirelomatlotlo ya Afrika Borwa .


Tsebiša lekala la gago la kgauswi la Biro ya Ditekanyetšo ya Afrika Borwa  mabapi le dithomelontle tša gago ge e le gore hlapi yeo e nyakago go e romela ntle ga se ya hlweka ebile ga se ya dumelelwa go jewa. Ge e le gore hlapi e hlwekile le gona e dumeletšwe go jewa tsebiša Lefapha la tša Maphelo.

Tefo ya go dira kgopelo ya go lekana R225  e swanetše go lefša.

Tlatša, saena le go romela foromo ya kgopelo ya phemiti ya thomelontle ye e sepelago le ditokomane tše di nyakegago go Ofisi ya Taolo ya Mawatle le Maboto. .

Dikgopelo tša mathomo/e lego tša maleba di swanetše go romelwa ka poso, go sego fao phemiti e ka se key a abelwa.


Godimo

Molao o šomišwago



The Marine Living Resources Act, 1998  

The National Environmental Management Act, 1998  

The National Biodiversity Act, 2004  

The National Marine Protected Areas Act, 2003  

The Sea Birds and Seals Protection Act, 1973  

The Sea Fishery Act, 1988  

The Sea-shore Act, 1935  

The International Convention for the Prevention of Pollution from Ships Act, 1986  


Godimo

Nako ya tšweletšo ya mošomo

Tshepedišo ya kgopelo e ka tšea matštši a 7 a go šoma goba go feta go lebeletšwe gore o dirile kgopelo ka tsela ya maleba.

Godimo

Tefelo

Tšhelete ya kgopelo ya go lekana R225  e tla swanelwa ke go lefša. Ditšhelete di lekolwa ngwaga ka ngwaga goba di bewa ke Tona ya Merero ya tša Tikologo le Boeti goba lekala leo le filwego maatla, ka kgokagano le Tona ya Matlotlo.

Tshedimošo ya go panka ya Ditefo tša Kgopelo ya Phemiti ya tša Kgwebo:

Bank: FNB
Branch: Corporate Account Service Cape Town
Branch code: 204109
Account: Current
Account No. 62123256382
Account Name: Marine Living Resources Fund
Ref No. Ka kgopelo ikgokaganye le: Lekala la Tirelo ya Badiriši mo go 0861 123 626

Godimo

Diforomo tšeo di tlatšwago



Application for Export permit 

Godimo

Mafelo le diatrese


