Improvements (Maize)								Sesotha sa Leboa



Dikaonafatšo polaseng di bohlokwa



Instructions: 

Folio strap: Koketšo ya mohola

Byline: Jane McPherson, molaodi wa Lenaneotlhabollo la Balemi la Grain SA



Mohola wa lekwala (naga ye e se nago selo) ke wo monyane kudu ge o bapišwa le wa naga ye e hlabolotšwego goba e kaonafaditšwego. Ke ka fao go lego bohlokwa gore meago, magora le ditsela polaseng ya gago di dule di hlokometšwe gabotse. 



Meago ya polaseng e swanetše go dula e le maemong a mabotse gore e kgone go dirišwa – go boloka dilo, go swara mabele goba go kota boya bja dinku. Go kaone go šireletša ditrekere le ditlhamo ka tlhaka ka ge di senyega kudu ge di dula letšatšing le puleng. 



“Magora a mabotse a dira gore o se thulane le baagišani ba gago” (Good fences make good neighbours) – o swanetše go kgona go šitiša diruiwa tša gago go tsenela naga ya baagišani. Ge o bjala dibjalo go bohlokwa gore o di šireletše go diruiwa. Lenaneong le le nepagetšego la phulo, diruiwa di fudišwa dikampeng tše di itšego dipakeng tše di itšego tša ngwaga – mokgwa wo o šireletša bjang mme o dumelela mabjang a a lewago nako ya go tielela. 



Dithapalalo le ditselameetse di bohlokwa kudu go thiba kgogolegommu – kgogolego e hlola tshenyo ya ruri mme moagi yo mongwe le yo mongwe o na le boikarabelo mabapi le go babalela mmu gore meloko ya ka moso e kgone go diriša naga go iphediša. 



Ditsela di bohlokwa kudu malebana le temokgwebo – dilo tša go swana le monontšha di swanetše go fihlišwa polaseng mola ditšweletšwa tša molemi di swanetše go kgona go tlošwa polaseng gore di išwe mebarakeng. Temongkgwebo tlhokomelo ya ditsela e bohlokwa kudu. 



Meago
 

 

 

 

 

 

 

 

 

 

 

 
Kagelelo
 

 

 

 

 

 

 

 

 

 

 

 
Methapalalo
 

 

 

 

 

 

 

 

 

 

 

 

 

 

 
Ditselameetse
 

 

 

 

 

 

 

 

 

 

 

 
Ditsela
 

 

 

 

 

 

 

 

 

 

 

 




