﻿
Kgopelo ya go phošolla diphošo ka gare ga pukwana ya gago ya boitsebišo
Tlhalošo
Tsela e latelwago
Molao o šomišwago
Nako ya tšweletšo ya mošomo
Tefelo
Diforomo tšeo di tlatšwago
Mafelo le diatrese

Tlhalošo

Maafrika Borwa ao dipukwana tša bona tša boitsebišo di nago le tshedimošo ye e fošagetšego ba ka dira kgopelo ya gore tshedimošo yeo e phošollwe offing efe goba efe ya Kgoro ya Merero ya Selegae. Dikgopelo di ka dirwa gape ntlong ya Afrika Borwa ya botseta ge motho a le nageng ya ka ntle.

Diphošo tše di tlwaelegilego tšeo di hwetšwago ka dipukwaneng tša boitsebišo tšeo batho ba ka ratago di phošollwa di akaretša tše di latelago:

leina le/goba sefane se se fošagetšego
senepe se se fošagetšego
atrese ye e fošagetšego
letšatši la matswalo le le fošagetšego
bong bjo bo fošagetšego.

Godimo

Tsela e latelwago

Tlatša diforomo tša kgopelo BI-9, BI-526 le BI-309 ofisinf efe goba efe ya Kgoro ya Merero ya Selegae. Dira kgopelo ntlong ya Afrika Borwa ya botseta ge e le gore o nageng ya ka ntle.
Fana ka bohlatse bja tshedimošo ya nnete, mohlala, setifikeiti sa matswalo, setifikeiti sa kolobetšo, lengwalo la go tšwa sekolong goba setifikeiti sa pelego.
Fana ka dinepe tše pedi tša ID.

Godimo

Molao o šomišwago



Identification Act, 1997  

Godimo

Nako ya tšweletšo ya mošomo

Tirelo ye e ka tšea dibeke tše 4 go ya go tše 6.

Godimo

Tefelo

Tirelo ye ga e lefelwe.

Godimo

Diforomo tšeo di tlatšwago



Application for an amendment, BI-526
Application for identity document, BI-9 
Application for re-issue of identity document, BI-10 
Application for rectification of personal particulars, BI-309 

Hlokomela: Difomo ga di gona go internet. Hle ikopanye le ofisi ya kgauswi ya kgoro.

Godimo

Mafelo le diatrese


