﻿
Izakhamuzi ZeSewula Afrika Ezibotjhwa Ngaphetjheya
Ihlathululo
Amagadango okufanele alandelwe
Imithetho esetjenziswako
Amazinga wokusebenza nesikhathi
Iindleko
Amaforomo azaliswako
Imininingwana yokuthintana

Ihlathululo

Ngaphasi kwesiVumelwano samaTjhebiswano wezobuZenda saka-1963  – izinga elamukeleka khulu kizo zoke iinarha, abantu ababotjhwa ngaphandle kwenarha yabo kufuze babe nokufikelela umjameli wabo wezobuzenda. AmaSewula Afrika akilobu bujamo kufuze msinyana abawe iimphathimandla ukubavumela ukuthintana nomJameli weSewula Afrika enarheni leyo. Nakungasinjalo, omunye angathintana nomJameli weSewula Afrika enarheni leyo namkha nephiko lemiSebenzi yezobuZenda emNyangweni weeNdaba zangaPhandle ePitori, esikhundleni sawo.

IimPhathiswa zobuZenda zifuna ukuqinisekisa bona izakhamizi zeSewula Afrika ezibotjhwa ngaphetjheya ziphathwa ngokunobuntu nazisavalelweko. Kilokhu, iindaba ezifana nokuhlunguphaza, ukuphathwa ngokunganabuntu namkha ukuphathwa ngokwehliswa isithunzi namkha ukuzwisa ubuhlungu kuzakubikwa begodu kusiwe kwabasemagunyeni abafaneleko. ImiThetho esiSekelo eyAmukelekako yeHlangano yeenTjhaba eziBumbeneko yokuPhathwa kweemBotjhwa  isetjenziswa njengomhlahlandlela.

Ngimiphi imisebenzi enikelwa ziimPhathiswa zobuZenda kumaSewula Afrika angaphetjheya?

Iimphathiswa zobuzenda:

zihloma ukuthintana nesibotjhwa ngokurhaba okukghonekako ngemva kokuqinisekisa ubakhamuzi beSewula Afrika. Lokhu kukghonakalisa amaSewula Afrika abotjhiweko, namkha avalelwe ngaphasi komthetho otjhili ukuzwisisa amalungelo wabo kanye nemisebenzi enikelwa mBuso weSewula Afrika. Ngokuya kobujamo obuthileko, ukuthintana kuzakwenziwa ngenyama, ngomtlolo, ngomtato namkha ngokusebenzisa abangeneleli.
zinikela ngelwazi elijayelekileko ngerherho lezomthetho lenarha ebophako. Ilwazi lingafaka; imininingwana yerhelebho lezomthetho, irhemo lamagqwetha , ukukhalima, ibheyili kanye neenkambiso zokudluliswa kwemilandu khona isibotjhwa sizakuzwisisa amalungelo neenkambiso ezithintekako.
zigcina ukuthintana nezakhamuzi zeSewula Afrika ezibotjhwe ngaphetjheya ngesikhathi zithobela imithetho nemithetjhwana yenarha ebophako.
zivakatjhela amajele. Ukubuyeleleka kwevakatjho lejele kuyame emthethwenimgomo wanjesi, indawo, nesiko kanye nemithetho yenarha ebophako kanye nobujamo bezokuphepha obenzeka enarheni kanye nejele.
zithintana nomndeni nabangani - kuphela nayikuthi ubawiwa sibotjhwa ngomtlolo. Akunakuthintana okuzakwenziwa, namkha ilwazi elizakunikelwa omunye umuntu ngaphandle kwesivumelwano esitloliweko esenziwe sisakhamuzi seSewula Afrika esivalelweko namkha esisejele.
zikghonakalisa ukudluliswa kwemali ukusuka emndenini namkha ebanganini eSewula Afrika ukuya esibotjhweni — ukukhambisana nomthetho nemithetjhwana yomBuso weSewula Afrika kanye newenarha ebophako. Ukugunyaza okukhona kubeka bona iimali ezidluliswe ukusuka eSewula Afrika ukuthenga izinto zokuhlamba nokuzesa, ukudla kanye nezinto zomuntu ngokwakhe  angeze zadlula i-R2 000  ngenyanga. Inani angeze ladluliselwa enyangeni elandelako. Thintana nephiko lemiSebenzi yezobuZenda ukufumana irhelebho.
ziqinisekisa bona imiraro yezokwelapha yaziswa abaphathi bejele.
zikghonakalisa ukuthunyelwa nokulethwa kweencwadi, iinhlahla kanye nezinto zokufunda  ukusuka emndenini nebanganini eSewula Afrika. Ikghonakalo le izakuya ngeenjamiso neemali ezibhadelwako ezikhona emNyangweni weeNdaba zangaPhandle kanye nemithetho nemithetjhwana enarheni ebophako. Iimali ezibhadelwako zingalethwa ebujameni banjesi ngokuya kwesikhathi.

Tjheja bona:

UmNyango weeNdaba zangaPhandle kanye nabaJameli beSewula Afrika ngaphetjheya wenza yoke imizamo ukuqinisekisa bona imali, iincwadi izinto zokufunda kanye neenhlahla zidluliswa ngaphandle kokumoswa kwesikhathi. Kodwana, kokusebenza okubekwe phambili buZenda, iKomijhini ePhakamileko  namkha i-Consulate kubekwa phambili. Ubujamo bendawo enarheni nabo budlala indima.

Iimphathiswa ze-Consular angeze zanikela ngemisebenzi elandelako kumaSewula Afrika abotjhiweko:

ukuthoma namkha ukungenelela eenkambisweni zekhotho namkha eenkambisweni zomthetho

ukufumana namkha ukunikela ngesiyeleliso sezomthetho

ukuhlela ukutjhatjhululwa ejele namkha ibheyili

ukukhambela iindawo eziyingozi namkha amajele

ukuphenya ubulelesi

ukufumana ukuphathwa ngcono ejele kunalokho okunikelwa izakhamuzi zekhaya — ngaphandle kwalokha imithetho esisekelo eyamukelekako yehlangano yeentjhaba ezibumbeneko yokuphathwa kweembotjhwa ingasetjenziswa khona

ukulaya isihlobo namkha umngani ukudlulisa imali

ukubhadela, iinkolodo zomthetho, zokwelatjhwa namkha ezinye

ukufumana indawo yokuhlala, umsebenzisa ama-visa namkha iimvumo zokuhlala

ukwenza umsebenzi owenziwa basebenzeli bezokukhamba, iimphaphamtjhini, amabhanka namkha amakamapni arentisa iinkoloyi

ukurhelebha kuhle izakhamuzi ezinobakhamuzi obubili enarheni ngobuzwe babo besibili

ukubhadela ukulungiswa, ukuthuthwa, ukubulungwa namkha ukubulungwa ngokutjhiswa zeensalela zokuhlongakala kwesakhamuzi seSewula Afrika esihlongakeleko.


Phezulu

Amagadango okufanele alandelwe

Nayikuthi ubotjhwa ngaphetjheya, thintana nomJameli weSewula Afrika namkha Consular emNyangweni weeNdaba wezengaPhandle ePitori.

Abantu abanobakhamuzi obubili ababotjhwa enarheni enye abanobakhamuzi bayo angeze bafumana irhelebho elibuya kubaJameli beSewula Afrika. Nayikuthi abantu abanobakhamuzi obubili babotjhwa kwenye inarha, abangasi sisakhamuzi sayo, ngesikhathi bakhamba ngephaspoti yenarha yabo yobakhamuzi besibili, kufuze bathintane nomjameli we-consular wenarha abekakhamba ngephaspoti yayo.


Phezulu

Imithetho esetjenziswako

Article 36 of the Vienna Convention on Consular Relations . 
AkunasiVumelwano sokuDluliswa kweemBotjhwa esikhona hlangana kweSewula Afrika nezinye iinarha.

Phezulu

Amazinga wokusebenza nesikhathi

Amazinga womsebenzi aquntwa ngokuya kobujamo bomlandu ngamunye begodu ayame ebujameni benarha umuntu abotjhwa kiyo.

Phezulu

Iindleko

UmNyango weeNdaba zangaPhandle uqunta iindleko lapho kufaneleko, ngokuya kwemisebenzi enikelwako.

Phezulu

Amaforomo azaliswako

UmJameli weSewula Afrika unikela isibotjhwa amaforomo wesibawo afaneleko.

Phezulu

Imininingwana yokuthintana


