

Isibawo selungelo lokuzuma amaminerali ngokwemba

Ihlathululo
Amagadango okufanele alandelwe
Imithetho esetjenziswako
Amazinga wokusebenza nesikhathi
Iindleko
Amaforomo azaliswako
Imininingwana yokuthintana

Ihlathululo

Ilungelo lokuzuma amaminerali ngokwemba yimvumo evumela umuntu namkha ikampani ukuphenya namkha ukufunisisa indawo ngomnqopho wokufumana indawo engaba namaminerali namkha ibuthelelo lawo. Omunye nomunye umuntu ofisa ukwenza isibawo selungelo lokuzuma amaminerali ngokwemba kufanele enze isibawo e-ofisini lendawo loMphathi wesiFunda okutholakala ngaphasi kwakhe inarha.

Ilungelo lokuzuma amaminerali ngokwemba lisebenza iminyaka emihlanu kodwana ngemva kwelanga lokuphela umbawi angabawa ukuvuselelwa kwalo isikhathi esingadluli iminyaka emithathu.

Ilungelo lokuzuma amaminerali ngokwemba lizakunikelwa nayikuthi iimfuneko ezilandelako kuhlangabezwana nazo:

Umbawi unemali nelwazi lokwenza umsebenzi wokuzuma okuhlongozwako kuhle
Iqhinga lokusekela ngeemali likhambelana nomsebenzi wokuzuma begodu lizakuthatha isikhathi somsebenzi.
Akunakusilaphazeka kwebhoduluko namkha umonakalo okungamukelekiko okuzakwenzeka ngebanga lomsebenzi wokuzuma
Umbawi ukghona ukukhambisana nomThetho wezamaPhilo nokuPhepha kweeMayini 
Umbawi akaphuli umThetho wokuThuthukiswa kwemiThombo yamaMinerali nePhethroliyamu .
Akunamuntu omunye onelungelo lokuzuma amaminerali ngokwemba, ilungelo lokumayina namkha imvumo yokugcinwa kweminerali nenarha efanako.



Nawufuna ilwazi elinabileko, yiya ku-website yomNyango wamaMinerali namaNdla

Top

Amagadango okufanele alandelwe

Yenza isibawo e-ofisini loMphathi yomNyango wamaMinerali namaNdla  esifundeni inarha ekiso.

Zalisa iForomo B: Application for prospecting right  begodu ulilethe nemitlolo efunekako kuMphathi wesiFunda womNyango wamaMinerali namaNdla ngaphasi kwesifunda sakhe okutholakala inarha.

Iforomo kufanele liphekelelwe yimali ebhadelwako engabuyiko efunekako.
Nayikuthi uMphathi wesiFunda wamukela isibawo sakho, uzakubawa bona ulethe iqhinga lokuphathwa kwebhoduluko kanye nokubonisana nomnikazi wenarha nohlala kiyo ngokomthetho namkha omunye nomunye othintekako.
Letha umphumela wokubonisana kuMphathi wesiFunda kungakapheli amalanga ama-30.
Nayikuthi zoke iimfuno lezi uhlangabezana nazo, uMphathi wesiFunda uzakusa isibawo kuNgqongqotjhe bona sitjhejwe.

Top

Imithetho esetjenziswako

Mineral and Petroleum Resources Development Act, 2002  

Regulations to the Mineral and Petroleum Resources Development Act 
Broad Based Socio Economic Empowerment Charter for the South African Mining Industry 
A Guide for a Prospecting Work Programme to be Submitted for Applications for Prospecting Rights in terms of the Mineral and Petroleum Resources Development Act, 2002  

Top

Amazinga wokusebenza nesikhathi

Nayikuthi uMphathi wesiFunda akamukeli isibawo, uzakwazisa ngomtlolo kungakapheli amalanga ali-14 begodu uzakubuyisela isibawo kuwe.
Nayikuthi uMphathi wesiFunda wamukela isibawo, kufanele akubawe ngomtlolo kungakapheli amalanga ali-14 ukuletha iqhinga lokuphathwa kwebhoduluko kanye nokubonisana nomnikazi wenarha kanye nomuntu ohlala kiyo kanye nomunye othintekako.
Kufanele ulethe umphumela otloliweko wokubonisana kuMphathi wesiFunda kungakapheli amalanga ama-30.
Nasele iimfuno lezi uhlangabezane nazo, uMphathi wesiFunda kufanele alethe isibawo kuNgqongqotjhe bona sitjhejwe.

Top

Iindleko

R 500.00

Top

Amaforomo azaliswako

Form B: Application for prospecting right 

Top

Imininingwana yokuthintana


