Imvumo nokubuyiselwa emva kwemvumo yoku-adoptha yombelethi namkha umondli womntwana
Siyakutlhogomela Singebalapha Siyakusebenzela
Imisebenzi eyenzelwa abantu
Imisebenzi yeenhlangano
Imisebenzi eyenzelwa amaphandle
Khetha ilimi
Isaziso sokusulwa isibawo sokubuyiselwa emva komla
Ongakhetha kikho
Gadangisa ikhaseli
Faka kokuthandako
Yenza njengekhasi lekhaya
Thintana nathi
Umebhe wesayithi
Ekhaya
Imisebenzi eyenzelwa abantu
Ukuba mbelethi
Ukuadoptha umntwana
Imvumo nokubuyiselwa emva kwemvumo yoku-adoptha yombelethi namkha umondli womntwana
Ihlathululo
Amagadango okufanele alandelwe
Imithetho esetjenziswako
Amazinga wokusebenza nesikhathi
Iindleko
Amaforomo azaliswako
Imininingwana yokuthintana
Ihlathululo
Imvumo yimvumo etloliweko enikelwa abangahle babe babelethi aba-adopthako uku-adoptha umntwana. Imvumo inganikelwa babelethi, umondli womntwana namkha mntwana. Umntwana angaphikisa imvumo yoku-adoptha nayikuthi uneminyaka eli-10 namkha ngaphezulu. Kungaqalwa iinjamiso zomunye umthetho, umbelethi womntwana unelungelo lokubuyisela emva imvumo enjalo amalanga ama-60 ngemva kokunikela ngayo. Ikhotho yabantwana angeze yenza omunye umlayo woku-adoptha ngaphambi kokuphela kwesikhathi samalanga ama-60.
Ubujamo okungafunwa ngabo umlayo woku-adoptha ebujameni lapho ababelethi bomntwana bahlongakele begodu kungakakhonjwa umondli womntwana.
umbelethi akakghoni ukunikela imvumo -
o ngebanga lokugula ngokwegqondo;
o olahle umntwana begodu nokungaziwako bona ukuphi; namkha o utlhorise umntwana ngokomzimba, emmoyeni namkha ngokomseme, umphethe kumbi; namkha wavumela bona abethwe, aphathwe kumbi, namkha atlhoriswe;
o ubange namkha urhelebhe ukuletha ukuvuswa kwemizwa khona kuzakuyiwa emsemeni nomntwana, ukuthumba namkha ukusetjenziselwa zomseme komntwana namkha ukulaya umntwana ukwenza izenzo zokungaziphathi kuhle;
o ubambe imvumo yakhe ngokungazwakaliko;
o ngomntwana obelethelwe ngaphandle komtjhado ubhalelwe ukuvuma ukobana ungubaba womntwana namkha ngaphandle kwebanga elizwakalako ubhalelwe kukwenza imisebenzi yokuba ngubaba emntwaneni obelethelwe ngaphandle komtjhado namkha owenziwa etjhebiswaneni lokuthadana kweenhlobo nonina;
o nguyise lomntwana owabelethelwa ngaphandle komtjhado begodu yena (uyise) wafunyanwa anomlandu wokukata namkha wokubetha unina lomntwana;
o namkha ngemva kokubuza kwekhotho yabantwana kulandela isolo eyenziwe ngunina lomntwana, yathola (ngekghonakalo) bona ukate namkha ubethe unina lomntwana:
Kuye ngokuthi iphenyo elinjalo elizakubumba ukufunywana umlandu emlandwini wobulelesi namkha ukutlhorisa;
o namkha umntwana owabelethwa ngaphandle komtjhado ubhalelwe kuphendula, kungakapheli amalanga ali-14, esazisweni anikelwe sona njengombana kuhlosiwe ngenzasi.
Nayikuthi mbelethi munye kuphela onikele ngemvumo, begodu omunye umbelethi akatholakali ukunikela ngemvumo, ukomitjhinara uzakufakazela (ukuqinisekisa) imvumo enjalo begodu anikele ngesaziso komunye umbelethi kungakapheli amalanga ali-14. Isaziso sazisa umbelethi bona imvumo inikelwe begodu imnikela ithuba o lokunikela ngeyakhe imvumo namkha lokwala nayo;
o namkha anikele ngamabanga wokobana kungani imvumo yakhe kufanele ifunyanwe begodu kungeze umlayo wanikelwa ngaphandle kwayo o namkha wenze isibawo somlayo woku-adoptha nayikuthi ngubaba wemvelo begodu umntwana wabelethelwa ngaphandle komtjhado.
Nayikuthi unina lomntwana owabelethelwa ngaphandle komtjhado uyalivuma itjhuguluko lemininingwana yamabeletho womntwana, ubaba lomntwana kufanele aziswe. Kufanele enze amatjhuguluko afaneleko kungakapheli amalanga ali-14 wokufumana isaziso.
Nayikuthi unina lomntwana akalivumi itjhuguluko lemininingwana yokutloliswa kwamabeletho womntwana, umuntu ofuna ukuvuma bona unguyise lomntwana lowo kufanele enze isibawo ekhotho yabantwana efaneleko bona afumane umlayo wesifungo oqinisekisa bona nguye uyise lomntwana begodu ifuneko yokuvuma ebuya kunina ayithlogeki.
Isaziso esibuya kuyise wemvelo obelethelwe ngaphandle komtjhado ngiyo yodwa into efunekako nayikuthi o uyise uvumile, ngomtlolo, ukuba nguyise lomntwana; begodu nayikuthi ufake imininingwana yakhe ekutlolisweni kwamabeletho womntwana begodu uqinisekisa bona imininingwana ilungile ngazo zoke iinkhathi;
o namkha unina lomntwana, ngesinye nesinye isikhathi; namkha unina lomntwana, ngesikhathi sokunikela imvumo, aqinisekise, ngomtlolo, bona uyise lomntwana uvume ukuba ngubaba lomntwana;
begodu wenze ukwaziwa kwakhe nalapho atholalakala khona kwaziwe;
o namkha isisebenzi sezehlalakuhle siletha umbiko oqinisekisa bona ngubani uyise nokobana ukuphi kukomitjhinara ofakazele (oqinisekisileko) imvumo kanina; namkha ekhotho yabantwana lapho isibawo soku-adoptha senziwe khona. Lombiko kufanele ulethwe kungakapheli amalanga ama-60 ngemva kobana unina anikele ngemvumo, namkha kwesinye nesinye isikhathi ngaphambi kobana ikhotho yabantwana inikele ngomlayo woku-adoptha.
Umbelethi onikele ngemvumo kufanele azise ukomitjhinara ngemva kokufakazelwa kwemvumo yakhe.
Nawufuna ilwazi elinabileko, yiya ku-website yomNyango wezoBulungiswa nokuThuthukiswa komThethosisekelo.
Amagadango okufanele alandelwe
Ukunikela imvumo:
Imvumo kufanele itlolwe phasi. Nayikuthi inikelwa eSewula Afrika, umuntu namkha abantu abanikela imvumo kufanele bayitlikitle phambi kwakakomitjhinara wezehlalakuhle yabantwana, ozakufakazela imvumo.
Nanyana imvumo kufanele ibe namagama wababelethi abahlongozwako, ikhotho yabantwana ingamukela imvumo yababelethi bomntwana namkha umondli enganamagama wababelethi aba-adopthako nayikuthi iyaneliswa bona kusekarekweni ehle yomntwana bona yenziwe njalo.
Ukubuyisela emva imVumo eTloliweko
Nayikuthi umntwana, zalisa iForomo 13A phambi komunye nomunye ukomitjhinara ngaphambi kobana umlayo woku-adoptha wenziwe yikhotho yabantwana.
Nakungenzeka imvumo ibuyiselwe emva kwesinye isiyingi ngaphandle kwesiyingi okwakhutjhwa kiso umlayo namkha lapho isibawo soku-adoptha sizakulalelwa khona, ukomitjhinara khonokho o uzakwazisa ikhotho efaneleko nesisebenzi sezehlalakuhle (nayikuthi siyaziwa) bona kukiyiphi ikhotho lapho kuzakulalelwa khona uku-adoptha;
o namkha uzakwazisa ukomitjhinara ofakazele imvumo (nayikuthi uyaziwa) bona kukiyiphi ikhotho lapho isibawo soku-adoptha sizakulalelwa khona.
Ukomitjhinara khonokho uzakufanisa ikhotho lapho isibawo soku-adoptha sizakulalelwa khona abe azise ikhotho nesisebenzi sezehlalakuhle ngokubuyiselwa emva.
Imithetho esetjenziswako
Amazinga wokusebenza nesikhathi
Ngaphambi kobana ukomitjhinara afakazele imvumo, kufanele azise umuntu onikela ngemvumo o ngemiphumela yezomthetho yoku-adoptha;
o bonyana, ebujameni bemvumo yombelethi, umbelethi othintekako angabuyisela emva imvumo ngomtlolo eForomoni 12A phambi kwakakomitjhinara omunye nomunye kwesinye nesinye isikhathi kungakapheli amalanga ama-60 ngemva kokunikela imvumo enjalo;
o bona, ebujameni bemvumo yomntwana, umntwana othintekako angabuyisela emva imvumo ngomtlolo eForomini 13A phambi komunye nomunye ukomitjhinara kwesinye nesinye isikhathi ngaphambi kobana umlayo woku-adoptha wenziwe yikhotho yabantwana;
o begodu umuntu othintekako (umuntu ofisa uku-adoptha umntwana) angabakhona lokha isibawo soku-adoptha sitjhejwako ngaphandle kwalokha ikhotho, ngokuqunta kwayo, imnikela imvumo yokubakhona ngombana inombono wokobana ukubakhona kwakhe kuzakuba sekarekweni yomntwana.
Iindleko
Awubhadeli litho ngalomsebenzi.
Amaforomo azaliswako
Imininingwana yokuthintana
Sibawa ukhethe kunye:
Yabuyekezwa kokugcina :
Thintana nathi
Umebhe wesayithi
Imibandela nobujamo
