﻿

Kgopelo ya go ngwadiša khansele ye e lomagantšwego ya ditherišano tša merero ya bašomi 



Tlhalošo

Dikhansele tša ditherišano tša merero ya bašomi e šoma ka ditumelelano tše saenetšwego ke bašomi le bengmešomo, di rarolla mathata a merero ya bašomi, di hloma dikema/dikhwama tša go fapana, gape di fa ditswhayatshwayo mabapi le dipholisi le melao ya bašomi.



Mekgahlo ya bašomi le mekgahlo ya bengmešomo e ka ingwadiša gore e hlome dikhansele tša ditherišano tša merero ya bašomi.



Dikhansele tše di lomaganywago di ka dira kgopelo ya go hloma Khansele ye e Lomagantšwego ya Ditherišano tša Merero ya Bašomi go Registrar wa Merero ya Bašomi mo go Kgoro ya Bašomi. Khansele efe goba efe e ka tšea sephetho sa go lomaganywa le khansele goba dikhansele tše dingwe.



Ge o nyaka tshedimošo ka botlalo, eya go Kgoro ya Bašomi.



Tsela ye e latelwago

Dira kgopelo ya go hloma Khansele ye e Lomagantšwego ya Ditherišano tša Merero ya Bašomi go Registrar wa Merero ya Bašomi.

Fana ka dilo tše di latelago go Registrar wa Merero ya Bašomi:

Dikhopi tše pedi tša Kgopelo ya Boingwadišetšo bja go Hloma Khansele ya Ditherišano tša Merero ya Bašomi, Foromo LRA3.3 

Khopi ya sephetho sa malebana le go nyalanya dikhansele, se se tšerwego ke ye nngwe le ye nngwe ya dikhansele tše di amegago

Setifikeiti go tšwa go khansele ye nngwe le ye nngwe go hlatsela gore sephetho seo se sepelelana le melaotheo ya dikhansele tšeo


Romela le setifikeiti sa boemedi 




Molao

Labour Relations Act, 1995 , Section 34  



Nako

Go ka tšea matšatši a 60 gore go phethwe ka kgopelo ya gago.



Tefelo

Tirelo ye ga e lefelwe.



Diforomo tšeo di tlatšwago

Form LRA3.11 :



Mafelo le Diatrese



