﻿

Dihlophatša bomenetša bja 419 bja tšhelete yeo e lefelwago pele le ya lothari     

Tlhalošo

Seo se bitšwago Bomenetša bja Mngwalo bja Nigeria  ke bomenetša bja tšhelete yeo e lefelwago pele. Bomenetša bjo bo tsebega gape ka la "bomenetša bja 419 scam" mme bo diragatšwa ka bomenetša , ga ntši e ba leloko la ntikodiko ya bohlokotsebe. .

Bomenetša bjo bo thoma ke moradia yo a ikopanyago le khamphani yeo e lebišitšwego, e ka ba ka fekese, meili goba imeili. Tšhišinyo ya kgwebo e a dirwa, ga ntši ka sehlopha seo se itirago bahlankedi bagolwane ba mmušo. Dihwirihwiri tšeo dI fa tshedimošo ya gore di na le tšhelete ye kgolo go tšwa go peakanyo yeo e fetišitšwego, ga ntši ka ditolara tša Amerika. Tšhišinyo yeo e hlaloša go ka fetišetša tšhelete yeo go tšwa go peakanyo yeo e fetišitšwego ka go akhaonto ya panka ka ntle ga naga mo bomenetša bjo bo tšwagho gona. Motho yo a hwetšago tshedimošo ye ga ntši o holofetšwa ka kakaretšo magareng ga 20 le 35 a diperesente tša tšhelete yeo e tlago fetetšwa ka go akhaonto ya gagwe ya panka bjalo ka khomišene.

Tšhelete e hwetšwa go motšwasehlabelo ka ditsela tše mmalwa:

Motšwasehlabelo o kgopelwa go tsenya tšhelete ka go akhanto ya panka yeo e itšeng go thuša go akaretša ditshenyegelo tša go phethagatša tshepetšo ya kwano.
Ge fela tšhelete ya mathomo e lefilwe, "mathata" a mangwe a ka tsoga, gore go be le tshwanelo ya go lefela tšhelete ye nngwe.
Go ka beakanywa kopano ka go naga ye nngwe, mme ge motšwasehlabelo a le ka go naga yeo, o tšeelwa pukwana ya gagwe ya bosepedi mme o swarwa bogolegwa go fihlela ge ba ka amogela tšhelete yeo e ba kgotsofatšago.
Dintlha tša panka ka ga hlogo ya mangwalo  ya semmušo di ka šomišwa go fetišetša tšhelete go tšwa ka go akhaonto ya panka ya motšwasehlabelo go e tsenya ka go akhaonto yeo e laolwago ke baradia bao.

Bomenetša bja lothari bo thongwa ke moradia yo a ikopanyago le batho ka go se kgethe, ga ntši ka imeili. Moradia yoo o itira mohlankedi wa Khamphani ya Lothari mme o tsebiša motho yoo gore o hweditše lothari le ge motho yoo a se a reke thikete. Dinomoro tšeo di tšweletšego di a tsebagatšwa ka go dikgokagano, mme le ge Khamphani ya Lothari yeo moradia yoo a rego o ka tlase ga yona e ka ba e le gona mme dinomoro e le tšeo di tšweletšego , se ke bomenetša. Go šomišwa mekgwa yeo e šomišwago ka go bomenetša bja 419 go hwetša tshelete go tšwa go motšwasehlabelo.

Tshedimošo ye nngwe mabapi le bomenetša bjo e go wepesaete ya Tirelo ya Sephodisa sa Afrika Borwa mo dintlha tšeo di lego mabapi le tiragatšo ya lenaneo, ditšhupo tša bomenetša bjo bo ka kgonegalago, ditsela tšeo ka tšona tšhelete e ka tšewago go tšwa go motšwasehlabelo, ga mmogo le magato a tšhireletšo, di a hlalošwa.

Ge o nyaka tshedimošo ye nngwe e ya go Tirelo ya Sephodisa sa Afrika Borwa

Magato ao a latelwago

Badudi ba Afrika Borwa:
Ge o ka amogela lengwalo la bomenetša, fetetša ditokomane ka moka, tshedimošo le dikgokagano go Interpol.
Bontšha "Ga go na Tahlegelo " goba "Go na le Tahlegelo " ka go ditokomane.
Fana ka dintlha tša gago tša kgokagano le dinomoro tša mogala goba tša batho bao ba amegilego.
Mo mererong ya mabapi le bomenetša, Interpol e tla ikgokaganya le Yuniti ya Bohlokotsebe bja Kgwebo ya Tirelo ya Sephodisa sa Afrika Borwa.

Badudi bao ba tšwago ka ntle ga naga:
Fekesa kgatišo ya kgokagano ya "419" yeo e hweditšwego go Mosuperintentente wa Yuniti ya Bohlokotsebe bja Kgwebo ya Tirelo ya Sephodisa sa Afrika Borwa goba Khomišena Mogolo wa Afrika Borwa//Empasi/Khonduleiti -Pharephare wa kgauswi go fetišetša ka go Tirelo ya Sephodisa sa Afrika Borwa.
Fana ka dintlha tša panka .
Bontšha "Ga go na Tahlegelo" goba "Go na le Tahlegelo"
Ge go na le kgokagano ya Afrika Borwa le mediro ya "419" bolela ka tlhalošo dintlha ka moka tšeo di amegago.
Fana ka dintlha tša gago tša kgokagano le dinomoro tša mogala goba tša batho bao ba amegilego.


Molao

Kasete ya Mmušo Nomoro ya 22459 ya 13 Tšulae 2001 le Tsebišo ya Kakaretšo Nomoro ya 1643 ya letšatši leo .



Maemo a tirelo

Tirelo ya Sephodisa sa Afrika Borwa e bea lebaka la go hlagiša pego ya tšwelopele. Dipego tša tšwelopele ga ntši e fiwa dibekeng tše pedi tše pedi go e ya ka seemo sa molato.
Dipego tša tšwelopele di ka se fiwe batho mo go se nago tahlegelo ya semmušo. E fela, go bohlokwa gore Tirelo ya Sephodisa sa Afrika Borwa e fiwe dikgatišo tša bomenetša bja mangwalo a "419" go tsenywa ka go dathapeisi ya bona.
Bahlankedi ba Khonsuleiti ya Afrika Borwa ka ntle ga naga bat la hlagiša ditokomane mo ditiragalong tšeo din ago le tahlegelo ya tšhelete go Tirelo ya Sephodisa sa Afrika Borwa  mo nakong ya diiri tše 48 morago ga go hwetša ditokomane.

Tefelo

Tirelo ga e lefelwe.

Diforomo tšeo di swanetšego go tlatšwa

Ga di gona, fela go bohlokwa go bontšha ka go ditokomane ge e le gore go bile le tahlegelo ya ditšhelete.


Mafelo le Diatrese







