Maphelo le Polokego go tša Temo
Go laola maphelo le polokego
Ge o laola kgwebo ya gago, na:
􀀀 o tsebiša Kgoro ya Maphelo mabapi le mošomo ofe goba ofe wa go aga bjalo ka ge go nyakega go ya ka Molao wa Maphelo le Polokego Mešomong (OHS)?
􀀀 o ipha nako ye e lekanego go lokišetša pele, go beakanya le go laola mošomo wa gago?
􀀀 o bea leihlo go seo se diregago le go tšea magato kgahlanong le ditshepetšo tše di lego kotsi? 
􀀀 go na le Tshepetšo ya Taolo ya Maphelo le Polokego ye e šomišwago ye e akaretšago baemedi ba tša maphelo le polokego gammogo le komiti ya maphelo le polokego? 
􀀀 go na le motho wo o ka ithekgago ka yena ge e ba o nyaka maele mabapi le maphelo le polokego?
Bega dikotsi
Kalafo ya khuru/letolo le le gobetšego.
Ge motho wo o mo thwalago goba wo a šomago lefelong la gago la mošomo a amega kotsing, netefatša gore: 
􀀀 o tsebiša Senthara ya Mešomo ge e ba kotsi yeo ke e šoro go swana le go robega, go ripega setho sa mmele goba go se hlwe o kgona go bona 
􀀀 o bega kotsi e nngwe le e nngwe ye e amanago le mošomo yeo e dirago gore mošomi a se be gona mošomong lebaka la go feta matšatši a 14 
􀀀 o bega kotsi ge e ba leloko la setšhaba le hlokofetše goba le rometšwe bookelong/sepetlele ka lebaka la kotsi ye e amanago le mošomo wo o dirwago lefelong la gago la mošomo.
Go thwala
Ge o thwala goba o laola batho ba ba go šomelago, na o kgonthišiša gore: 
􀀀 ba hlahlilwe le go ba le bokgoni bja go dira mošomo ka polokego ntle le go bea maphelo a bona le a batho ba bangwe kotsing?
􀀀 ba laolwa ka tsela ya maleba le go fiwa ditaelo tše di kwišišegago?
􀀀 ba na le dithulusi, didirišwa, lefelo la go šomela le diaparo tša tšhireletšo tša maleba? 
􀀀 o boledišana le bona gammogo le baemedi ba bona mabapi le merero ya maphelo le polokego?
Rakontraka o fa motho o mongwe kontraka
Ge o efa rakontraka o mongwe mošomo, na:
􀀀 o lekola ditshepetšo tša maphelo le polokego tša batho ba o nyakago go šoma le bona kgafetšakgafetša? 
􀀀 o ba fa tshedimošo mabapi le maphelo le polokego mošomong wo ba swanetšego go o dira? 
􀀀 o rerišana le bona mabapi le mošomo pele ba thoma go šoma? 
􀀀 o netefatša gore o ba file dilo ka moka tše le dumelelanego ka tšona (mohlala maleri a magolo a a šomišwago go fihlelela dilo tša godimo (scaffolds) a a bolokegilego, lefelo la maleba la go šomela, go fihlelelega ga didirišwa, bjbj)? 
􀀀 o lekola mošomo wa bona kgafetšakgafetša le go ahlaahlana le ditlhaelelo tše di ka bago gona?
Go fihlelelega ga lefelo la mošomo
􀀀 Na batho ka moka ba kgona go fihla lefelong la mošomo ba bolokegile – le go šoma felo fao ba bolokegile? 
􀀀 Na ditsejana tša go tsena lefelong di maemong a mabotse ebile di na le maswao a a bonalago? 
􀀀 Na magomong a moago moo batho ba ka wago go na le ditshipi tša go šireletša moago goba mekgwa e mengwe ya go šireletša magomo?
􀀀 Na mekoti e šireleditšwe le go swaiwa gabotse ebile e khurumeditšwe ka go tia go thibela gore batho ba se wele ka gare ga yona?
􀀀 Na lefelo la mošomo le hlwekile le didirišwa di beilwe mo go bolokegilego?
􀀀 Na mabone a kganya gabotse?
Didirišwa
􀀀 Na dintlwana tša boithomelo di gona ebile di dula di hlwekile ebile go na le mabone a a lekanego? 
􀀀 Na go na le magopo a go hlapela diatla, meetse a pompi, sešepe le ditoulwana tša pampiri tša go iphumola? 
􀀀 Na go na le lefelo leo le fetolelago diaparo go lona, le go di omiša goba go di boloka?
􀀀 Na go na le meetse a go nwa? 
Maleri a magolo a a šomišwago go fihlelela dilo tša godimo
􀀀 Na maleri a magolo a a šomišwago go fihlelela dilo tša godimo a bopilwe, a fetolwa le go tlemollwa ke setsebi? 
􀀀 Na go na le mapheko a a bonalago goba ditsebišo tša go lemoša le go thibela batho go šomiša maleri ao a sego a fetšwa, mohlala dikoloi tše di šomišwago go nameletša batho meagong di šireleditšwe gabotse? 
􀀀 Na maleri a magolo a a šomišwago go fihlelela dilo tša godimo a hlokomelwa gabotse?  
􀀀 Na motho wo a nago le bokgoni o hlahloba maleri kgafetšakgafetša mohlala gatee ka beke, ka dinako tše dingwe morago ga gore a fetolwe, a senyege le morago ga gore pula e ne goba go be le phefo e ntši kudu? 
􀀀 Na dipoelo tša ditlhahlobo di a rekhotwa?
Tšhoganetšo
􀀀 Na go na le mekgwa ye e šomišwago ya tšhoganetšo, mohlala ge e ba le swanetše go tšwa ka lefelong la mošomo ge go na le mollo? 
􀀀 Na batho ba ba šomago lefelong leo ba tseba ka ditshepetšo tšeo?  
􀀀 Na go na le mokgwa wa go letša alamo, gona e lekwa gakae gore e sa šoma? 
􀀀 Na go na le tsela ya go neelana ka ditirelo tša tšhoganetšo lefelong leo la mošomo? 
􀀀 Na go na le ditsejana tše di lekanego tše di ka šomišwago nakong ya tšhoganetšo ebile ga di a thibja ke selo? 
􀀀 Na go neelanwa ka thušo ya pele ye e lekanego? 
Bothata: Lleri le legolo le le šomišwago go fihlelela dilo tša godimo le be le sa gomaretšwa lebotong gomme bjalo ka selo se se ikemetšego se nnoši se ile sa hlolela bašomedi dikotsi.
Didirišwa tše kotsi
􀀀 Na o hlaotše dilo ka moka tše kotsi bjalo ka marela, morodi, diela, dipente, semente le lerole? 
􀀀 Na bašomedi ba filwe tshedimošo le tlhahlo gore ba tsebe gore ke dikotsi dife tše di amanago le go šomiša le go tšweletša didirišwa tše kotsi lefelong la mošomo gammogo le seo ba swanetšego go se dira le diaparo tše ba swanelago go di apara go efoga dikotsi tšeo?
􀀀 Na o hlathile le go tšea magato a maleba go thibela le go laola tšhomišo ya didirišwa tše kotsi, ka:
- go dira mošomo ka tsela ye e fapanego, go fediša dikotsi gomme se se akaretša go šomiša metšhene go dira mešomo sebakeng sa bašomi?
- go šomiša didirišwa tše kotsi tše mmalwa?
- go šomiša dithulusi tše di kgonago go tloša/moma lerole?
Lešata
􀀀 Na bašomedi ba filwe tshedimošo le tlhahlo gore ba tsebe gore ke dikotsi dife tše di hlolwago ke lešata lefelong la mošomo le gore ba swanetše ba dire eng go efoga dikotsi tšeo? 
􀀀 Na o hlathile le go lekola maemo a bašomedi ba ba amegago lešateng? 
􀀀 Na lešata le ka fokotšwa ka go šomiša ditsela tše dingwe tša go dira mošomo goba ka go kgetha lefelo la mošomo le le se nago lešata, mohlala ka go šomiša ditshipi tša go pšhatla maswika tše di  weletetšwego ka gare ga mapokisana go fokotša lešata le lefelo le go šomelwago go lona goba metšhene ye e nago le dilo tše di kgonago go fokotša lešata?
􀀀 Na bašomedi ba filwe dišireletšaditsebe tša maleba ebile ba a di apara ge ba le mafelong ao a nago le lešata le legolo? 
Na bašomedi ba filwe dišireletšaditsebe tša maleba ebile ba a di apara ge ba le mafelong ao a nago le lešata le legolo?
Mohlagase le ditirelo tše dingwe
􀀀 Na go neelanwe ka ditirelo ka moka tše di hlokegago lefelong la mošomo pele mošomo o ka thoma ebile o hlathile le gore ke ditirelo dife tše di šetšego di le gona lefelong leo (mohlala dithapo tša mohlagase goba mapokisana a kgase) le go tšea magato a maleba go thibela dikotsi tše di ka hlolwago ke ditirelo tšeo? 
􀀀 Na dithulusi le didirišwa di lekotšwe ke batho ba ba di šomišago, tša hlahlobja ka tebelelo ya mahlo gammogo le go hlahlobja le go lekwa ke setsebi?
􀀀 Mo go nago le metato ye e thalaganyago godimo, na kabo ya mohlagase e timilwe goba magato a mangwe a tšerwe go swana le go bea ʻdipala tša mohlagaseʼ goba ditheipi tša go swaya lefelo go bontšha kotsi?
􀀀 Na go na le Setifikeiti sa go bontšha gore dinyakwa tša mohlagase di fihleletšwe mabapi le go hlomelwa ga didirišwa tše diswa tša mohlagase? 
Mapokisana ao go laolwago mohlagase go ona a swanetše go khurumetšwa gabotse le go notlelelwa ka dinako tšohle.
Šireletša setšhaba
􀀀 Na lefelo leo la mošomo le ageleditšwe go thibela setšhaba gore se se tsene?
􀀀 Na mešomo ya go aga le go lokiša ditsela e šireleditšwe le mafelo ao a editše gabotse? 
􀀀 Na setšhaba se šireleditšwe kgahlanong le dilo tše di wago?
􀀀 Ge mošomo o emišitšwe letšatšing leo:
- na meepo le mekoti di khurumeditšwe gabotse le go agelwa magora?
- na lefelo leo go šomelwago go lona le ka se šutišwe go thibela gore batho ba ba sa dumelewago ba tsene go lona? 
- na didirišwa tše di ka hlolago mollo goba tše kotsi di tswaleletšwe mafelong a polokelo a a šireleditšwego? 
Motho wo go ikgokaganywago le yena
Kgoro ya Mešomo
Kantoro Kgolo
Karolokgolwane ya Maphelo le Polokego Mešomong 
Word count: 992
