Calibration (Maize)									 	Sepedi

Go beakanya plantere



Instructions:

Folio strap: Tirišometšhene

Byline: Tshedimošo ye e tšwa mo go thuto ya Dikontraka tša Temo



Dikgato tše di latelago di swanetše go elwa hloko peakanyong ya plantere:



Hlaola dikarolo tšohle tšeo di ka beakanywago tšeo di amanago le peakanyo (calibration) ya plantere (dikere, dikeremeno (sprockets) le dipoleite (plates)). 

Kgonthiša bokaakang bja peu le monontšha bjoo plantere e bo bjalago go ya ka moo e beakantšwego gonabjale. 

Ela sebaka sa gare ga dikarolo (units) tša plantere gore o tsebe katogano ya direi (row width) – se se tla go thuša go akanya palo ya direi hektareng. (Mohlala: ge direi di katologane 0,9 m mme bophara bja hektare e le 100 m, go ra gore 100 m/0,9 m = direi tše 111 haktareng). 

Ela sebaka sa 10 m.

Kgonthiša gore go na le peu le monontšha ditšhelong (hoppers) (ela hloko gore bogolo bja peu yeo o e dirišago go beakanya plantere bo swanela dipoleite tše di kgethilwego – go swanetše go tsena thoro e tee fela ka nako e tee lešobeng la poleite). 

Kgobela monontšha ka go bofela plastiki molomong wa phaephe yeo e o ntšhago gore o kalwe ka morago. 

Sepediša trekere le plantere sebakeng seo sa 10 m mo nkego go a bjalwa (ka mantšu a mangwe plantere e swanetše go šoma le ge e “bjala” godimo ga mmu). 

Peu:

Bala dithoro tšeo di “bjetšwego” sebakeng seo sa 10 m. 

Atiša palo ye ka 10 go akanya peu yeo e ka bego e “bjetšwe” sebakeng sa 100 m (gopola gore hektare ke 100 m x 100 m). 

Bjale atiša palo yeo ka palo ya direi tšeo di lego sebakeng sa 100 m (mohlaleng wa rena direi di be di katogane sebaka sa 0,9 m, seo se rago gore go na le direi tše 111 sebakeng sa 100 m). 

Mohlala: go “bjetšwe” dithoro tše 30 sebakeng sa 10 m, e lego tše 300 sebakeng sa 100 m. Go na le direi tše 111 hektareng, x 300 = dibjalo tše 33 300 hektareng. 

Ge palo ye o e akantšego e feta yeo o e nyakago o swanetše go beakanya dikeremeno (sprockets) tša plantere gore lebelo la poleite le fokotšege (goba lebelo le ka okeletšwa ge o nyaka go okeletša palo ya dibjalo). 

Boeletša maitekelo a go fihla o kgotsofala. 

Monontšha:

Kala monontšha woo o kgobetšwego plastiking sebakeng sa 10 m. 

Atiša palo ye ka 10 go akanya monontšha woo o ka bego o “bjetšwe” sebakeng sa 100 m (gopola gore hektare ke 100 m x 100 m). 

Bjale atiša palo yeo ka palo ya direi tšeo di lego sebakeng sa 100 m (mohlaleng wa rena direi di be di katogane sebaka sa 0,9 m, seo se rago gore go na le direi tše 111 sebakeng sa 100 m). 

Mohlala: boima bja monontšha wo o “bjetšwego” sebakeng sa 10 m ke 100 g (0,1 kg), e lego 1 000 g sebakeng sa 100 m. Go na le direi tše 111 hektareng, x 1 000 = 1 110 g goba 111 kg hektareng). 

Ge palo ye o e akantšego e feta yeo o e nyakago o swanetše go beakanya dikeremeno (sprockets) tša plantere gore lebelo la poleite le fokotšege (goba lebelo le ka okeletšwa ge o nyaka go okeletša palo ya dikilogramo). 

Boeletša maitekelo a go fihla o kgotsofala. 





