BEKE YA GO TŠEA KAROLO GA SETŠHABA 9 - 15 DIBATSELA
[Melaetša ye bohlokwa]
Beke ya go tšea Karolo ga Setšhaba ke maemo a go godiša poledišano le kgokagano magareng ga mmušo le batho. E fa mmušo monyetla wa go phatlalatša Lenaneotšhomo la wona le tšwelopele yeo e šetšego e dirilwe. E tšwetšapele go tšea karolo le tirišano magareng ga setšhaba le mmušo. 
Beke ya go Tšea karolo ga Setšhaba e fana ka monyetla go mmušo gore o kgone go kgokagana le morafe, go ikarabela go phethagatšo ya lenaneotšhomo. 
Kgokagano thwii magareng ga makala a mararo a mmušo (bosetšhaba, profense le pušoselegae) e bile setšhaba se tiišetša go bona mmušo o ikgokaganya le batho ba wona.
Mo bekeng ye morafe le mmušo ba tla kgokagana ka diforamo tšeo di hlomilwego bjalo ka dikomiti tša diwate, le dikopano tša makala go tšweletša ditlhohlo le go abelana ditharollo. 
Kgatelelo e ntši e tla ba go tiišetša leswa go ditšhaba bjalo ka batšweletši mmogo ba ditharollo, ka thekgo ya mmušo wo o tsenyago letsogo ka mafolofolo. 
 Mogala wo o Kgethegilego wa Mopresidente le wona o tšweleditše mekgwa ya tlaleletšo go oketša kgokaganyo magareng ga mmušo le batho, le go potlakiša kabo ya tirelo. 
Re šogana le ditlhohlo tšeo di šetšwego di bonwe ka dikgokagano le dinyakišišo tše dingwe tšeo di fapanego. 
Re dirile tšwelopele e kgolo kudu mo mengwageng e 15 ya go feta ya tokologo, ditlhohlo tše dintši di sa phegeletše. 
Phesente ya malapa ao a nago le phihlelelo ya meetse e oketšegile go tloga go 61.7% ka 1994 go fihla go 91.8% ka Hlakola 2009, tše ntši di sa nyakwa go dirwa go katološetša tirelo go badudi bao ba šetšego.
Re sepelela kgauswi kudu le go fihlelela nepo ya rena ya go fediša tsela ya boithomelo bja dikgamelo ka mo go madulo ao a hlomilwego semmušo, letšatšikgwedi leo le lebeletšwego la phihlelelo ya batho ka moka ke 2014. 
Re dula re tshwenyegile ka lebaka la maemo ao a lego godimo a go se šome, bodiidi, tlhokomelo ya maphelo yeo e sego ya lekana le tlhabollo yeo e lego fase, kudu kudu ka mo go madulo a magaeng le a mekhukhung. 
A re šomišeng diforamo tše go ikgokaganya le baemedi ba setšhaba le go tlogela go senya thoto le didirišwa tšeo di lebišitšwego go thuša bona.
Re tshwenywa ke ditirelo tšeo di diegišitšwego tšeo di tshepišitšwego ditšhaba; re a tseba gore ge re šoma mmogo ka mo go ditirišano tšeo di beakantšwego re ka dira tše dintši e bile ka lebelo.
“Ge re šomišana, re ka dira tše ntši”
