﻿

Isibawo sokuba lirizeva lamapholisa

Ihlathululo
Amagadango okufanele alandelwe
Imithetho esetjenziswako
Amazinga wokusebenza nesikhathi
Iindleko
Amaforomo azaliswako
Imininingwana yokuthintana

Ihlathululo

Irizeva lamapholisa lilunga lomphakathi elisebenza isikhathi esithileko  imisebenzi yesipholisa namkha imisebenzi ye-South African Police Service  ngokuzinikela ngaphandle kokurhola.

Uba lirizeva emahlangothini alandelako:

I-Rizeva leHlangothi A - Ukusebenza kwesipholisa:

lenza imisebenzi kiwo woke amahlangothi wokusebenza wesipholisa estetjhini, ezingeni lendawo namkha lephrovinsi kodwana ingasi imisebenzi ekhethekileko

lingambatha iyunifomo

lizakubandula emahlangothini afaneleko wokusebenza kwesipholisa.


IRizeva leHlangothi B - Imisebenzi yokusekela:


lenza imisebenzi ethileko yokusekela ngakwezokuphatha ezingeni lesitjhaba, lephrovinsi namkha lestetjhi begodu angeze lenza imisebenzi yokusebenza kwesipholisa

alimbathi iyunifomo

lapho kutlhogekako, lingabandulwa emahlangothini wezomthetho, umthethomgomo kanye nemilayo esebenza kilemisebenzi ethileko.


IRizeva leHlangothi C - Ukusebenza okuthekileko kwesipholisa:

kufanele libe namakghono athileko namkha ilemuko elingasetjenziswa ukusebenza siPholisa, isibonelo, abatjhayeli beemphaphamtjhini, abodorhodera, abasebenzi bezehlalakuhle namkha abasebenzi berhelebho lezengqondo

lizakwenza imisebenzi ethileko ezikweni lalo lelemuko

ngokuvuma kwakakhomanda lingambatha iyunifomo

kufanele libandulwe emahlangothini afaneleko wezomthetho, umthethomgomo kanye nemilayo elisebenza ngayo.


IRizeva leHlangothi D - Ikoro yesipholisa yemakhaya nemadorobheni:


lenza imisebenzi yokusebenza kwesipholisa ekhambelana nekoro yesipholisa eendaweni zemakhaya nezemadorobheni ekorweni ethileko ezingeni lestetjhi; namkha lizakwenza kuphela imisebenzi eendaweni ezithileko ngaphakathi kwekoro ethileko njengokuqunta kwakakhomanda

lingambatha iyunifomo kuye ngokusetjenziswa

kufanele libandulwe emahlangotihni afaneleko wekoro kanye/namkha nekusebenzeni kwesipholisa okukhambelana nemisebenzi yalo. Ibandulo elingezelelweko lingafuneka nayikuthi lizibandakanya emisebenzini yesipholisa yokusebenza kwekoro.



Irizeva elikhonjelwe ihlangothi lokuthoma lingadluliselwa kwelinye ihlangothi nayikuthi likhambisana nazo zoke iimfuno zehlangothi elithileko begodu libandulwe namkha lifuna ukufumana ibandulo elifunekako kilelohlangothi.

Ngokuya kwemithetjhwana ye-South African Reserve Police Service kufanele:

ube sisakhamuzi sakanomphela seSewula Afrika

ubuncani bakhona ube neminyaka eli-18 begodu ube ngaphasi kweminyaka ema-70 ubudala

uzalise iphephamibuzo lezamaphilo njengokuqunta kwakaKomitjhinara wesiTjhaba 

ungabi nokugula ngokomkhumbulo, ubulwelwe namkha ukungakaqini emkhumbulweni namkha emzimbeni okungakuliya ekwenzeni kuhle imisebenzi yakho

kube uziphethe kuhle, ngombana kufanele kubuzwe ngokuziphatha kwakho

uphumelele ngepumelelo iinhlahlubo zengqondo namkha ukuhlolwa okuquntwe nguKomitjhinara wesiTjhaba wamaPholisa

ubuncani bakhona ube nesitifikhethi sebanga letjhumi namkha esilingana naso begodu ulethe ubufakazi baso bomtlolo;

ukghone ukukhuluma, ufunde bewutlole, isiNgisi njengelinye lamalimi wangokomthetho

uvume ukuthathwa igadangiso lemino begodu kufanele kube akhenge ufunyanwe unomlandu wobulelesi namkha kube usazokutjhutjhiswa

uzimisele ukubandulwa

uzimisele ukwenza isifungo

ungabi nemigwalo ebonakalako emzimbeni ; begodu

kunyulwa bona ube nelayisense yokutjhayela, nanyana kungasi yifuneko emarizeveni.



Phezulu

Amagadango okufanele alandelwe

Tjhinga estetjhini esiseduze samapholisa
Zalisa iforomo lesibawo, SAPS 93
iforomo lemininingwana yakho 
isibopho 
iphephamibuzo lezamaphilo, 
iphephamibuzo lezokuphepha – nayikuthi awisiso isakhamuzi se-RSA
iforomo lemibuzo yegadangiso lemino )
imvumo yababelethi namkha umondli nayikuthi ungaphasi kweminyaka ema-21 ubudala.
Letha imitlolo elandelako:

ikhophi eqinisekisiweko yencwadi kamazisi
ikhophi eqinisekisiweko yelayisense yokutjhayela, nayikuthi unayo
ikhophi eqinisekisiweko yokufaneleka kwefundo ephakamileko.

Ngubani ongeze akhonjwa njengerizeva:


umuntu otjhatjhululwe njengongakaphili kuhle ngakwezokwelapha mqatjhi odlulileko



owayelilunga le-South African Police Service isibawo sakhe sokubuyiselwa emsebenzini esaliweko
umuntu onesikhundla namkha i-ofisi ehlanganweni yezombanganarha
umbikindaba osebenza ngaso soke isikhathi namkha umjameli weziko leendaba
umfundi
unogada
ilunga lomSebenzi wesiPholisa kaMasipala.


Phezulu

Imithetho esetjenziswako



 

The Regulations for the South African Reserve Police Service 


Phezulu

Amazinga wokusebenza nesikhathi

Nayikuthi ufunywana ufaneleka, isibawo sakho sizakuvunywa nguKomitjhinara weNdawo  begodu uzakufungiswa. Angeze wavunyelwa ukwenza imisebenzi oqatjhelwe yona ngaphambi kokuphetha ngepumelelo ibandulo lakho. Okulandela lapho uzakunikelwa isitifikhethi sangokomthetho sokuqatjhwa.

Phezulu

Iindleko

Awubhadeli litho ngalomsebenzi.

Phezulu

Amaforomo azaliswako

Amaforomo awatholakali ku-inthanethi. Sibawa uthintane ne-ofisi lomnyango eliseduze nawe.

Phezulu

Imininingwana yokuthintana


