Chemicals									Sepedi

Ela hloko ge o diriša dikhemikhale



INSTRUCTIONS:

Folio strap: TAOLO YA DIKHEMIKHALE

Byline: Corné Louw, Raekonomi wa tša temo: Tšweletšo/Inputs, Grain SA



Dikhemikhale tša temo di ka senya dibjalo tša gago bakeng sa go di šireletša ge di sa dirišwe ka moo go supetšwago le gona ka tlhokomelo ye e nyakegago. Ka go latišiša dintlhatheo ge dikhemikhale di rekwa goba di dirišwa, motšweletši a ka phema tshenyo ye kgolo dibjalong tša gagwe. 



Ge o diriša dikhemikhale, ela tše di latelago hloko:

Na khemikhale ya temo e ngwadišeditšwe sebjalo se se itšego (mono Afrika-Borwa) le gona go fediša ngwang, fankase goba tlhaselo ye e itšego ya bolwetši? 

Na go dirišwa bokaakang bjo bo šišintšwego bja khemikhale ka moo go šupeditšwego? 

Na mabaka a boso ka nako ya go diriša khemikhale le ka morago ga fao a sepelelana le mabaka ao a šupeditšwego? 

Na nako yeo khemikhale e dirišwago ka yona ke yeo e šupeditšwego, mohlala: ka masa goba ka meriti? 

Na maemo a tšhemo yeo dibjalo di bjetšwego go yona ke ao a nyakegago, mohlala: monola le mohuta wa mmu? 

Na dikgato tša go thiba tlhaselo di tšerwe ka nako yeo e šupeditšwego ditaelong tša tirišo? 

Ditlamorago – na khemikhale ya temo e ka ba kotsi mabapi le phetošopšalo, ke go re mabapi le dibjalo tše di ka bjalwago tšhemong yeo ka morago? 

Na khemikhale ya temo e ka tswakanywa le dikhemikhale tše dingwe – mohlala: sebolayangwang se se itšego se ka tswakanywa le dibolayangwang tše dingwe le/goba dibolayakhunkhwane tše dingwe le dibolayafankase? 



Go fokotša kgonagalokotsi ye e sepelelanago le tirišo ya dikhemikhale, Grain SA e hlohleletša batšweletši go kgonthiša gore ba ela tše di latelago hloko ge ba reka dikhemikhale: 



Moemedi o swanetše go kgonthiša gore khamphani ye a e emelago ke leloko la CropLife SA;

Khamphani ye e phatlalatšago khemikhale e swanetše go ba leloko la ACDASA;

Moemedi o swanetše go tšweletša bohlatse bja gore o na le tsebo (ke go re bja gore o phasitše dihlahlobo tša AVCASA); le

Dikeletšo di swanetše go ngwalwa mme moemedi o swanetše go saena lengwalo leo. 



Batšweletši ba swanetše go ela hloko gore dikhemikhale di ka tšwewa ke phefo, kudu tše di gašetšwago moyeng mme ba swanetše go leka go fokotša kgonagalo ye. Go ka hlolega tshenyo ye kgolo ge dikhemikhale tše di ka tsenela mašemo a a bapanego ao a bjetšwego dibjalo tše di huetšwago gabonolo. 



Polokego ya dijo “food safety” e bohlokwa kudu. Ka go diriša dikhemikhale ka nepagalo le go ngwala ka moo di dirišwago ka gona batšweletši ba šetše ba phethile dinyakwa tše bohlokwa tša polokego ya dijo. 

