﻿Isibawo sokubuyiselwa ebujameni bangaphambilini ukusuka ekutjhoneni      Ihlathululo
Amagadango okufanele alandelwe
Imithetho esetjenziswako
Amazinga wokusebenza nesikhathi
Iindleko
Amaforomo azaliswako
Imininingwana yokuthintana

Ihlathululo

Umuntu otjhonileko mumuntu okolodako ilifa lakhe  elithethwe ngokomthetho . Nayikuthi utjhade ngokuhlanganyela ipahla begodu othethene naye uyatjhona, umThetho wokuTjhona ka-1936 nawe ukuthatha njengotjhonileko.

Nayikuthi otjhonileko ufuna ukuthathwa njengongakatjhoni eminyakeni elitjhumi yokuthathwa njengotjhonileko, angenza isibawo sokubuyiselwa ebujameni bangaphambilini.

Ngubani ongenza isibawo sokubuyiselwa ebujameni bangaphambilini?

ngotjhonileko
yi-ejenti egunyaziweko yotjhonileko, nayikuthi otjhonileko akahlali eSewula Afrika
mhlolokazi namkha umfelwa wotjhonileko, nayikuthi bebatjhade ngokuhlanganyela ipahla
obekathethwe ngotjhonileko ngaphambilini, nayikuthi bebatjhade ngokuhlanganyela ipahla
ngophetha iimfiso zewili  yelifa lohlongakeleko otjhonileko.

Otjhonileko angenza isibawo sokubuyiselwa ebujameni bangaphambilini msinyana kangangani ngemva kokuthathelwa ilifa ngokomthetho?

Kwesinye nesinye isikhathi:

msinyana ngemva kobana zoke iinkolodo ezokolodwako zibhadelwe kanye neendleko zokuthathwa ngokomthetho kwelifa zibhadelwe ngokuzeleko
nayikuthi otjhonileko wenza isibopho sangokomthetho sokubhadela isikolodo esamukelwa ngabathintekako namkha abakolodako ngokwesibalo nenani, begodu otjhonileko ubhadele namkha unikele ngesiqinisekiso.

Ngemva kwenyanga ezisithandathu:

nayikuthi kungakapheli iinyanga ezisithandathu lezi, akunasikolodo esifunwe elifeni lotjhonileko begodu ngokuya kobujamo bokobana:

lokhu kukokuthoma ukobana otjhonileko athathelwe ilifa ngokomthetho
otjhonileko akakafunyanwa anomlandu wokwephulwa komthetho okuthileko.


Ngemva kweenyanga ezilitjhumi nambili ukuthoma ngelanga lesiqinisekiso saka-Master se-akhawunti yokuthoma ye-trustee elifeni begodu ngokuya kobujamo bokobana:

lokhu kukokuthoma ukobana otjhonileko athathelwe ilifa ngokomthetho
otjhonileko akakafunyanwa anomlandu wokwephulwa komthetho okuthileko.

Ngemva kweminyaka emithathu:

ukuthoma ngelanga lesiqinisekiso saka-Master e-akhawuntini yokuthoma ye-trustee elifeni nayikuthi otjhonileko besekhe wathathelwa ilifa ngokomthetho ukudlula ihlandlha linye kodwana bekangakafunyanwa anomlandu wokwephulwa komthetho okuthileko.

Ngemva kweminyaka emihlanu:

ebujameni botjhonileko ongakafunyanwa anomlandu wokwephula umthetho.

Ngemva kweminyaka elitjhumi:

otjhonileko kufanele athathwe nejngobuyiselwe ebujameni bangaphambilini – ngaphandle kwalokha, kungakapheli iminyaka elitjhumi yokobana ikhotho ithethe omunye njengotjhonileko, umuntu onekareko wenza isibawo ekhotho bona ingabuyiseli ebujameni bangaphambilini otjhonileko begodu isibawo leso siyavunywa.


Phezulu

Amagadango okufanele alandelwe

Angeze wenza isibawo sokubuyiselwa ebujameni bangaphambilini ngokwakho kodwana uzakutlhoga irhelebho lezomthetho.
Thintana negqwetha namkha i-ofisi laka-Master nawufuna ilwazi elinabileko nerhelebho.

Phezulu

Imithetho esetjenziswako



Insolvency Act, 1936  

Insolvency Amendment Act, 1995  


Phezulu

Amazinga wokusebenza nesikhathi

Khulumisana negqwetha lakho ngesikhathi sesibawo sakho.

Phezulu

Iindleko

Khulumisana ngeendleko negqwetha lakho.

Phezulu

Amaforomo azaliswako



Akunamaforomo azaliswako.

Phezulu

Imininingwana yokuthintana

Master of High Court .

National Office: Customer Care
Tel : 012 - 315 1207
Fax: 086 514 1174
Email: Chiefmaster@justice.gov.za
Postal Address: Private Bag X81, Pretoria , 0001
Physical Address: 3rd Floor, South Tower, Momentum Centre, 329 Pretorius Street, , Pretoria

