﻿

Iforomo lokubhadelwa kwesibili komthelo kasolanga

Ihlathululo
Amagadango okufanele alandelwe
Imithetho esetjenziswako
Amazinga wokusebenza nesikhathi
Iindleko
Amaforomo azaliswako
Imininingwana yokuthintana

Ihlathululo

Lapho umuntu arhola ingeniso etheliswako engaweli ngaphasi kokudoswa kwe-SITE namkha i-PAYE , kufanele abhadele umthelo kasolanga ngalengeniso. Ukubhadelwa komthelo kasolanga kwenziwa esikhathini esiziinyanga ezisithandathu.

Umthelo kasolanga uhlose ukurhelebha ababhadela umthelo ukuhlangabezana neenkolodo zomthelo esikhathini esilandelanako kunokobana babhadele imali enengi kanye ngonyaka ngesikhathi sokuhlolwa. Umthelo kasolanga obhadelwako uzakususelwa emthelweni wengeniso wokugcina  umuntu okufanele awubhadele enyakeni wokuhlola ofaneleko.

Umuntu okoloda ukubhadela umthelo kasolanga kufanele kungakapheli amalanga ama-30 wokukoloda, enze isibawo ngomtlolo sokuzitlolisa e-ofisini legatja le-South African Revenue Service . Ukubhalelwa kukwenza njalo kuzakuba nomphumela wenzuzo nehlawulo ekubhadeleni kwangemva kwesikhathi ekulethweni sekudlule isikhathi kwamaforomo.

Ilanga lokugcina lokubhadelwa komthelo kasolanga akusi ngemva kwelanga lokugcina lonyaka wokuhlola namkha ilanga lokugcina elivunyiweko lonyaka weemali.

Tjheja: 

Lapho ukuphela konyaka weemali kaFeberbari kuletha ubudisi begodu ukuvunywa kufunyenwe kwa-SARS ukuletha iintatimende zeemali ngelanga elinye ngaphandle kokuphela kwakaFeberbari, abantu abanjalo godu bangabawa ukuvunywa kokuletha amaforomo womthelo kasolanga ngokukhambisana nokuphela konyaka weemali ovunyiweko. Yoke enye ingeniso kodwana ihlala enyakeni wokuhlola ophela ngomhlaka 28/29 Feberbari.

Balisisa umthelo kasolanga ngendlela elandelako esikhathini sesibili:

isamba soke somthelo olinganisiweko wonyaka ozeleko
umthelo womsebenzi omncani obhadelwe unyaka woke
imali yerhelebho encani emakhredithini womthelo wangaphandle unyaka woke
imali encani ebhadelwa esikhathini sokuthoma.

Phezulu

Amagadango okufanele alandelwe

Bhadela ngesaziso esibekiweko seforomo IRP6 ngomhlaka namkha ngaphambi kwamalanga wokugcina wokubhadela.
Iindlela ezilandelako zokubhadela i-SARS ziyatholakala:

Ukubhadelwa komthelo wesikhatjhana kungenziwa kwelinye nelinye i-ofisi legatja le-SARS, ngoMvulo ukufika ngeLesihlanu phakathi kwaka-08h00 no- 15h30, kungafaki amalanga womphakathi wokuphumula.
Lapho ukubhadela kwenziwa ngeposo, ngokusebenzisa ibhanka namkha i- ATM, isikhathi esaneleko sokuposa namkha sokusetjenzwa kufanele siyelelwe.
Lapho ukubhadela kwenziwa ngokwe-elektroniki, kufanele kuqalelelwe isikhathi sokuqintelwa sebhanka yakho kanye nesikhathi sokuvunyelwa esingathatha amalanga aphakathi kwamabili ukuya kwamahlanu.

Imininingwana yebhanka:

Amaklayenti abhadela ekhawunthareni kwelinye nelinye igatja le-ABSA, le-FNB, namkha le-Nedbank angeze kusatlhogeka bona anikele ngenomboro ye-akhawunti yebhanka kanye nekhodi yebhanka lokha nawabhadelako. Lokhu kusebenza ngokulingana kiwo woke amaklayenti abhanka nge-inthanethi we-ABSA, i-FNB, i-Nedbank, kanye ne-Standard Bank.
Ozakufuneka yi:

nomboro yeklayenti yererensi yokubhadela eneenomboro ezili-19
nenomboro yokuzazisa yomzuzi/ye-akhawunti ehlanganiswe nomhlobo othileko womthelo ukubhadela.


Imininingwana le itjengiswe emtlolweni wobufakazi bokubhadela beforomo le-IRP 6.
Ukubhadela okungakhambisani nenomboro yereferensi yokubhadela okukhulunywe ngayo ngehla kanye nenomboro yomzuzi yokuzazisa angeze kwamukelwa.

Nayikuthi ilanga lokugcina lokubhadela liwela ngaphasi kwelanga lokuphumula namkha lepelaveke, ukubhadela kufanele kwenziwe ngelanga lokugcina lokusebenza elingaphambi kwelanga lokuphumula namkha lepelaveke.

Tjheja:

Amaforomo we-IRP 6 wesikhathi sesibili kufanele alethwe nanyana ngokuya kokubalisisa, kunganamthelo obhadelwako.
Ukubhadelwa kwesibili komthelo kasolanga kufanele kusekelwe esilinganisweni sengeniso etheliswako esilingana nenani elisisekelo namkha inani lamambala lengeniso etheliswako yonyaka loyo.
Ungafanelwa kubhadela umthelo ongezelelweko nayikuthi isilinganiso sakho sengeniso etheliswako singaphasi kwamaphesente ama-90 wengeniso yamambala etheliswako begodu ingaphasi kwenani elisisekelo.
Yenza isiqiniseko sokobana amaforomo we-IRP6 alethwa e-ofisini legatja le-SARS kusese nesikhathi ngaphambi kwelanga lokugcina lokubhadela. Lokhu kuzakuqinisekisa bona isibawo sakho siyafunyanwa begodu sisetjenzwa ngesikhathi begodu awuzukubhadela iimali zehlawulo nenzuzo.
Isiquntu sesaziso sokubhadela seforomo le-IRP 6 manje sisekhasini elinye. Iforomo lakho ngalokho lingalethwa ngokuhlukana nokubhadela kwakho.
Funda imiHlahlandlela ye- IRP 12 Guidelines nayikuthi ufuna irhelebho ekuzaliseni iforomo le-IRP 6.

Phezulu

Imithetho esetjenziswako

Income Tax Act, 1962  

Phezulu

Amazinga wokusebenza nesikhathi

I-SARS yazise amazinga wokusebenza service standards azakufakwa esikhathini seminyaka emibili . Lokha nawuletha amaforomo wakho i-SARS ihlose:

ukusebenza beyilinganise amaphesente ama-80 wamaforomo womthelo wengeniso azaliswe kuhle abe atlikitlwa kungakadluli amalanga wokusebenza ama-90 ukuthoma ngelanga lokufunyanwa ngesikhathi kunomsebenzi omnengi  begodu kungakapheli amalanga wokusebenza ama-34 wokufunyanwa ngesikhathi umsebenzi umncani 
ukusebenza amaforomo we-VAT ne-PAYE kungakapheli amalanga ama-20 wokusebenza wokufunyanwa kwawo
ukusebenza amaforomo wokuthumela ngaphandle newokuletha ngenarheni amaphesente ama-90 alethwe ngokwe-elektroniki kungakapheli ama-awara
wokufunyanwa kwawo begodu kungakapheli ama-awara ama-24 kilawo alethwe ngesandla.

Tjheja:

Nayikuthi umjameli uqalene neendaba zakho zomthelo, yenza isiqiniseko sokobana i-SARS iyaziswa ngalokhu. Lokhu kuzakuvikela wena begodu kuqinisekise bonyana i-SARS ayibeki ilungelo lakho lokuziphilela ipilo yangeqadi nangefihlo engozini.

Phezulu

Iindleko

Awubhadeli litho ngalomsebenzi.

Phezulu

Amaforomo azaliswako



Return for the second provisional tax payment  Individual 
Return for the second provisional tax payment  Trust 
Company or close corporation 

Isaziso sokubhadela sinanyathiselwa eforomini IRP 6.


Phezulu

Imininingwana yokuthintana


