﻿     
Isabelo sabarhali bezepi     
Ihlathululo
Amagadango okufanele alandelwe
Imithetho esetjenziswako
Amazinga wokusebenza nesikhathi
Iindleko
Amaforomo azaliswako
Imininingwana yokuthintana

Ihlathululo

Umrhali wepi mumuntu owalwa ePini yokuThoma yePhasi  namkha ePini yesiBili yePhasi  namkha ePini yeKoriya .

Abazuzi abangakghoniko ukuzitlhogomela nabatlhoga itlhogomelo lasikhathi soke komunye umuntu nabo bangenza isibawo serhelebho lesabelo ukungezelela esabelweni sehlalakuhle.

Inani lesabelo sabarhali bezepi ukuthoma ngo-Apreli 2008 liyi-R960 ngenyanga.

Ukwenza isibawo kufanele:

ube sisakhamuzi seSewula Afrika namkha mhlali kanomphela
ube mhlali weSewula Afrika ngesikhathi wenza isibawo
ube neminyaka yobudala ema-60 namkha ngaphezulu, namkha kube urholophele
kube walwa ePini yokuThoma namkha yesiBili yePhasi, ePini yeKoriya namkha kube wasebenza epini eyathoma ngomhlaka 6 Septemba 1939
ukhambisane nokuhlolelwa ikghono lokuphila .

Ukuhlolelwa ikghono lokuphila kusetjenziselwa ukulinganisa ubujamo bezeemali bombawi. Nawuzakufumana isabelo, ubujamo bakho bezeemali kufanele bube ngaphasi kwezinga elithileko. Ngo-2008, ukuhlolelwa ikghono lokuphila lesabelo sabarhali bezepi lomuntu ongakatjhadi libeka bona awukavunyelwa ukufumana isabelo nayikuthi ipahla yakho idlula inani le-R451 200 nayikuthi awukathathi namkha awukathathwa. Ikhaya okungelakho alitjhejwa nawuhlala kilo. Ingeniso yakho kufanele ibe ngaphasi kwe-R26 928 ngonyaka nayikuthi awukathathi namkha awukathathwa.

Nayikuthi utjhadile, awukavunyelwa ukufumana isabelo nayikuthi ipahla yakho nomthetheko/okuthetheko ngokuhlanganyela idlula i-R902 400. Indlu okungeyenu ayifakwa lapha nayikuthi nihlala kiyo. Ingeniso yakho nayihlangene neyomthetheko/okuthetheko kufanele ibe ngaphasi kwe-R53 856 ngonyaka.

kufanele kube awondliwa namkha uthlogonyelwe esiKhungweni sakaRhulumende
kufanele kube awufumani esinye isabelo sehlalakuhle .

Isabelo sibhadelwa ngeendlela ezilandelako:

ngekhetjhe eNdaweni yokuBhadela ethileko ngelanga elithileko
ngokudibhozidwa ngokwe-elektroniki e-akhawuntini yakho yebhanka 
e-akhawuntini yebhanka yeposini
esikhungweni .

Phezulu

Amagadango okufanele alandelwe

Zalisa iforomo lesibawo e-ofisini eliseduze le-).
Nayikuthi angeze wakghona ukukhamba uye e-ofisini ngebanga lobudala namkha lokugula, bawa omunye akubawele ukuvakatjhelwa ekhaya. Umuntu lowo kufuze eze nencwadi ebuya kuwe kanye/namkha nencwadi kadorhodera etjho bona kungani ungeze wakghona ukuvakatjhela i-ofisi ukuzokwenza isibawo.
Zalisa iforomo lesibawo phambi kwesiphathiswa esibuya emNyangweni.
Letha iforomo lakho nemitlolo elandelako:
umazisi onebhakhowudi weSewula Afrika, nayikuthi uthethe/uthethwe nomazisi waloyo omthetheko/okuthetheko
ubufakazi bokusebenza epini, okungaba sitifikhethi sokusebenza epini namkha amamedali wakho wepi
nayikuthi ungaphasi kweminyaka ema-60, ukuhlolelwa zamaphilo namkha umbiko obeka bona angeze wakghona ukusebenza.

Ilwazi ngobujamo bakho bomtjhado:

nayikuthi awukathathi/thathwa incwadi yesifungo ebeka bona awukathathi/thathwa
nayikuthi utjhadile, isitifikhethi somtjhado
nayikuthi uhlukanisile, umlayo wesahlukaniso
nayikuthi wakwakho uhlongakele, isifikhethi sakhe sokuhlongakala.

Ilwazi ngengeniso nepahla yakho:
nayikuthi awusebenzi, isitifikhethi somrholo wakho
nayikuthi awusebenzi, incwadi ehlaza yakho ye-Unemployment Insurance Fund  namkha isitifikhethi sokulisiswa emsebenzini esibuya emqatjhini odlulileko
nayikuthi unomhlalaphasi wangeqadi, ubufakazi bawo
nayikuthi une-akhawunti yebhanka, iintatimende zebhanka zeenyanga ezintathu ezilandelanako
nayikuthi unamasiso, ilwazi ngenzuzo nemali obhadelwa yona ngawo.

Fumana irasidi bewuligcine njengobufakazi besibawo sakho.
Uzakwaziswa ngomtlolo ukobana isibawo sakho siphumelele namkha njani.
Nayikuthi isabelo asivunywa, i-ofisi le-social security lizakwazisa ngomtlolo libeke amabanga wokobana kungani singakaphumeleli.
Nayikuthi awuvumelani nesiqunto esithethweko, dlulisela isiqunto kuNgqongqotjhe wokuThuthukiswa kwezeHlalakuhle namkha kuSo/Nomkhandlu e-ofisini lesitjhaba namkha lephrovinsi lomNyango wokuThuthukiswa kwezeHlalakuhle ngomtlolo uhlathulule bona kungani ungavumelani nesiqunto.
Yenza lokho kungakadluli amalanga ama-90 ngemva kokufumana umphumela wesiqunto sesibawo sakho. 

Phezulu

Imithetho esetjenziswako



Social Assistance Act, 2004  

Phezulu

Amazinga wokusebenza nesikhathi

Kungathatha pheze amalanga ama-21 ukusebenzana nesibawo sakho.
Nayikuthi isabelo sakho siyavunywa, uzakubhadelwa ukuthoma ngelanga owenza ngalo isibawo. 

Phezulu

Iindleko

Awubhadeli litho ngalomsebenzi.

Phezulu

Amaforomo azaliswako

I-Form Z955: Application for a Social Grant  litholakala e-ofisini eliseduze lokuThuthukiswa kwezeHlalakuhle South African Social Security Agency 

Phezulu

Imininingwana yokuthintana

0800 60 10 11

