﻿
Isibawo sokuktlolisa i-trademark
Ihlathululo
Amagadango okufanele alandelwe
Imithetho esetjenziswako
Amazinga wokusebenza nesikhathi
Iindleko
Amaforomo azaliswako
Imininingwana yokuthintana

Ihlathululo

Itshwayo lebhizinisi ligama lomkhiqizo, islogeni namkha i-logo. Litjengisa umsebenzi namkha ipahla yomuntu othileko begodu lenza bonyana ipahla namkha umsebenzi loyo uhluke kuneminye eyenziwa ngabanye. Iimbonelo ngilezi:

Igama lerhwebo: Standard Bank
Islogeni: "Simpler, Better, Faster" 
Ilogo: Itshwayo lokugwala lakwa-Nike elingu- "v", namkha u "M" wakwa- MacDonalds
Ijamo elehlukileko: Ibhodlelo le-Coca Cola

Igama lebhizinisi ligama namkha ihlanganisela yamagama . Islogeni mumutjho omncazana bese kuthi i-logo kuba litshwayo namkha isithombe esihlukileko. Zinikela ngokuqaleka okuhlukileko emakethe / lapho zithengiswa khona, begodu zingasebenza emkhiqizweni namkha emsebenzini eziwenzako.

Nasele itshwayo lebhizinisi  litlolisiwe, akasekho omunye ongasebenzisa itshwayo lelo namkha elifana nalo. Lokho nangekwenzeka, kungathathwa amagadango womthetho. Khekwaba nemilandu yekhotho yabantu abaphezulu eSewula Afrika ngesikhathi i-MacDonalds  idosela ekhotho isitolo sokudla esiseSewula Afrika ebesisebenzisa itshwayo elifanako laka-"M".

Nawufuna ilwazi elinabileko, yiya ku-website ye-Company and Intellectual Property Registration Office.

Top

Amagadango okufanele alandelwe

Thintana noCompany and Intellectual Property Registration Office.
Thola iforomo TM1 ulizalise libe kathathu. Amakhophi amabili azakusetjenziswa li-ofisi bese kuthi lesithathu lithathwa nguwe njengesitjengiso sokobanyana usenzile isibawo.
Bhadela imali yokutlolisa nasele ubuyisela iforomo lesibawo.
Ukutjengisa izinga okungilo lepahla namkha umsebenzi, iya ku: Nice Classification - 8th edition. Ngaphandle kwalokho vakatjhela ama-ofisi ePitori.
Zalisa izinga ku-51 weforomo i-TM1.
Tlola phasi yoke ipahla nemisebenzi ozakufuna ukusebenzisela khona itshwayo lebhizinisi ku-57 weforomo i-TM1.
Kumela utjheje bonyana ungafaki ipahla namkha imisebenzi esemazingeni ahlukileko esibaweni esisodwa setshwayo lerhwebo. Nawenze njalo' ufanele ukulungisa ihlathululo ukuze ifake ipahla namkha umsebenzi okhambelana nezinga elilodwa elithileko. Okhunye okuseleko, ufanele wenze isibawo esinye ngobutjha.
Iziko 74 leforomo I-TM1 " I-adresi yomsebenzi" kulapho uzakuthola khona imitlolo yokuthintana evela e-ofisini letshwayo lebhizinisi. Nangabe i-adresi le iyatjhuguluka, kumele wazise umNyango ngokufaneleko ngokubawa irhelebho lokutjhugulula i-adresi eforomeni i-TM2.
Isibawo sakho nasikhambelana nazo zoke iimfuneko ezibekiweko, uzakunikelwa ilanga nenomboro yesibawo. Ukuthintana okuzakwenzeka kuzabe kusetjenziswa inomboro yesibawo leso. Nanyana kuthatha isikhathi esingange-18 ukutlolisa itshwayo lebhizinisi nawuthoma ukulisebenzisa emva kokufumana inomboro yesibawo.
Nangabe itshwayo lakho lamukelwe ngaphandle kwenthikamezo, kumele ulikhangise eNcwadini yamaPhathenti, egadangiswa njalo ngenyanga baGadangisi bakaRhulumende.
Umphakathi unikelwa iinyanga ezintathu bonyana uphikise lokho.
Nangabe kunokuphikisa okutholakalako, umTlolisi wamaTshwayo weBhizinis webo uzakubiza umhlangano hlangana nomphikisako kanye nombawi.
Nangabe akhenge abe khona ophikisako isitifikhethi setshwayo lebhizinisi siyakhitjhwa sinikelwe umbawi waso.
Ungathintana nesentha yokuthintana namakhastama yakwa-dti kinasi inomboro .
Nawubhadala ebhankeni sebenzisa ikhowudu yekhastama.

Top

Imithetho esetjenziswako

Trademark Act, 1993  

Top

Amazinga wokusebenza nesikhathi

Kungathatha iminyaka emibili ukutlolisa itshwayo lebhizinisi.

Top

Iindleko

R85 - ukuzuma amatshwayo esele akhona.
R266 – ngokuya kwehlangothi ngalinye letshwayo lebhizinisi

Top

Amaforomo azaliswako

Application for registration of a trade mark, TM1 
Application, notification or request to the Registrar, TM2 

Top

Imininingwana yokuthintana


