﻿
Isibawo Sokutlolisa Isikebhe Sokuthiya Iimfesi
Ihlathululo
Amagadango okufanele alandelwe
Imithetho esetjenziswako
Amazinga wokusebenza nesikhathi
Iindleko
Amaforomo azaliswako
Imininingwana yokuthintana

Ihlathululo

Isikebhe sokuthiya sikebhe esisetjenziselwa namkha esineensetjenziswa zokuphathwa, ukubuthelela iimfesi namkha ukusebenzisela iimfuno kwemithombo yelwandle ephilako, namkha ukusekela imisebenzi ekhambelanako. Lokhu kufaka esinye nesinye isikebhe esirhelebha esinye namkha iinkebhe ezinengi elwandle ekwenzeni omunye nomunye umsebenzi ovunyelweko okhambelana nokuthiya kufaka – kodwana kungapheleli – ekulungisweni, ekunikelweni, ekubekweni, ekuqandisweni, ekuthuthweni namkha ekusetjenzweni. AbaLawuli bezokuPhepha kwemaLwandle beSewula Afrika  , kanye nomNyango weeNdaba zeBhoduluko nezokuVakatjha   kufanele bavume isikebhe sokuthiya.

Akunasikebhe sokuthiya esizakutloliswa ngaphandle kwelungelo lokuthiya kanye nemvumo yokuzibandakanya emisebenzini yokuthiya.

Phezulu

Amagadango okufanele alandelwe

Hlela bona isikebhe sihlolelwe ukukhambisana nemibandela yelwandle yi-SAMSA ngemva kwalokho i-SAMSA ingakhupha iSitifikhethi sezokuPhepha. Isitifikhethi lesi kufanele siphekelele isibawo sakho sokutlolisa.
Fumana iforomo lesibawo emNyangweni weeNdaba zeBhoduluko nezokuVakatjha  namkha likhuphe kwa-http://www.mcm-deat.gov.za.
Zalisa iforomo ngamagabhadlhela usebenzise amaledere amakhulu kuphela begodu ufake incwadi yamabanga atloliweko lapho kufaneleko.
Nikela ngelwazi elilandelako:

igama lesikebhe
igama nemininingwana yomnikazi wesikebhe 
ubude besikebhe
amandla wenjini nobukhulu besikebhe
inarha esitloliswe ngaphasi kwayo 
iSitifikethi sezokuPhepha sabaLawuli bezokuPhepha kwemaLwandle beSewula Afrika .

Letha iforomo lesibawo nelungelo lakho lokuthiya namkha isivumelwano osenze nomnikazi wesikebhe sokusebenzisa isikebhe okukhulunywa ngaso, nayikuthi awusi mnikazi welungelo lokuthiya.
Yitjho isikhathi kanye nekoro yokuthiya isikebhe esizokufakwa ngaphasi kwayo.

Phezulu

Imithetho esetjenziswako



The Marine Living Resources Act, 1998  

The National Environmental Management Act, 1998  

The National Biodiversity Act, 2004  

The National Marine Protected Areas Act, 2003  

Sea Birds and Seals Protection Act, 1973  

The International Convention for the Prevention of Pollution from Ships Act,  

Phezulu

Amazinga wokusebenza nesikhathi

Isibawo singathatha amalanga wokusebenza amathathu namkha ukudlula lapho kuye ngokwenziwa kuhle kwesibawo.

Phezulu

Iindleko

Iindleko zihluka ngokuya kobude besikebhe.

