DENNIS stap waardig af.
BEULAH:
ek jou testament ten volle kon eerbiedig! Was jy maar hier. Jy sou s: Carrying coal to Newcastle. Carlos! Ek sweer voor God: Ek sal my laat kloon. (Pouse.) En die beste diamantslyper in Brussel sal in opdrag van Cartier n petite jasmynblomnaeltjie-ring skep as polfyntjie vir jou. (Sy gil): Viva Lorca!
(Stap na skildery. Streel oor Carlos se lippe.) El querido de las musas.
MATRONE (vinnig op): Ek het net  (Sien BEULAH vir die eer-ste keer in haar volle glorie.) U  Madame, u lyk verruklik. (Ongemaklik): Ekt gedag ek hoor iemand gil.
BEULAH (lag uitbundig en gil): Viva Lorca! Ek gaan n enkele jasmynblommetjie uit die beste diamante  as naeltjiering deur Cartier in Brussel  vir my laat slyp.
MATRONE (glimlag): Diamante dra geen reuk nie. (Pouse.) Jammer, Madame.
MATRONE begin loop.
BEULAH: Jammer? Kyk na my. Sien jy iets wat jou jammer laat voel? Kyk na my! Soogdier, ja. Maar nooit het ek my laat boei aan kraampyne, koliek en baba-stront nie. (Ontbloot haar borste.) Lyk dit vir jou na varksogtette, melkemmers vir n kroos?
MATRONE: Nee, Madame. (MATRONE stap tot by BEULAH.) Kalmeer. (Sy skulp BEULAH se borste teer onder haar kamerjapon in.) Goeienag, Beulah.
MATRONE stap uit. BEULAH streel haar borste. Sy staan verward, verwonderd.
BEULAH	(kalm en sag): El sexo masculino?
G O R D Y N
Stilbaai, Desember 2007
