﻿
Ukuhlolwa kwembewu ngomnqopho wesinghonghoyilo nombango
Ihlathululo
Amagadango okufanele alandelwe
Imithetho esetjenziswako
Amazinga wokusebenza nesikhathi
Iindleko
Amaforomo azaliswako
Imininingwana yokuthintana

Ihlathululo

IStetjhi sangokomThetho sokuHlolwa kweMbewu ) siphenya imibango neenghonghoyilo ngeenjamiso ezikhambelana nembewu ngokuya komThetho wokwEnziwa Ngcono kweenTjalo ka-1976 .

Ungabika ezinye iinghonghoyilo namkha imibango ngokuhlolwa kwembewu ezikhambelana nekhwalithi yembewu, kodwana kufanele kokuthoma uthintane ne-OSTS  ukufunisisa nayikuthi ilemuko emhlobeni wokuhlola kanye/namkha emhlobeni wembewu liyatholakala. Lomsebenzi unikelwa nanyana ngubani, ihlangano, i-institjhuti, ikampani namkha umlimi.

Phezulu

Amagadango okufanele alandelwe

Nayikuthi ufuna ukwenza isinghonghoyilo namkha umbango mayelana nekhwalithi yembewu, thumela incwadi namasampula wembewu begodu ubeke ngokucacileko loke ilwazi elikhambelana nesinghonghoyilo namkha umbango. Faka imininingwana yokuhlola okwenziwe ngesinye isikghonakalisi sokuhlolwa kwembewu.
Ungadosa isampula ngokwakho, kodwana kwenyulwa ukudoswa ngokomthetho okwenziwe mhloli e-ofisini lesifunda lobuNqophisi be-SAAFQIS .
Letha amasampula azokuhlolwa.
Nayikuthi isinghonghoyilo sifanelekile, sitjho, ikhwalithi ayikhambisani neenjamiso zomThetho wokwEnziwa Ngcono kweenTjalo ka-1976 ) akunandleko ezizakubhadelwa. Nayikuthi isinghonghoyilo asikafaneleki, imali yokuhlola evunywe liPhiko lokuGcinwa kweeMali zomBuso  kufanele ibhadelwe begodu i-invoyisi izakukhutjhwa.
Ukubhadela kungenziwa ngokwe-elektroniki namkha ekhawunthareni, kodwana kuqakathekile bona inomboro ye-invoyisi itjhiwo khona kuzakukhanjelaniswa ukubhadela ne-invoyisi ekhutjhiweko. Imininingwana yebhanka ingendlela elandelako:

Igama lebhanka : Standard Bank of South Africa
Igama legatja : Arcadia
Ikhodi yegatja : 010845
Inomboro ye-akhawunti: 011244887
Igama le-akhawunti : NDA: Seed Testing Services.

Nasele kubhadelwe i-invoyisi imiphumela yephenyo elingakafaneli ingatholakala.

Phezulu

Imithetho esetjenziswako

Plant Improvement Act, 1976  

Phezulu

Amazinga wokusebenza nesikhathi

I-OSTS ibeka phambili ukuhlolwa kwamasampula wembewu ukurarulula iinghonghoyilo nemibango. Ubukhulu bombango namkha isinghonghoyilo, okutjho isibalo samasampula, imihlobo yeentjalo nemihlobo yokuhlolwa ezakwenziwa, buzakuthinta isikhathi esizakuthathwa liphenyo elizakwenziwa. Akunalwazi lomsebenzi elijayelekileko elizakunikelwa. Buza esikghonakalisini .

Phezulu

Iindleko

Lomsebenzi usimahla nayikuthi isinghonghoyilo sifanelekile. Kodwana nayikuthi asikafaneleki, imali ebhadelwako yokuhlola evunyiweko izakubhadelwa kobunye nobunye ubujamo:



