﻿
Go amogelwa legaeng la batšofadi
Tlhalošo
Tsela e latelwago
Molao o šomišwago
Nako ya tšweletšo ya mošomo
Tefelo
Diforomo tšeo di tlatšwago
Mafelo le diatrese

Tlhalošo

Tirelo ye ke ya batšofadi ba ba nyakago tlhokomelo ya diiri tše 24 legaeng la batšofadi.

Ke mang yo a ka dirago kgopelo?

Batšofadi ba ba nyakago tlhokomelo ya ka mehla legaeng la batšofadi.
Batho ba ba amogelago tšhelete ya batšofadi.
Basadi ba ba nago le mengwaga ye 60 le go feta, le banna ba ba nago le mengwaga ye 65 le go feta.

Godimo

Tsela e latelwago

Tlatša fomo ya kgopelo legaeng la batšofadi la kgauswi le wena.
Ba bontšhe pukwana ya gago ya boitsebišo ya Afrika-Borwa.
O tlo lekolwa go ya ka tlhahlobo ye e beilwego go bona ge e le gore o swanetšwe ke go dula legaeng la batšofadi le sabsiti.
Ge kgopelo ya gago e atlegile o tlo swanela ke go saenela tumellano le legae la batšofadi pele o ka thoma go dula go lona.
Ge kgopelo ya gago e se ya amogelwa, o ka dira boipelaetšo mo nakong ya matšatši a 90 go Tona ya Tlhabollo ya Leago goba Molekgotlaphethiši .

Godimo

Molao o šomišwago



Older persons Act, 2006  
Older Persons Act, 2006  
Aged Persons Amendment Act, 1998  

Godimo

Nako ya tšweletšo ya mošomo

Go ka tšea matšatši a 35 go šomana le kgopelo ya gago. Nako ye e tlogo tšewa e laolwa ke gore go na le batho ba bakae bao ba lego lenaneong la bao ba dirilego kgopelo.

Godimo

Tefelo

Tefo e laolwa ke legae la batšofadi.

Godimo

Diforomo tšeo di tlatšwago

Fomo ya tekolo goba Fomo DQ 98 e hwetšwagala magaeng a batšofadi.

Godimo

Mafelo le diatrese

Mogala wa go se lefelwe wa Tlhabollo ya Leago: 0800 60 10 11


