﻿
Kgopelo ta taolotshepetso le phumulo ya ngwadišo ya mokgatlo khamphani goba khoporeišene yeo e tswaletšwego



Tlhalošo

Ge mokgatlo, khamphani, khoporeišene yeo e tswaletšwego e ka se kgone goba di ka se lefele melato ya tšona goba go phethagatša maikarabelo a tšona , Molaodi Pharephare wa Kgwebišano le Intaseteri a ka tšea taolotshepetšo goba a fediša mediro ya yona.

Mokgatlo goba mokgatlo wa porofensi, leleoko le fe goba le fe la mokgatlo goba motho yo mongwe le yo mongwe yo a nago le kgahlego a ka dira kgopelo go kgorotsheko gore mokgatlo goba mokgatlo wa porofensi o sepetšwe ke Molaodi Pharephare goba o fedišwe. Kgorotsheko yeo e theeletšago seo e swanetše goba karolo ya Kgorotshekokgolo goba Kgorotsheko ya Mmagaseterata yeo e nago le maatla a go diragatša khutšo mo lefelong leo mokgatlo o lego go lona goba o šomagp go lona. Dikgorotsheko le tšona di ka tšea sephetho seo ge e le gore seo sekgotsofatša seemo seo.

Ge kgorotsheko e tšea sephetho sa gore Molaodi Pharephare o swanetše go sepetša mokgatlo goba mokgatlo wa porofensi, yena o tla ba le maatla a go sepetša merero ya mokgatlo goba mokgatlo wa porofensi go ya ka ditlhalošo tša Molao wa Dikhamphani, 

Ge mokgatlo goba mokgatlo wa porofensi o dira kgopelo ka go ngwalela Molaodi Pharephare, yena a ka phumula ngwadišo ya mokgatlo goba mokgatlo wa porofensi ge e le gore o kgotsofatšwa ke -

sephetho seo se dumelelanago le phumulo seo se tšerwego kopanong yeo e bego e tsenetšwe ke palo yeo e amogelegago ya maloko a mokgatlo goba mokgatlo wa porofensi;

sephetho seo se tšerwego ke bontši bja maloko ao a bego a le gona goba a emetšwe mo kopanong; le ge

merero ka moka yeo e amegago yeo e swanetšego go šetšwa pele ga phumulo, go akaretšwa le mokgwa wo dithoto le dikoloto tša mokgatlo goba mokgatlo wa porofensi di tla sepetšwago ka gona, di filwe šedi.


Ge kgoro e tšea sephetho sa go fediša mokgatlo goba mokgatlo wa porofensi, e tla tšea sephetho sa mokgwa wo ka wona mokgatlo goba mokgatlo wa porofensi di tlago go abelwa ka tekatekano le ka mo go kgotsofatšago. Kgoro e tla ela hloko ditšhišinyo di fe goba di fe tšeo Molaodi Pharephare a ka bego a di dirile mabapi le kabelanyo ya dithoto.

Ge Molaodi Pharephare goba mokgatlo goba mokgatlo wa porofensi, leloko le fe goba le fe la mokgatlo goba motho o fe goba o fe yo a nago le kgahlego ba dira kgopelo ya gore mokgatlo goba mokgatlo wa porofensi o sepetšwe ke Molaodi Pharephare goba o fedišwe, Letona le ka laela tselatshepetšo yeo ka yona mokgatlo goba mokgatlo wa porofensi o ka sepetšwago ka wona ke Molaodi Pharephare goba go fedišwa. Letona le ka beakanya maatla le mešomo ya Molaodi Pharephare, Mohlankedi wa ngwadišo, mokgatlo, maloko le mahlakore ao a nago le kgahlego mo seemong seo.

Mo mabakeng a khamphani goba Khoporeišene yeo e Tswaletšwego , lehlakore le fe goba le fe leo le nago le kgahlego, molaodi goba bahlokomedi ba dipuku tša khamphani, Tirelo ya Metšhelo ya Afrika Borwa  goba Mongwadiši wa Dikhamphani ba ka dira kgopelo ya gore khamphani e phumulwe.

Ge o nyaka tshedimoso ka botlalo, e ya go Companies and Intellectual Property Registration Office.

Tsela e latelwago

Phumulo ya ngwadišo ya khamphani, mokgatlo le khoporeišene yeo e tswaletšwego 

Khamphani yeo e ngwadišitšwego, mokgatlo goba khoporeišene yeo e Tswaletšwego  di swanetše go ngwala lengwalo la semmušo go dira kgopelo ya phumulo ya ngwadišo.

Bontšha mabaka ao ka wona khamphani goba khoporeišene yeo e tswaletšwego  e kgopelago phumulo ya ngwadišo ka wona.

Mo go kgonegago, bontšha nomoro ya motšhelo ya khamphani goba Khoporeišene yeo e Tswaletšwego .

Balaodi ka moka le maloko a khamphani goba Khoporeišene yeo e Tswaletšwego  ba swanetše go saena lengwalo ge e le gore ke phumulo ya boithaopo ka molaodi goba maloko.



Molao o šomišwago

Companies Act, 1973  

Nako ya tšweletšo ya mošomo

Phumulo ya ngwadišo e tšea tekanyo ya dikgwedi tše tshelelago.

Tefelo

Tirelo ga e lefelwe.

Diforomo tšeo di tlatšwago

Ga go na diforomo tšeo di tlatšwago.

Mafelo le diatrese


