﻿

Ukubika ilifa lomuntu ohlongakeleko

Ihlathululo
Amagadango okufanele alandelwe
Imithetho esetjenziswako
Amazinga wokusebenza nesikhathi
Iindleko
Amaforomo azaliswako
Imininingwana yokuthintana

Ihlathululo

Ilifa lomuntu ohlongakeleko liba khona lokha umuntu nakahlongakalako begodu atjhiya ipahla kanye/namkha umtlolo oyiwili namkha othathwa njengewili. Ilifa kufanele liphathwe belisatjalaliswe ngokuya kwewili yohlongakeleko namkha nayikuthi ohlongakeleko akakatjhiyi iwili, ngokuya kweenjamiso zomthetho. UmThetho wokuPhathwa kwamaFa ka-1965, ubeka ikambiso ezakulandelwa ukuphatha ilifa lohlongakeleko.

Ilifa lohlongakeleko kufanele libikwe ku-Master kungakapheli amalanga ali-14 welanga lokuhlongakala. Ukuhlongakala kungabikwa ngomunye nomunye umuntu olawula namkha ophethe umtlolo womuntu ohlongakeleko oyiwili namkha othathwa njengewili.

Kufanele kubikwe nini ukuhlongakala ku-Master?

Nayikuthi umuntu ohlongakeleko uhlongakalele eSewula Afrika begodu utjhiye ipahla kanye/namkha omunye nomunye umtlolo oyiwili namkha othathwa njengewili
Nayikuthi ohlongakeleko wahlongakalela ngaphandle kweSewula Afrika, kodwana watjhiya ipahla eSewula Afrika kanye/namkha nomtlolo oyiwili namkha othathwa njengewili.

Libikwa kuphi ilifa lomuntu ohlongakeleko?

Nanyana woke ama-ofisi kamarhastrada aziindawo zokusebenzela zaka-Master lapho amafa wabahlongakeleko abikwa khona, anamandla wangokomthetho aqintelweko begodu azakudlulisela woke amafa anamawili kanye namafa adlula i-R50 000 ngenani e-ofisini lephrovinsi laka-Master. Nawufisa ukubika ilifa elinjalo, kuhle wenze njalo bunqopha e-ofisini laka-Master.

Phezulu

Amagadango okufanele alandelwe

Nayikuthi inani lelifa lingaphasi kwe-R50 000, bika ilifa e-ofisini lakamarhastrada. Nayikuthi lidlula i-R50 000, bika bunqopha e-ofisini laka-Master.


nayikuthi ohlongakeleko bekahlala eSewula Afrika ngesikhathi sokuhlongakala, bika ilifa ku-Master onamandla wangokomthetho wendawo lapho ohlongakeleko bekahlala khona ngesikhathi sokuhlongakala.
nayikuthi ohlongakeleko bekangahlali eSewula Afrika ngesikhathi sokuhlongakala, bika ilifa komunye nomunye  u-Master
bika ilifa ngokuzalisa iForomo J294: Death notice  kanye neminye imitlolo esekelako erhenyiswe ngenzasi
ungafumana iforomo lesaziso sokuhlongakala neminye imitlolo yokubika kwelinye nelinye i-ofisi laka-Master wekhotho ephakamileko namkha kwelinye nelinye i-ofisi lakamarhastrada
inani lelifa kanye nomhlobo wesikhundla esifunekako uzakuqunta ngemitlolo ozayizalisa bewuyilethe.



Nayikuthi inani lelifa lingaphasi kwe-R125 000, zalisa imitlolo elandelako:

isaziso sokuhlongakala 
incwadi yesifungo: Imininingwana yesihlobo – elizakuzaliswa nayikuthi ohlongakeleko akhenge atjhiye iwili esebenzako 
iforomo lerhemo 
ukukhonjwa bona usebenze njengophetha iimfuno zewili  Nomination to act as executor  – elizakuzaliswa ziindlalifa ekukhonjweni komjameli ka-Master:

nayikuthi lilifa elinganawili namkha
nayikuthi iwili ayikhombi othileko njengomphethi weemfuno othileko; namkha
nayikuthi okhonjwe njengomphethi weemfuno uhlongakele namkha wale ukukhonjwa.



Isibopho nokwamukelwa kwemilayo ka-Master .



Namathisela imitlolo elandelako emaforomini azalisiweko arhenyiswe ngehla:

isitifikhethi samambala sokuhlongakala namkha ikhophi eqinisekisiweko yaso
isitifikhethi samambala somtjhado namkha ikhophi eqinisekiweko yaso – nayifunekako
woke amawili nama-codicils  namkha imitlolo ehlose lokho – nayikhona
irhemo labanikeli beenkolodo bohlongakeleko – nalifunekako
isifungo esiqinisekisa bona ilifa sele libikiwe komunye u-Master namkha kwenye indawo yokusebenzela ka-Master.



Nayikuthi ilifa lingaphasi kwe-R125 000, u-Master angasebenza ngaphandle kwencwadi yokuphethwa kweemfiso zewili esikhundleni salokho akhuphe iincwadi zesigunyazo ngokuya kwesiGaba 18 somThetho wokuPhathwa kwamaFa ka-1956.
Nayikuthi inani lelifa lidlula i-R125 000, zalisa imitlolo elandelako:

isaziso sokuhlongakala 
incwadi yesifungo: Imininingwana yesihlobo – elizakuzaliswa nayikuthi ohlongakeleko akhenge atjhiye iwili esebenzako . Isifungwesi, esenziwa sihlobo somuntu onzima ohlongakelelo, obekanganawili, kufanele sibeke bona ilifa alikabikwa ku-Master namkha endaweni yokusebenzela 
iforomo lerhemo Form J243: Inventory form
ukuKhethwa njengozakuPhetha iimFuno zeWili/Iforomo lokukhethwa  – elizakuzaliswa ziindlalifa ukukhomba umjameli ka-Master:

nayikuthi lilifa elinganawili namkha
nayikuthi iwili ayikhombi othileko njengomphethi namkha
nayikuthi okhonjwe njengomphethi uhlongakele namkha wale ukukhonjwa.



Ukwamukelwa kwe-trust njengozakuPhetha iimFuno zeWili .
elizakuzaliswa ngeduphlikheyithi ngomunye umu/abantu o/abakhonjwe njengabaphethi beemfuno.
Isibopho ne-Bond of Security  elizakuzaliswa ngaphandle kwalokha umphethi weemfiso zewili:

abekelwe ngeqadi ekunikeleni ngesiqinisekiso ewilini, namkha
mbelethi, ngothethweko/ngothetheko namkha mntwana wohlongakeleko.




Letha amaforomo azalisiweko arhenyiswe ngenzasi kanye nemitlolo elandelako:

isitifikhethi samambala namkha ikhophi yaso eqinisekiweko
isitifikhethi samambala somtjhado namkha ikhophi yaso eqinisekisiweko – nayifunekako.



woke amawili nama-codicils  namkha imitlolo ehlose lokho – nayikhona
Nayikuthi ilifa lidlula i-R125 000, iincwadi zokuphethwa kweemfiso zewili kufanele zikhutjhwe, begodu ikambiso ezeleko ebekwe mThetho wokuPhathwa kwamaFa ka-1965 kufanele ilandelwe.
Iindawo zokusebenzela  ezinegunya langokomthetho kuphela nayikuthi ohlongakeleko akakatjhiyi iwili esebenzako begodu inani loke lelifa lingaphasi kwe-R50 000. Incwadi yegunya enikela umjameli okhonjiweko ukuphatha ilifa ngaphandle kokulandela ikambiso ebekwe emThethweni wokuPhathwa kwamaFa ka-1965.

Phezulu

Imithetho esetjenziswako



Administration of Estates Act, 1965  

Administration of Estates Amendment Act, 2002  and its relevant Regulations  nemiThetjhwana ekhambelanako

Intestate Succession Act, 1987  

Law of Succession Amendment Act, 1992   nemiThetjhwana ekhambelanako


Phezulu

Amazinga wokusebenza nesikhathi

Isikhathi esibekelwe ukwenza umsebenzi siyame ekuraraneni kwendaba.

Phezulu

Iindleko

Thintana ne-ofisi laka-Master nawufuna imininingwana.

Phezulu

Amaforomo azaliswako



Death Notice - J294 

Inventory - J243 

Affidavit - J192 

Nomination to Act as Executor 

Undertaking and acceptance of Master's directions - J155 

Acceptance of trust as Executor - J190 

Undertaking and Bond of Security - J262 


Phezulu

Imininingwana yokuthintana


