Ukwethulwa esitjhabeni kwakaMongameli – 2009
Asigidinge ukwethulwa esitjhabeni kwakaMongameli omutjha  wenarha yekhethu!
AmaSewula Afrika aziingidi azibandakanye emakhethweni kawokewoke wangomhlaka 22 kuSihlabantangana 2009. Ngokuvowuda, amaSewula Afrika  adlale indima ekambisweni yedemokhrasi yokukhetha uMongameli omutjha wenarha. Njengombana sele siyazi imiphumela yamakhetho, kusikhathi sokobana kwethulwe esitjhabeni uMongameli omutjha weSewula Afrika.
Khuyini ukwethulwa esitjhabeni?
Ukwethulwa esitjhabeni kumnyanya osemthethweni olitshwayo lokobana kusekuthomeni kwesikhathi sokusebenza kukarhulumende omutjha. Ngelangeli, uMongameli omutjha uzakufungiswa liJaji eliKhulu leSewula Afrika. Abomongameli beeNarha, iinKhulu zaboRhulumende nabajameli baborhulumende abavela kezinye iinarha bazokukhambela umnyanya oqakathekileko lo. Kilomnyanya wokugidinga, kuzakuba khona umvumo, igido lesintu nezinye iindlela zokuzithabisa okuyindlela yokuthabela ilangeli.
Uyokwethulwa nini uMongameli? 
Unyaka lo, ukwethulwa kwakaMongameli kuzakuba ngoMgqibelo, 9 kuMrhayili 2009 kusuka nge-iri le-11:00 ekuseni e-Union Buildings ePitori. 
Liqakatheke ngani ilangeli?
Ngelangeli sizabe sigidinga ipumelelo yedemokhrasi yenarha yekhethu, amalungelo namathuba esiwathabelako wedemokhrasi yeSewula Afrika engakhethululi ngobuhlanga namkha ngobulili. Leli kulilanga esingahlangana ngalo sisitjhaba soke siragele phambili ekwakheni iSewula Afrika esizazikhakhazisa ngayo. 
Ungazibandakanya bunjani ekwethulweni kwakaMongameli?
Iintetjhi ezimbalwa zabomabonisakude nemirhatjho zizakurhatjha poro emmoyeni  ukwethulwa kwakaMongameli ngomhlaka 9 kuMrhayili 2009 – yeke vula ulalele!
Kukhona neminye iminyanya ehleliweko emiphakathini ehlukahlukeneko enarheni yoke – zibandakanye!
Nawufuna ilwazi elinabileko ngeminyanya esendaweni yangekhenu, dosela ku-1020 (inomboro yasimahla nawudosa emtatweni wangekhaya).
Sihlangene sisoke ekwenzeni ngcono amaphilo!
