﻿

Ukwenza Imitlolo Yangokomthetho Ibesemthethweni Kanye Neentifikethi Zabasebenzisi Bemikhiqizo

Ihlathululo
Amagadango okufanele alandelwe
Imithetho esetjenziswako
Amazinga wokusebenza nesikhathi
Iindleko
Amaforomo azaliswako
Imininingwana yokuthintana

Ihlathululo

Ukwenza imitlolo ibe semthethweni kanye nokuyiqinisekisa yikambiso yokuqinisekisa amatlikitlo begodu kutjho bona imitlolo yangokomthetho inanyathiselwa, ibethwe itshwayo langokomthetho begodu itlikitlwe i-Apostille Certificate , namkha ngeSitifikethi sokuQiniskeiswa lapho iinarha zingasiyingcenye yesiVumelwano se-Hague.

IPhiko lokwenza Imitlolo Ibesemthethweni:

lenza imitlolo yangokomthetho yomphakathi eyenziwe bonyana isebenze ngeSewula Afrika ibe semthethweni bona isetjenziswe ngaphandle kweRiphabhligi yeSewula Afrika ngokusebenzisa i-Apostille Certificate namkha iSitifkethi sokuQinisekisa
linikela abathengi ngemihlahlandlela yokufumana amatlikitlo alungileko namkha imitlolo
linikela abathengi ilwazi ngomtato, iposo namkha nge-imeyili.

AbaJameli beSewula Afrika ngaphetjheya bangenza imitlolo yangokomthetho ibe semthethweni kuphela nayikuthi beyenziwe yaba semthethweni kokuthoma ngabasemagunyeni bangaPhandle abafaneleko namkha liPhiko lokwenza ibe semThethweni emNyangweni weeNdaba zangaPhandle. AbaJameli beSewula Afrika angeze bakhupha ama-Apostille Certificate – kodwana banganikela kuphela ngeenTifikethi zokuQinisekisa.

Phezulu

Amagadango okufanele alandelwe

Kokuthoma, qunta bona ngimuphi umtlolo ofuna ukuwenza ube semthethweni.

IPhiko lokwenziwa kwemiTlolo ibe semThethweni linganikela ngokuqinisekiswa okufaneleko namkha i-Apostille Certificate ngokuya kwemithetho elandelako:


Umtlolo awudluli unyaka ngobudala.

Kufuze uyelelise iPhiko lokwenziwa kwemiTlolo ibe semThethweni ngenarha imitlolo ezakusetjenziswa kiyo, ukulivumela ukuqunta bonyana yi-Apostille namkha Sitifikethi sokuQinisekisa esifunekako.

Ngaphambi kobana iPhiko lokwenziwa kwemiTlolo ibe semThethweni lingakhupha isiTifikethi sokuQinisekisa namkha se-Apostille, umtlolo kufuze wenziwe ube semthethweni:


nguMarhastrada, uMarhastrada wokuNgezelela namkha iSekela lakaMarhastrada

nguRejistra namkha iSekela lakaRejistra weKhotho ePhakamileko yeSewula Afrika.




Letha imitlolo ePhikweni lokwenziwa kwemiTlolo ibe semThethweni ngenye yeendlela ezilandelako:


Ngokwakho – Imitlolo elethwa ngokwakho ingathathwa kuphela nakufunyanwa ubufakazi bokwamukelwa. Ukuvunywa kokufunyanwa kunikelwa wena ngemva kokunikela imitlolo yakho.

Ngokuthuthwa – Umthuthi uzakunikelwa islibhu sokuthatha, esizakufuneka nakuthathwa imitlolo. Godu kufuze ubhadele umthuthi bona abuyise imitlolo yakho.

Ngeposo etlolisiweko namkha erhabako – Faka i-envilobhu ene-adresi yakho, ebhadelweko  yobukhulu be-A4 ukuvumela iPhiko lokwenziwa kwemiTlolo ibe semThethweni ukubuyisa imitlolo. Incwadi ephekelelako, etjho isibalo semitlolo ezakwenziwa ibe ngesemthethweni iyafuneka begodu imininingwana yakho yezokuthintana kufuze iphekelele imitlolo.

Ngokudlula emJamelini weSewula Afrika ngaphetjheya .



Imitlolo elandelako ayamukelwa:

imitlolo erhunyeziweko namkha amagadangiso wekhompyutha

amakhophi aqinisekisiweko weentifikethi zomtjhado, zamabeletho, zokuhlongakala namkha zokuvunyelwa zamapholisa

amakhophi aqinisekisiweko weenTifikethi zobuJamo bezomTjhado  namkha ubuFakazi bobaKhamuzi

amakhophi aqinisekisiweko wemitlolo yokukhamba namkha yokuzazisa

imitlolo eqinisekiswe nguKomitjhinara weemFungo bona makhophi wemitlolo yamambala. I-Notary Public kufuze iyiqinisekise.


Imitlolo elandelako ayitlhogi bona kokuthoma yenziwe ibe semthethweni yiKhotho njengombana kubekwe ngehla, kuye ngokuthi itlikitlwe mgunyazi okhuphako:

Iintifikethi ezingakarhunyezwa namkha ezizeleko zamabeletho, zomtjhado kanye / namkha zokuhlongakala kanye neencwadi eziqinisekisa ubujamo bobakhamuzi bomuntu, ezitlikitlwe bezabethwa istempe msebenzi ogunyaziweko weeNdaba zangaPhandle.
Amaphepha woku-adoptha atlikitlwe nguRejistra woku-Adoptha emNyangweni wezoBulungiswa.
Imitlolo yokuthumela ngaphandle etlikitlwe beyabethwa istempe yi-Chamber of Commerce.
Iintifikethi zefundo ezitlikitlwe bezabethwa istempe msebenzi ogunyaziweko emNyangweni wezeFundo.
IinTifikethi zokuVunyelwa zamaPholisa ezitlikitlwe bezabethwa istempe yiSentha yamaRekhodi wezoBulelesi yamaPholisa weSewula Afrika .
Incwadi yokungaliyi  etlikitlwe beyabethwa istempe msebenzi ogunyaziweko weeNdaba zeKhaya.
Ukutloliswa kwekampani okutlikitlwe bekwabethwa istempe nguRejistra wama-Close Corporations.
IinTifikethi zokweLatjhwa ezitlikitlwe bezabethwa istempe ziimphathiswa ezigunyaziweko kwa-Health Professions Council.
Imitlolo ephathelene nokuthuthwa kwefuyo, kufaka iimfuyo sithandwa, kufanele itlikitlwe beyibethwe istempe nguDorhodera weFuyo wakaRhulumende ogunyaziweko.

Phezulu

Imithetho esetjenziswako

The Hague Convention of 5 October 1961 
Rule 63 of The Rules of the Supreme Court of South Africa, as amended by Government Notice R.500 dated 12 March 1982 and R.801 dated 23 April 1982 
Rules of the High Court of South Africa as published in Government Notice R.277 dated 3 March 1967 

Phezulu

Amazinga wokusebenza nesikhathi

Ama-awara womphakathi mVulo ukufika ngeLesihlanu, 08:30 – 12:30 

IPhiko lokwenziwa kwemiTlolo ibe semThethweni lizakunikela isaziso samalanga alikhomba sokuvalwa okungasi ngekwelanga lokuphumula.


Phezulu

Iindleko

Akunamali ebhadelwako ukusebenza imitlolo.

Phezulu

Amaforomo azaliswako

Akunamaforomo azaliswako kodwana hlala uveza inarha ohlose ukusebenzisa kiyo umtlolo.

Phezulu

Imininingwana yokuthintana


