﻿

Isibawo sokubhadelwa komthelo kasolanga – ukubhadelwa kokuthoma

Ihlathululo
Amagadango okufanele alandelwe
Imithetho esetjenziswako
Amazinga wokusebenza nesikhathi
Iindleko
Amaforomo azaliswako
Imininingwana yokuthintana

Ihlathululo

Lapho umuntu arhola ingeniso engaweli ngaphasi kokudoswa kwe-SITE namkha i-PAYE , kufanele abhadele umthelo kasolanga ngalengeniso. Ukubhadelwa komthelo kasolanga kwenziwa esikhathini esiziinyanga ezisithandathu.

Umthelo kasolanga uhlose ukurhelebha ababhadela umthelo ukuhlangabezana neenkolodo esikhathini esilandelanako kunokobana babhadele imali enengi kanye ngonyaka ngesikhathi sokuhlolwa. Umthelo kasolanga obhadelwako uzakususelwa emthelweni wengeniso wokugcina  umuntu okufanele awubhadele enyakeni wokuhlola ofaneleko.

Umuntu okoloda ukubhadela umthelo kasolanga kufanele kungakapheli amalanga ama-30 wokukoloda, enze isibawo ngomtlolo sokutloliswa e-ofisini legatja le-South African Revenue Service . Ukubhalelwa kukwenza njalo kuzakuba nomphumela wenzuzo nehlawulo ekubhadeleni kwangemva kwesikhathi kokulethwa sekudlule isikhathi kwamaforomo.

Ilanga lokugicna lokubhadelwa komthelo kasolanga sikhathi esiziinyanga ezisithandathu zokuthoma konyaka wokuhlola. Ukubhadelwa komthelo kasolanga kufanele kujamele isiquntu sesikolo somthelo sonyaka ozeleko wokuthelisa.

Phezulu

Amagadango okufanele alandelwe

Balisisa umthelo kasolanga ngendlela elandelako esikhathini sokuthoma:

isiquntu somthelo woke wonyaka ozeleko
umthelo womsebenzi omncani odoswa esikhathini lesi 
imali yerhelebho encani evunyelwa emthelweni esikhathini lesi .

Bhadela ngesaziso esibekiweko se-IRP6 ngomhlaka namkha ngaphambi kwamalanga wokugcina wokubhadela. I-SARS izakuthumelela ababhadela umthelo abazitlolisileko amaforomo afaneleko.
Iindlela ezilandelako zokubhadela i-SARS ziyatholakala:

ukubhadelwa komthelo wesikhatjhana kungenziwa kwelinye nelinye i-ofisi legatja le-SARS, ngoMvulo ukufika ngeLesihlanu phakathi kwaka-08h00 no- 15h30, kungafaki amalanga womphakathi wokuphumula


lapho ukubhadela kwenziwa ngeposo, ngokusebenzisa ibhanka namkha i- ATM, isikhathi esaneleko sokuposa namkha sokusetjenzwa kufanele siyelelwe
lapho ukubhadela kwenziwa ngokwe-elektroniki, kufanele kuqalelelwe isikhathi sokuqintelwa sebhanka yakho kanye nesikhathi sokuvunyelwa esingathatha amalanga aphakathi kwamabili ukuya kwamahlanu.

Imininingwana yebhanka:

Amaklayenti abhadela ekhawunthareni kwelinye nelinye igatja le-ABSA, le-FNB, namkha le-Nedbank angeze kusatlhogeka bona anikele ngenomboro ye-akhawunti yebhanka kanye nekhodi yebhanka lokha nawabhadelako. Lokhu kusebenza ngokulingana kiwo woke amaklayenti abhanka nge-inthanethi we-ABSA, i-FNB, i-Nedbank, kanye ne-Standard Bank.
Ozakufuneka yi:

nomboro yeklayenti yererensi yokubhadela eneenomboro ezili-19; kanye
nenomboro yokuzazisa yomzuzi/ye-akhawunti ehlanganiswe nomhlobo othileko womthelo ukubhadela.

Imininingwana le itjengiswe emtlolweni wobufakazi bokubhadela beforomo le-IRP 6.
Ukubhadela okungakhambisani nenomboro yereferensi yokubhadela okukhulunywe ngayo ngehla kanye nenomboro yomzuzi yokuzazisa angeze kwamukelwa.

Nayikuthi ilanga lokugcina lokubhadela liwela ngaphasi kwelanga lokuphumula namkha lepelaveke, ukubhadela kufanele kwenziwe ngelanga lokugcina lokusebenza elingaphambi kwelanga lokuphumula namkha lepelaveke. Nawufuna imininingwana ezeleko qala iwebhsayithi ye-SARS kwa-www.sars.gov.za

Tjheja:

Amaforomo we-IRP 6 wesikhathi sokuthoma kufanele alethwe nanyana ngokuya kokubalisisa, akunamthelo obhadelwako.

Nayikuthi ukubhadelwa komthelo kasolanga kusekelwe engenisweni etheliswako elinganisiweko engaphasi kwenani elisisekelo, isibawo nebanga kufanele kufakwe. Iforomo le-IRP 6 lesikhathi sokuthoma manje litjengisa isikhala lapho kufanele ufake ibanga lesibawo esinjalo. Nayikuthi i-SARS ayaneliswa isilinganiso esibuyekeziweko singabawiwa.

Ukubalekela ihlawulo nenzuzo, yenza isiqiniseko sokobana amaforomo we-IRP 6 alethwa e-ofisini legatja le-SARS elifaneleko ngaphambi kwelanga lokugcina lokubhadela. Lokhu kuzakuqinisekisa bona isibawo sakho siyafunyanwa begodu sisetjenzwa ngesikhathi.

Isiquntu sesaziso sokubhadela seforomo le-IRP 6 manje sisekhasini elinye. Iforomo lakho ngalokho lingalethwa ngokuhlukana nokubhadela kwakho.

Funda imiHlahlandlela ye IRP 12 Guidelines nayikuthi ufuna irhelebho ekuzaliseni iforomo le-IRP 6.


Phezulu

Imithetho esetjenziswako

Income Tax Act, 1962 - Fourth Schedule 

Phezulu

Amazinga wokusebenza nesikhathi

I-SARS yazise amazinga wokusebenza service standards azakufakwa esikhathini seminyaka emibili . Lokha nawuletha amaforomo wakho i-SARS ihlose:

ukusebenza beyilinganise amaphesente ama-80 wamaforomo womthelo wengeniso azaliswe kuhle abe atlikitlwa kungakadluli amalanga wokusebenza ama-90 ukuthoma ngelanga lokufunyanwa ngesikhathi kunomsebenzi omnengi  begodu kungakapheli amalanga wokusebenza ama-34 wokufunyanwa ngesikhathi umsebenzi umncani 
ukusebenza amaforomo we-VAT ne-PAYE kungakapheli amalanga ama-20 wokusebenza wokufunyanwa kwawo
ukusebenza amaforomo wokuthumela ngaphandle newokuletha ngenarheni amaphesente ama-90 alethwe ngokwe-elektroniki kungakapheli ama-awara ama-4 wokufunyanwa kwawo begodu kungakapheli ama-awara ama-24 wokufunyanwa kwawo ngesandla.

Tjheja: Nayikuthi umjameli uqalene neendaba zakho zomthelo, yenza isiqiniseko sokobana i-SARS iyaziswa ngalokhu. Lokhu kuzakuvikela wena begodu kuqinisekise bonyana i-SARS ayibeki ilungelo lakho lokuziphilela ipilo yangeqadi nangefihlo engozini.

Phezulu

Iindleko

Awubhadeli litho ngalomsebenzi.

Phezulu

Amaforomo azaliswako



Return for the first provisional tax payment  Individual 
Return for the first provisional tax payment  Trust 
 Company or close corporation 

I-SARS izakuthumela amaforomo kubabhadeli bomthelo kasolanga abazitlolisileko. Isaziso sokubhadela sitholakala eforomini le-IRP 6.

Phezulu

Imininingwana yokuthintana


