﻿

Ibandulo ngeendlela neenkambiso zokucozululwa kwembewu

Ihlathululo
Amagadango okufanele alandelwe
Imithetho esetjenziswako
Amazinga wokusebenza nesikhathi
Iindleko
Amaforomo azaliswako
Imininingwana yokuthintana

Ihlathululo

IStetjhi sangokomThetho sokuHlolwa kwemBewu ) sinikela ngebandulo elikhethekileko lokwenza ngeendlela neenkambiso zokucozululwa kwembewu ebantwini abanekareko, abafana nabasafuna ukuba bacozululi nesele bakhona kanye nabantu abafuna ilwazi lokuhlolwa kwembewu. Abantu ababuya eenHlanganweni okuNgasizo zomBuso, i-South African Development Community kanye ne-Afrika yoke nabo bangakhambela iimfundo.

Isifundo ngokwenza esibanjwa ngonyaka seendlela neenkambiso zokucozulula imbewu  sivamise ukubanjwa ngo-Apreli.

Ikulumi-fundiswano ebanjwa ngonyaka yokuphuhlisa ukwenziwa ngendlela efanako kokuhlolwa kwembewu yenziwa ngoNovemba unyaka nonyaka. Isihloko kanye nesibalo samalanga wekulumo-fundiswano sihluka unyaka nonyaka kuye ngemiraro yanjesi efunyanwa ekuhlolweni kwembewu kanye nakwezinye iindawo zokufanisa okufanele kutjhejwe.

Ikulumo-fundiswano ye-Tetrazolium   ibanjwa enyakeni omunye nomunye wesithathu. Ikulumo-fundiswano yokugcina ye-TZ yabanjwa ngo-2004.

Phezulu

Amagadango okufanele alandelwe

Ekuthomeni konyaka omunye nomunye isaziso ngebandulo, kufaka isihloko sekulumo-fundiswano, sithunyelwa kibo boke abanekareko abaserherhweni lokusabalalisa lomNyango.
Zalisa iforomo lesibawo ukutjengisa ikareko yokuthoma bewulifeksele kwa-Official Seed Testing Station  .
Abadlalindima bamukelwa ngokuya kwesibalo esinganikelwa indawo. Badlalindima abama-20 kuphela abamukelwa esifundweni sokwenza ngeendlela neenkambiso zokucozululwa kwembewu. Isibalo sabadlalindima ekulumeni-fundiswano sizakuya ngesihloko. Badlalindima abama-20 kuphela abamukelwa ekulumeni-fundiswano ye-TZ.
Abangenele ukuhlolwa baziswa ngefeksi, kamuva ngethuba lokuzibandakanya.
Abangenele ukuhlolwa kufanele baqinisekise bona bazakubakhona.

Phezulu

Imithetho esetjenziswako

Plant Improvement Act, 1976  

Phezulu

Amazinga wokusebenza nesikhathi

I-OSTS ilinga ukufaka boke abalindele ukuhlolwa abenza iimbawo zesifundo namkha ikulumo-fundiswano. Kodwana ngebanga lobuncani bendawo esikghonakalisini sebandulo, ukulungiswa komsebenzi wokwenza, njalonjalo, kwamukelwa isibalo sabantu esiqintelweko. Kuzakwenyulwa abacozululi bembewu emalabhorathri wokuhlolwa kwembewu atlolisiweko, kanye nabasafuna ukuba bacozululi bembewu.

Nasiya esifundweni sokwenza iindlela neenkambiso zokucozululwa kwembewu nekulumo-fundiswano, incwadi yokubakhona iyakhutjhwa. Lencwadi inemininingwana emifitjhani yokuzakufundwa esifundweni nekulumeni-fundiswano.

Phezulu

Iindleko

Lomsebenzi usimahla. Ubuncani bakhona kubhadelwa itiye, ukudla kwemini neencwadi begodu lokhu kungehluka kuye ngobukhulu bekulumo-fundiswano, isibonelo, isibalo samalanga, iincwadi ezinikelwako, njalonjalo.

Phezulu

Amaforomo azaliswako

Ukutloliswa kokuthoma kuyenziwa ngokusebenzisa iforomo leHlelo leBandulo labaCozululi beMbewu  elithunyelwa abafundi ekuthomeni konyaka omunye nomunye.

Boke abasafuna ukuba bacozululi bembewu kufanele bazitlolise njengabacozululi bembewu abasabandulwako. Iforomeli  nalo lifakiwe emthwalweni osatjalaliswa ngonyaka.

Phezulu

Imininingwana yokuthintana


