Textual harassment
Ons liefde se argief:
geskenke, e-posse, smse
selfs n boodskap op n antwoordmasjien,
vele fotos. Met nougesette aandag
word ek die argivaris, terwyl jy
ons daadwerklik, nromanties uitwis.
By jou geen bewysstukke
van ons vertreuselde liefde nie.
Dit is mos soos dit is.
Die dieper grein van n klip
uit Nagasaki sien jy
as ontspoorde verbeelding.
n Opera in Nagasaki
of lente in Tokio beleef
ek in ekstase alleen.
O Madama Butterfly. 
Woordoordadig liasseer
ek ons saamwees in stipte tekens:
eers n ruggespraak, nou n solospraak.
En jy? Jy kla my woordeloos aan.
