Maphelo le Polokego Mošomong kua mabankelekgoparareng
Na bophelo le polokego di bolela ka eng?
Di mabapi le go thibela batho gore batho se gobale goba ba babja ge ba le mošomong ka go tšea magato a maleba go thibela le go neelana ka tikologo ye e kgotsofatšago ya mošomo.
Na molao wa maphelo le polokego o a šomišwa mabenkelengkgoparareng?
Ee! O šoma dikgwebong ka moka le go batho ba ba iperekago le bašomedi ka moka. 
Na go na le dikgonagalo tša gore batho ba ka thedimoga le go thetšwa mabankelengkgoparara?
Go thedimoga go ka hlolwa ke tše dingwe tša dilo tše di latelago:
mabato a a thapilego le ao a nago le makhura
go thedimoga go go diregago ka dinako tše dingwe
dikotsi tše di hlolwago ke maemo a legodimo
mebetse ye e ngwathegilego, ye e sego ya kgomaretšwa fase
mabato goba lefase le le sego la lekanela.
Go thetšwa go ka hlolwa ke tše dingwe tša dilo tše di latelago:
Go širwa 
Mabone a a sa kganyego gabotse
go phatlalala ga dilo mo tseleng ye o sepelago go yona
mmetse wo o šošobanego
dithapo tše di sa khupetšwago
mabati a dikhapote a a sego a tswalelwa
lebato la fase le le sego la lekanela (ditepisi, ditepisana tša mojako).
Na o ka thibela bjang go wa go go hlolwago ke go thedimoga le go thetšwa 
Go hlokomelwa ga mabenkelekgoparara:
hlwekiša mafelo ka moka mo go nago le dilo tše di tšhologilego ka potlako
bontšha ka maswao mafelo ka moka mo go nago le dilo tše di tšhologilego goba mo go thapilego
phumola goba o swiele mabato a a nago le ditlakala/ditšhila
tloša dilo tše di ka šitišago batho ditsejaneng tša maoto gomea ae dinako tšohle o boloke mafelo ao a se na dilo tše dintši tše di phatlaletšego
tiiša (ka go kgorametša, wa kokotela, bjbj) mebetse le magogwa 
ka dinako tšohle netefatša gore dikhabinete tša difaele goba mafelo ao o bolekelago dilo ka gona a tswaletšwe 
khupetša dithapo tše di kgabaganyago mo batho ba fetago gona 
netefatša gore mafelo ao go šomelwago go ona le ditsejana tša maoto di na le mabone a a lekanego
fetola ditloloupu le diswitšhi tše di senyegilego.
Mafelo a dijo
Na mafelo a dijo a hlwekile?
Mafelo a dijo – mafelo ao dijo di bolokelwago le mo go jelwago gona
Mongmošomo o swanetše go netefatša gore o neelana ka lefelo la go bolokela dijo la maleba le mo go jelwago gona.
Mong wa lebenkele la dijo o swanetše go netefatša gore dijo ka moka di bolokwa lefelong le le hlwekilego go netefatša gore dijo tše di bolokilwego goba tše di jewago mabankelengkgoparara ga di senyege ka lebaka la mabenkele a kgauswi.
Go bolokwa ga dijo go swanetše go be mafelong a a kgethilwego.
Na ke tshedimošo ya mohuta mang ye mošomedi wa ka lebenkeleng la dijo a swanetšego go e hwetša? 
O swanetše go tseba mabapi le go bega dikgobalo ka moka le gore di begwa bjang
A tsebe gore ke kae mo a ka hwetšago thušo ya pele le gore e hwetšwa bjang 
A tsebe mokgwa wa go bega dikotsi ka moka le gore di begwa bjang
A tsebe ka tokelo ya gagwe ya go gana go dira mošomo wo o sego wa bolokega le ditshepetšo tše di ka mo hlolelago dikotsi 
A tseba ka mokgwa wo a ka šomišago diaparo tša tšhireletšo tše di bolokegilego le tše di hlwekilego.
O swanetše a bontšhwe ka mo a ka dirago mešomo ye itšego ka polokego: 
Mekgwa ya maleba ya go kuka dilo.
O swanetše a hlalošetšwe ka mokgwa wo a swanetšego go bala mangwalo a a lego dikhemikhaleng.
O swanetše a botšwe ka ga tokelo ya go tseba tshedimošo mabapi le didirišwa tše kotsi:
Lefelo la matlakala a tshedimošo mabapi le polokego ya didirišwa (MSDS) le gore tshedimošo yeo e balwa bjang 
Ka mokgwa wo tshedimošo ye e lego dikhemikhaleng e balwago ka gona
Ka mokgwa wo a tla hlwekišago mo dilo di tšhologilego.
O swanetše a botšwe gore ke diaparo dife tša tšhireletšo tše di swanetšego mešomo ya go fapana (le lefelo le le bontšhitšwego): 
Ditlelafo.
O swanetše a hlalošetšwe ka ditshepetšo tša tšhoganetšo le gore ditokomane di bewa kae.
Na dilifiti tše di šomišwago mabenkelengkgoparara di bolokegile gakaakang?
Dilifiti 
Ditllhahlobo le diteko
Lifiti ye e šomišago mohlagase e swanetše go hlahlobja le go dirwa diteko kgafetšakgafetša.
Direkhoto 
Mongmošomo o swanetše go boloka direkhoto mabapi le go hlokomelwa, ditlhahlobo, ge e ba go na le dikarolo tša dilifiti tše di mpshafaditšwego le go lokišwa ga lifiti e nngwe le e nngwe ya mohlagase. 
Go šomišwa ga lifiti
Go šomišwa, go hlahlobja, go lokišwa, go hlokomelwa le go fetošwa ga dikarolo tša LIFITI go swanetše go dirwe go ya ka ditaelo tša motšweletši goba ka ditaelo tše di ngwadilwego ke moentšineere wa seprofešenale.
Na bahlahlobi ba lebelela eng ge ba hlahloba mabenkelekgoparara?
Go bolokwa ga dilo ka tsela ye e sego ya maleba, mohlala, pele ga mejako ye e šomišwago nakong ya tšhoganetšo goba diphanele tša mohlagse goba go thiba mafelo a a nago le ditepisi 
Go kgobokana ga diela goba kirisi mabatong
Go se bee maswao goba mapheko kgauswi le mabato a a thapilego 
Dithipa tše di sa segego/ditompo
Go se be le dilo tše di šireletšago metšhene ye e šomišwago go hlakanya dijo le didirišwa tše dingwe
Go se kgone go bona gabotse mabating a a dukologago
Go se hlokomelwe gabotse ga dikoloyana tša go rwala merwalo e boima, dikarikana, bjbj.
Lekola ge e ba ditshepetšo tše di bolokegilego mešomong di a latelwa.
Mohlala:
Na motšhene wa go ripa nama o ntšhitšwe polakeng pele o hlwekišwa?
Na ditlelafo di a šomišwa ge go rwalwa ditšhila?
Na ditsela tša maleba di a šomišwa ge go kukwa dilo?
Na bašomedi ba tseba gore ba swanetše ba dire eng ge ba šoma ba nnoši?
Morago ga ditlhahlobo, ba TŠEA magato!
Ba phošolla ditshepetšo tše di lego kotsi kudu goba tše di sego tša bolokega ka bjako. Mohlala, ge o hwetša gore lleri le na le lepolanka le le bofologilego goba le le senyegilego, le tloše gore le se hle le šomišwa goba o reke le leswa
Hlopha dikotsi go ya ka ditlapele gomme o fe motho o mongwe maikarabelo a go di phošolla 
Šala morago kgato efe kapa efe ye e nyakago nako e ntši pele e ka phethwa (mohlala, go rekwa ga didirišwa tše diswa)
Tsebiša bašomedi ka diphihlelo tša gago.
Polokego mabapi le mohlagase
Mošomiši o mongwe le o mongwe goba motho wo a adimišanago ka didirišwa tša go tsenya mohlagase, go ya ka mabaka, o tla re ge a kgopelwa a bontšha setifikeiti sa go bontšha gore go hlongwa ga mohlagase go latela maemo a mohlagase gomme yena o tla se bontšha mohlahlobi goba morekišametšhene. 
Go hwetša tshedimošo e nngwe, ikgokaganye le dikantoro tša kgauswi le wena tša Kgoro ya Mešomo:
Word count: 773
