﻿
Isibawo somlayo wokuvikelwa enturhwini yangekhaya
Ihlathululo
Amagadango okufanele alandelwe
Imithetho esetjenziswako
Amazinga wokusebenza nesikhathi
Iindleko
Amaforomo azaliswako
Imininingwana yokuthintana

Ihlathululo

Khunyini inturhu yangekhaya?

Ngokuya komThetho weNturhu yangeKhaya :

mhlobo omunye nomunye wokutlhorisa ofaka ukutlhorisa ngokommoya, umseme, ngokomzimba namkha ngakwezomnotho
ukona ipahla
ukulandelela
ukungena endaweni yomuntu ngaphandle kwemvumo
okhunye nokhunye ukutlhorisa namkha ukulawula lapho ukuziphatha okunjalo kubanga ukulimala namkha kungaba yingozi epilweni yakho, ukuphepha namkha ukuphila kuhle.

Nayikuthi lemihlobo yokutlhorisa iyenzeka kuwe namkha komunye omaziko ungenza isibawo somlayo wokuvikelwa. Umlayo wokuvikelwa enturhwini yangekhaya mtlolo okhutjhwa yikhotho okhandela umtlhorisi:

ekwenzeni isenzo senturhu yangekhaya
ekufuneni irhelebho lomunye umuntu ekwenzeni isenzo esinjalo
ukungena endaweni yokuhlala eyabelwana mnghonghoyili kanye noziphendulelako
ukungena ehlangothihini elithileko lendawo yokuhlala enjalo
ukungena endaweni yokuhlala yomnghonghoyili
ukungena endaweni yokusebenzela yomnghonghoyili
ukukhandela umnghonghoyili ngokujayelekileko ohlala namkha obekabelana ngendawo yokuhlala ukungena namkha ukuhlala endaweni yokuhlala okwabelwana ngayo namkha ihlangothi elithileko layo
ukwenza esinye nesinye isenzo esibekwe emlayweni wokuvikelwa.

Ngubani ongenza isibawo somlayo wokuvikelwa?

Ngomunye nomunye otlhoriswako namkha owakhe watlhoriswa
Mntwana, ongenza isibawo angarhelejwa
Ngomunye nomunye umuntu onekareko epilweni yomnghonghoyili. Abantu abalandelako bangenza isibawo ngemvumo etloliweko yomnghonghoyili ngaphandle kwalokha umnghonghoyili nakamntwana, amumuntu ogula ngomkhumbulo, ayathile namkha nayikuthi ikhotho iyaneliswa bona akakghoni ukunikela ngemvumo etloliweko:

omnikeli werhelebho lezengqondo
isisebenzi sezamaphilo
ipholisa
isisebenzi sezehlalakuhle
utitjhere




Nawufuna ilwazi elinabileko, yiya ku-website yomNyango wezoBulungiswa nokuThuthukiswa komThethosisekelo.

Top

Amagadango okufanele alandelwe

Yenza isibawo somlayo wokuvikelwa eKhotho kaMarhastrada eseduze nalapho uhlala khona namkha usebenza khona ngesinye nesinye isikhathi, ngesikhathi nangemva kwesikhathi sokusebenza kwekhotho begodu nangamalanga wokuphumula namkha iimpelaveke.
Kokuthoma yenza isibawo somLayo wokuVikelwa wesiKhatjhana  ngokuzalisa iForomo 6: Interim Protection Order  eKhotho kaMarhastrada namkha ePhakamileko eseduze.
Nasele wenze isibawo somLayo wokuVikelwa wesiKhatjhana, zalisa iForomo 2: Application for Protection Order  eKhotho kaMarhastrada namkha ePhakamileko eseduze.
Isibawo kufanele senziwe ngencwadi yesifungo ebeka:

Amaqiniso isibawo esisekelwe kiwo
Ubunjalo bomlayo obawiwako
Igama lestetjhi samapholisa lapho umnghonghoyili angahle abike khona ukwephulwa komlayo wokuvikelwa ofunwako.

Lapho isibawo silethwa ngokwenzela umnghonghoyili ngomunye umuntu, incwadi yesifungo kufanele ibeke:

amabanga enza omunye umuntu abe nekareko ekuphileni kuhle komnghonghoyili
umsebenzi womunye umuntu kanye nesikhundla enza ngaso isibawo
imvumo etloliweko ebuya kumnghonghoyili, ngaphandle kwebujameni lapho umnghonghoyili:

amntwana
akhubazeke ngokwengqondo
ayathile
amumuntu ikhotho eyaneliswa bona akakghoni ukunikela ngemvumo efunekako.


Qinisekisa iforomo nomabhalana wekhotho bewulilethe.
Umabhalana uzakuthumela isibawo sakho kumarhastrada ozakubeka ilanga lokobana ubuye ekhotho khona isibawo sakho sizakutjhejwa.
Umarhastrada godu uzakulungisa isaziso sokwazisa umtlhorisi ngomlayo wokuvikelwa nokobana eze nini ekhotho.
Ngemva kokuvela ekhotho, umarhastrada anganikela ngomlayo wokuvikelwa.



Top

Imithetho esetjenziswako

Domestic Violence Act, 1998   kanye nemiThethwana nemiLayo yesiTjhaba   ekhambelanako



Top

Amazinga wokusebenza nesikhathi

Ebujameni oburhabako, lomsebenzi utholakala ama-awara ama-24 ngelanga.
Umlayo wokuvikelwa ungafunyanwa mhlokho, lokhu kuyame ekuraraneni komlandu wakho.
Umlayo usebenza bekube kulapho umuntu otlhoriswako awusula khona.
Nayikuthi umtlhorisi wenza isibawo sokudlulisa ukukhutjhwa komlayo, umlayo uragela phambili nokusebenza bekube kulapho iKhotho yokuDluliselwa kweenQunto iwusula khona.



Top

Iindleko

Awubhadeli litho ngalomsebenzi



Top

Amaforomo azaliswako

Form 2: Application for Protection Order 
Form 4: Interim Protection Order 
Form 6: Protection order  
Form 7: Protection order  



Top

Imininingwana yokuthintana


